Followers

Saturday, December 23, 2017

விரைய வீட்டில் சுக்கிரன்


வணக்கம்!
          விரைய வீட்டில் சுக்கிரன் இருந்தால் பெரும்பாலும் அவர்கள் செலவு அளிப்பது பெண்களின் விசயத்திற்க்காக செலவு செய்வார்கள் என்று சொல்லுவார்கள். பெண்களுக்கு என்றால் தங்களின் குடும்பத்தில் உள்ள பெண்களுக்கும் செலவு செய்வார்கள்.

ஒரு சிலருக்கு சுக்கிரன் பனிரெண்டாவது வீட்டில் இருந்தால் அவர்களின் வீட்டில் ஏதாவது ஒரு பெண்ணை வளர்த்து அதன் படிப்பு அல்லது திருமணத்திற்க்கு கூட செலவு செய்வார்கள். செலவு என்பது சுபசெலவாகு கூட இருக்கலாம்.

சோதிடவிதி மறைவு ஸ்தானத்திற்க்கு ஒரு கிரகம் சென்றால் அது நல்லதை செய்யாது என்பார்கள் ஆனால் அது அனைத்திற்க்கும் பொருந்தாது. சுக்கிரன் எட்டாவது வீட்டிலும் பனிரெண்டாவது வீட்டிற்க்கும் சென்றால் அது யோகமாக மாறி நல்லதை செய்யும்.

எட்டு மற்றும் பனிரெண்டாவது வீட்டிற்க்கு செல்லும் சுக்கிரன் மணவாழ்க்கையிலும் பிரச்சினையை கொடுக்காது. ஒரு சில காலங்களில் இருவரையும் கொஞ்ச காலம் பிரித்து வைக்கும். அந்த பிரிவு கூட அவர்கள் தொழில் விசயமாக வெளியூர் சென்று வேலை செய்துவிட்டு வருவது போல தான் இருக்கும்.

விரைய வீட்டில் சுக்கிரன் இருந்தால் வெளிநாட்டில் வசிக்கும் ஒரு வாழ்க்கையை ஒரு சில ஜாதகர்களுக்கு கொடுக்கிறது. சுக்கிரன் பனிரெண்டாவது வீட்டில் இருப்பது நல்லது.

அன்புடன்
ராஜேஷ்சுப்பு

1 comment:

KJ said...

Correct Sir. I have this Placement...