காதலில் சொதப்பல்

வணக்கம்!

          காதல் சொதப்பல் செய்வதில் குரு சுக்கிரன் சேர்ந்து இருக்கும் நபர்கள் செய்வது போல வேறு யாரும் செய்யமாட்டார்கள் என்பதை பல நண்பர்களின் ஜாதகத்தை பார்த்து தெரிந்து இருக்கிறேன்.

காதல் திருமணம் தான் செய்வேன் என்று அடம்பிடித்துக்கொண்டு காதல் செய்துக்கொண்டு இருப்பார்கள். காதல் திருமணம் முடியும் தருவாயில் இருக்கும் கடைசியில் ஏதோ ஒரு காரணத்தால் அந்த திருமணம் நின்றுவிடும். 

குரு சுக்கிரன் ஒருவரின் ஜாதகத்தில் இருந்தால் இப்படி தான் நடக்கிறது என்பது எனக்கு தற்பொழுது நிறைய ஜாதகத்தை எடுத்து பார்க்கும்பொழுது தெரிகிறது. அதிகம் நான் கவனிக்க தவறிய ஒன்று இந்த விசயம் ஆனால் பலரின் காதல் தோல்விக்கு இதுவும் காரணமாக இருக்கின்றது.

குரு சுக்கிரன் என்பது காதல் தோல்வியை தந்தாலும் மறுபடியும் அவர்களுக்கு திருமணம் செய்வது என்பது ஒரு போராட்டமாகவே இருக்கின்றது என்பதும் தெரிகிறது. பெற்றோர்கள் பார்த்து திருமணம் ஏற்பாடு செய்தாலும் நடைபெறவில்லை.

குரு சுக்கிரன் சேர்ந்து இருக்கும் நபர்கள் காதல் செய்தால் அவர்களின் குடும்பத்தினர்களிடம் அதிகமாக அவர்களின் காதலைப்பற்றி சொல்லிவிடுகின்றனர். காதல் தோல்விக்கு பிறகு அவர்களுக்கு திருமணம் செய்வது தடைப்படுவதும் இந்த காரணமாகும் இருக்கின்றது.

குரு சுக்கிரன் சேர்ந்து இருந்தால் அது ஒரு சாபம் வாங்கிய ஜாதகம் என்று சொல்லிருக்கிறேன். இவர்கள் தனியாக பரிகாரம் செய்யவேண்டும் என்பது என்னுடைய தனிப்பட்ட தகவல். பணம் இல்லாதவர்கள் பொது பரிகாரத்தில் கலந்துக்கொள்ளுங்கள்.

அன்புடன்

ராஜேஷ்சுப்பு