இனிய தொடக்கம்

வணக்கம்!

          பெரும்பாலும் நமது ஜாதககதம்பத்தில் சக்தியை மேம்படுத்திக்கொள்வதைப்பற்றி நிறைய பதிவுகளை கொடுத்து இருக்கிறேன். ஆன்மசக்தியை மேம்படுத்திக்கொள்ள வழியை நாம் பின்பற்றி சொல்லிவருகிறோம் அதனை எல்லாம் நீங்கள் பின்பற்றி வருகின்றீர்கள் என்பதை அறிகிறேன். பின்பற்றாதவர்களும் கண்டிப்பாக அதனை பின்பற்றி வாருங்கள்.

ஆன்மசக்தியை வளர்ப்பதற்க்கு உங்களின் காமசக்தியை முறையாக பயன்படுத்த வேண்டும். காமசக்தியை வேண்டும்பொழுது மட்டுமே பயன்படுத்தவேண்டும். எந்த நேரமும் அதனை நோக்கியே மனது இருந்தால் உங்களிடம் கண்டிப்பாக ஆன்மசக்தியை தேக்கி வைத்துக்கொள்ளமுடியாது. நீங்கள் இல்லறத்தில் இருந்தாலும் சரி இளைஞர்களாக இருந்தாலும் சரி நீங்கள் காமசக்தியை முறையாக பயன்படுத்தவேண்டும்.

உங்களிடம் இருப்பது இந்த ஒரு சக்தியை சரியாக பயன்படுத்தி உங்களின் வாழ்க்கைக்கும் அழகு சேர்க்கவேண்டும் அதோடு உங்களின் ஆன்மசக்தியையும் தக்கவைத்துக்கொள்ளமுடியும். இதனை முறையாக பயன்படுத்தவில்லை என்றால் உங்களின் வாழ்க்கை வீணாக போய்விடும்.

உங்களின் ஜாதகத்தில் உள்ள கிரகத்திற்க்கும் இதற்க்கும் நிறைய சம்பந்தம் இருக்கின்றது. மோசமான கிரக நிலைகள் இருந்தால் எந்த நேரமும் அந்த நினைப்போடு இருக்கவைக்கும். பெரும்பாலும் இராகு செவ்வாய் சனி இப்படிப்பட்ட கிரகங்கள் லக்கனத்தோடு சம்பந்தம்படும்பொழுது அது உங்களுக்கு மிக அதிகமாகவே இருக்கும்.

உங்களால் முடிந்தவரை இந்த விசயத்தில் அதிக கவனம் செலுத்தி உங்களை ஒழுங்குப்படுத்திக்கொள்ளுங்கள். உங்களின் வாழ்க்கையை மேம்படுத்திக்கொள்ளுங்கள். இதில் கவனம் செலுத்தினால் கண்டிப்பாக ஆன்மசக்தியை மேம்படுத்திக்கொள்ளமுடியும்.

அம்மன் பூஜைக்கு காணிக்கை செலுத்துபவர்கள் செலுத்தி வைக்கலாம்.

அன்புடன்

ராஜேஷ்சுப்பு