வணக்கம்!
கொரோனாவால் மக்கள் இராகு பக்கம் கேள்வி திருப்புகின்றனர். இராகுவால் தான் பெரிய பிரச்சினை வருகின்றது இதனை சரி செய்வது எப்படி மற்றும் இராகுகிரகத்தை எந்த கிரகத்தால் கட்டுப்படுத்த முடியும் என்று கேட்டனர். இராகுவின் நட்சத்திரமாக இருப்பது திருவாதிரை சுவாதி மற்றும் சதயம் நட்சத்திரம். திருவாதிரை மிதுன இராசியில் வருகின்றது. மிதுன இராசியில் புதனின் வீடு சுவாதி துலாம் இராசியில் வருகின்றது. துலாம் சுக்கிரனின் வீடு மற்றும் சதய நட்சத்திரம் கும்பத்தில் வருகின்றது. கும்பம் சனியின் வீடு.
மூன்று இராசியில் துலாம் இராசியில் இராகுவின் வீரியம் குறைவாக இருக்கும். மற்ற இராசிகளை விட துலாம் இராசியில் இராகுவின் வீரியம் குறைவாக இருப்பதற்க்கு காரணம் அந்த இராசியின் அதிபதி சுக்கிரனால் மட்டுமே இது சாத்தியம். அசூரகுருவின் அருளால் இராகுவின் வீரியம் குறைந்துவிடுகின்றது. சுவாதி நட்சத்திரக்காரர்கள் மற்ற இராகுவின் நட்சத்திரத்தை விட நன்றாக வாழ்க்கின்றனர் என்றதால் அதற்கு சுக்கிரன் காரணமாக இருக்கின்றார்.
இராகுவின் வீரியம் சனி மற்றும் செவ்வாய் கிரகத்தால் வீரியம் குறையும் என்றால் அது அந்தளவுக்கு சாத்தியப்பட்டு வராது என்றே சொல்லவேண்டும். குரு கிரகம் நல்ல நிலையில் வரும்பொழுது இராகுவின் வீரியம் குறைய தொடங்கும் என்றாலும் அதுவும் அனுபவத்தில் ஏற்றுக்கொள்ளமுடியாதபடியாக தான் இருக்கின்றது.
இராகுவிற்க்கு துர்க்கை மற்றும் நாகாத்தமன் வழிபாடு எல்லாம் பெண் தெய்வங்களை வைத்தே வழிபாடு செய்யப்படுகின்றது. சுக்கிரனின் காரத்துவம் உடைய பெண் தெய்வங்களை வைத்து வணங்கும்பொழுது மட்டுமே இராகுவின் வீரியம் குறையும் மற்ற எந்த வழிபாடும் அந்தளவுக்கு ஏற்றுக்கொள்ள முடியாதபடியாகவே இருக்கும்.
இதனைப்பற்றி ஒரு வீடியோ பதிவை தந்திருக்கிறேன். இதனை கிளிக் செய்து பார்த்துக்கொள்ளவும்.
அன்புடன்
ராஜேஷ்சுப்பு
No comments:
Post a Comment