மோசமான கிரக அமைப்பு

 

வணக்கம்!

          நாம் பார்த்த ஜாதகத்திலேயே மிக மோசமான கிரக அமைப்பு என்றால் அது மூன்று மற்றும் ஒன்பதில் இராகு கேது அமரும் ஜாதகமாகவே இருக்கும். மூன்று மற்றும் ஒன்பதில் இராகு கேது அமர்ந்தால் அவர்களின் வாழ்க்கை இளமை காலம் என்பது மிக மோசமான ஒரு அமைப்பாகவே இருக்கும்.

மூன்று மற்றும் ஒன்பதாவது வீட்டில் இராகு கேது சம்பந்தப்படுவதால் மட்டுமே இந்த பிரச்சினை நாம் பித்ருசாபம் என்று எடுத்துக்கொள்ளலாம். இராகு கேது என்றாலே அது அதிகமான கர்மா கொடுக்கும் கிரகம் அது மூன்று ஒன்பதில் சம்பந்தம் ஏற்படும்பொழுது அது நிறைய கர்மாவை கொடுத்துவிடுகின்றது.

இராகு கேது மூன்று மற்றும் ஒன்பதில் அமரும்பொழுது அவர்களுக்கு கடுமையான ஒரு பித்ரு சாபத்தை ஏற்படுத்திவிடுகின்றது. அவர்களின் முற்பிறவி மற்றும் அவர்களின் தந்தை பாட்டான் வழியில் உள்ள கர்மத்தையும் சேர்த்து கொடுத்துவிடும்.

இளமை காலத்தில் கடுமையான வறுமையை கொடுத்தால் அது உயிர் பிரச்சினையை ஏற்படுத்தாது. இளமை காலத்தில் வசதி வாய்ப்பு இருந்தால் அது உயிர் பிரச்சினையை அதிகமாக ஏற்படுத்தும். இளம் வயதிலேயே நிறைய கண்டங்களை கொடுத்துக்கொண்டே இருக்கும்.

ஒரு சில ஜாதகர்களுக்கு அவர்களின் குலதெய்வம் நல்ல அருளை தந்தால் அவர்களுக்கு பிரச்சினையை கொடுக்காமல் சிறு கண்டத்தோடு விட்டு விடும். ஒரு சில ஜாதகர்களுக்கு ஜாதகத்தில் நடக்கும் தசா நன்றாக இருந்தால் அவர்களை தப்ப வைக்கும். தசா மோசமாக இருந்தால் பிரச்சினை அதிகமாகவே இருக்கும்.

அன்புடன்
ராஜேஷ்சுப்பு