சொகுசு வாழ்க்கை இல்லை சுக்கிரன் நிலை

 வணக்கம்!
         ஒருவருக்கு சுக்கிரன் தசா வந்தால் நன்றாக இருக்கும் என்று பொதுவாக சொல்லுவது உண்டு. அனைத்து செல்வவளங்களையும் சொகுசு வாழ்க்கையும் கொடுதது அவர்களை இந்த பிறவியை ஒரு சொகுசு வாழ்க்கையை கொடுக்ககூடிய கிரகம் சுக்கிரன். சுக்கிர தசா நடக்கும் அனைவரும் இதனை எதிர்பார்ப்பார்கள்.

ஒரு சில ஜாதகருக்கு சுக்கிர தசா நல்லதை கொடுத்தாலும் ஒரு சிலருக்கு சுக்கிர தசா பெரிய பிரச்சினையை கிளப்பிவிடுவதும் உண்டு. சுக்கிர கிரகம் ஜாதகத்தில் நன்றாக அமையவில்லை என்றால் பிரச்சினையை கொடுக்கும். சுக்கிரனோடு சேரும் கிரகம் சரியில்லை என்றாலும் சுக்கிர தசாவில் பிரச்சினை வருவதற்க்கு வாய்ப்பு இருக்கின்றது.

குரு கிரக இராசியான தனுசு மற்றும் மீன இராசியினர்க்கு சுக்கிர தசா நடந்தால் அவர்களுக்கு அது பிரச்சினையாக வருவதற்க்கு வாய்ப்பு இருக்கின்றது. குருவிற்க்கும் சுக்கிரனுக்கு ஒத்து வருவதில்லை. சுக்கிர தசா  வந்தவுடனே அவர்கள் பிரச்சினையை சந்திப்பார்கள். சுக்கிர தசா சுக்கிர புத்தியிலேயே அதிக பாடு படுத்திவிடுவது உண்டு.

ஒரு சிலருக்கு சுக்கிர தசா ஆரம்பித்த உடனே ஏதாவது ஒரு நோய் வந்து அவர்களை பாடாய் படுத்தி எடுப்பதும் உண்டு. உங்களின் ஜாதகத்தில் சுக்கிரனின் நிலை எப்படி இருக்கின்றது அந்த தசா நடந்தால் அது எப்படிப்பட்ட பலனை கொடுக்கும் என்பதை அறிந்து அதற்க்கு தகுந்தார் போல் பரிகாரத்தை மேற்க்கொள்ளவேண்டும்.

ஒரு சிலருக்கு சுக்கிர தசா நடக்காமல் சுக்கிரன் மோசமாக ஜாதகத்தில் அமர்ந்தால் கூட பிரச்சினை வருவது உண்டு. சுக்கிரன் ஆறாவது வீட்டில் அமர்ந்து இருந்தால் திருமணம் நடைபெறாமல் இருப்பதும் உண்டு. உங்களின் சுய ஜாதகத்தில் சுக்கிரனின் நிலை எப்படி இருக்கின்றது என்பதை பார்த்து அதற்கு தகுந்தார்போல் பரிகாரத்தை மேற்க்கொள்ளவேண்டும் அப்படி இல்லை என்றால் காலம் முழுவதும் கஷ்டத்தை அனுப்பவிக்கவேண்டும்.

அன்புடன்
ராஜேஷ்சுப்பு