சனியின் பார்வை சூரியன் மற்றும் சந்திரன்

வணக்கம்!

          ஒரு ஜாதத்தில் சனி மூன்றாம் பார்வையாக சூரியனை பார்க்கின்றது என்று வைத்துக்கொள்வோம் அதே சனி ஏழாம் பார்வையாக சந்திரனை பார்க்கிறது என்று வைத்துக்கொள்வோம். சூரியன் காட்டக்கூடிய காரத்துவம் தந்தை சந்திரன் காரத்துவத்தை காட்டக்கூடிய காரத்துவம் தாய். இந்த இரண்டு பேரில் யாருக்கு அதிக பாதிப்பு வரும்?

சனியின் மூன்றாம் பார்வைக்கு அதிக பாதிப்பு இருக்கும். தந்தை அதிகமான கஷ்டத்தை தாங்கவேண்டிய ஒரு சூழலை உருவாக்கும். தீயபலன்களை பார்க்கும்பொழுது அதிக பாதிப்பை தருவார். தந்தையின் உடல் நலனிலும் பாதிப்பை அதிகம் ஏற்படுத்துவார்.

சந்திரனை ஏழாம் பார்வையால் பார்ப்பதால் சந்திரனுக்கு அதிக பாதிப்பை ஏற்படுத்தினாலும் சந்திரனுக்கு உரிய காரத்துவம் உடைய தாய் மனநிலை பாதிப்பை அதிகமாக ஏற்படுத்தும். தாய் ஒழுங்கான ஒரு நிலையில் இருக்கமாட்டார். மனநிலை பாதிப்பை ஏற்படுத்தும்.

தாய் மற்றும் தந்தை இந்த இருவரில் தந்தை முதலிலேயே இறந்துவிடுவார். தந்தைக்குரிய சூரியனுக்கு சனியின் மூன்றாம் பார்வை கிடைத்தால் தந்தையின் உயிரை முதலிலேயே பறித்துவிடுவார். 

சூரியன் கெட்ட வீட்டில் அமர்ந்தால் உதாரணத்திற்க்கு சனியின் வீட்டில் சூரியன் அமர்ந்து சனியின் மூன்றாம் பார்வை கிடைக்கும்பொழுது ஜாதகரின் தந்தை ஜாதகரின் இளம் வயதிலேயே மரணம் அடைந்துவிடுவார்.

தாய் இறக்க மாட்டார் ஆனால் தாயின் மனநிலை பாதிப்பை ஏற்படுத்தும் அல்லது தாய் சம்பந்தப்பட்ட ஜாதகருக்காக மிகுந்த போராட்டத்தை அனுபவிக்க வேண்டிய ஒரு சூழலை ஏற்படுத்திவிடுவார்.

அன்புடன்

ராஜேஷ்சுப்பு