எங்கு லட்சுமி வசிப்பாள்?

வணக்கம் நண்பர்களே நான் பல சோதிட விஷயமாக பல வீடுகளுக்கு சென்று இருக்கிறேன். அப்பொழுது அவர்களின் வீடுகளை பார்த்தால் பழைய சாமான்களாக நிரம்பி இருக்கிறது. பல வீடுகளில் ஓட்டடை அடிப்பதில்லை இந்த மாதிரி தான் பல வீடுகள் உள்ளன. அவர்கள் சொல்லுவது எங்கள் வீட்டில் காசு தங்குவது கிடையாது. நாங்கள் எவ்வளவோ முயற்சி செய்து பார்க்கிறோம் எங்களால் பணத்தை சேமிக்க முடியவில்லை எங்களுக்கு ஒரு வழி சொல்லுங்கள் என்று கேட்கிறார்கள். 

அவர்களுக்கு நான் சொல்லுவது உங்கள் வீட்டில் லட்சுமி குடிகொள்ள வேண்டும் என்றால் முதலில் உங்கள் வீட்டை சுத்தபடுத்த வேண்டும். வீட்டில் பழைய சாமான்களை வைத்துக்கொள்ளாதீர்கள். அவற்றை தூக்கி எறிந்துவிடுங்கள் அல்லது இல்லாதவர்களுக்கு அவற்றை கொடுத்துவிடுங்கள். 

உங்கள் வீட்டில் ஒரு இடத்திலும் அழுக்குகறை இருக்ககூடாது. பல வீடுகளில் அவர்களின் சாப்பிடும் தட்டு கூட சாப்பிட்டு விட்டு அப்படியே போட்டுவிட்டு டிவி பார்த்துக்கொண்டு இருப்பார்கள் இல்லையென்றால் வேலைக்கு சென்று வந்த பிறகு மாலையில் அதை சுத்தம் செய்வார்கள் அப்படி செய்யாதீர்கள் அவர் அவர்கள் சாப்பிடும் தட்டை அவர்களே சாப்பிட்ட பிறகு கழுவி வைத்துவிடுங்கள். 

சுத்தமாக இருந்தால் மட்டுமே உங்கள் வீட்டில் பணம் தங்க செய்யும் அப்படி இல்லை என்றால் நீங்கள் எவ்வளவு கஷ்டபட்டு உழைத்தாலும் காசு உங்களிடம் தங்காது.

வீட்டில் எப்பொழும் நறுமணம் வீசும் படி செய்து கொள்ள வேண்டும். வாரத்திற்க்கு குறைந்தது இரண்டு முறையாவது சாம்பிராணி போட்டு எல்லா இடங்களுக்கும் காட்ட வேண்டும். அப்பொழுது உங்கள் வீட்டில் லட்சுமி வசிக்கும்.

இளைஞர்கள் தனியாக பல நகரங்களில் தங்கி இருக்கிறார்கள் அவர்கள் பல பேர்களின் தங்கி இருக்கும் அறைகளை பார்த்தால் வாந்தி எடுத்துவிடும் அப்படி அசிங்கமாக வைத்திருக்கிறார்கள். நீங்கள் சம்பாதிப்பதற்காக தான் உங்கள் பெற்றோரை பிரிந்து வந்துள்ளீர்கள் நீங்கள் இருக்கின்ற அறையும் சுத்தமாக இருந்தால் தான் உங்களுக்கும் பணத்தை சேமிக்க முடியும். அப்படி சுத்தமாக வைத்துக்கொள்ளவில்லை என்றால் பல வழிகளிலும் உங்கள் பணம் செலவழியும்.

உங்கள் வீடு சுத்தமாக இருக்கும்பட்சத்தில் உங்களின் பணவரவு நன்றாக இருக்கும். இதை நான் அனுபவத்தில் சொல்லுகிறேன். பல பேர் இந்த கருத்தை சொல்லி உள்ளார்கள். நானும் சொல்லுகிறேன் நீங்கள் இதனை அனுபவத்தில் செய்து பார்த்துவிட்டு என்னிடம் சொல்லுங்கள். உங்கள் வீட்டில் நறுமண வாசனை இருந்தால் உங்கள் வீட்டில் லட்சுமி வசிப்பாள்.

அன்புடன்

ராஜேஷ்சுப்பு.