ஜாதக அனுபவம்

வணக்கம்!

          சந்திரனைப்பற்றி உங்களுக்கு சொன்னேன். சந்திரனைப்பற்றி நாம் பார்க்கும்பொழுது அது எந்த நட்சத்திரத்தில் முதலில் நாம் அமர்ந்து இருக்கின்றது என்பதை தான் பார்ப்போம். அதனை வைத்து தான் ராசி மற்றும் தசாவின் நிலையை அறியமுடியும் என்பது அனைவருக்கும் தெரியும்.

சந்திரன் அமர்ந்த நட்சத்திரம் அஸ்வினி என்று வைத்துக்கொள்வோம். மேஷ ராசி என்பது தெரியும். அஸ்வினி கேதுவின் நட்சத்திரம். மேஷம் செவ்வாயின் வீடு. சந்திரன் செல்வது அஸ்வினி நட்சத்திரத்தில் முதல் பாகத்தில் என்று வைத்துக்கொள்வோம். 

மேஷ லக்கினமாகவும் அதனை நாம் வைத்துக்கொள்வோம். இப்பொழுது நாம் பலனை சொல்லவேண்டுமானால் என்ன செய்வோம். முதல் வீட்டில் சந்திரன் இருக்கின்றது என்பதை வைத்து நாம் பலனை சொல்லிவிடுவோம். 

சந்திரன் அமர்ந்த நட்சத்திரத்தில் நாம் பலனை சொன்னால் அது கொஞ்சம் நன்றாகவே இருக்கும். கேதுவின் நட்சத்திரத்தில் சந்திரன் இது தான் முதலாக எடுத்துக்கொண்டு சொன்னால் கேது என்றால் நல்ல ஆன்மீகவாதியாக இருப்பார். சந்திரன் கேதுவின் நட்சத்திரத்தில் செல்லும்பொழுது மகாலட்சுமியின் அருளை பெற்றவர். கண்டிப்பாக இவர் செல்வந்தராக இருப்பார். அதோடு நல்ல அறிவை பெற்று எதிலும் சிறந்து விளங்குவார்.

கேதுவின் நட்சத்திரத்தில் சந்திரன் செல்வதால் சந்திரன் மனக்காரகனாக இருப்பதால் அவரின் புத்தி எப்படி இருக்கும் என்றால் அல்ப தனமான புத்தியாகவும் இருப்பார். அடுத்தவரைப்பற்றி சும்மா ஏதாவது வில்லங்கதனமாக பேசுவார் என்று சொல்லலாம். நீண்டநட்பை வைத்துக்கொள்ளமாட்டார்கள். பழகிவிட்டு தூக்கிபோட்டுவிட்டு போய்விடுவார்.

இவங்களோடு மைனஸ் என்பதை நாம் பார்த்து தான் இவர்களுக்கு நாம் சரியான ஒரு வழியை நாம் சொல்லமுடியும். ஒரே பாயிண்ட் கேதுவின் நட்சத்திரத்தில் சந்திரன் இதனை நீங்கள் பிடித்துக்கொள்ளவேண்டும்.

இவர்கள் பணவசதியில் நன்றாக இருந்தால் இவர்களுக்கு திருமணத்தில் பிரச்சினை வந்துவிடும். அதாவது திருமணம் நடக்காமல் போவதற்க்கும் திருமணம் தள்ளிபோவதற்க்கும் வாய்ப்பு அதிகம் என்பதை நாம் எடுத்துக்கொள்ளலாம். பாம்பின் நட்சத்திரம் கண்டிப்பாக ஏதாவது ஒரு வழியில் ஆப்பு அடிக்கும்.

வாய் மொழியில் நாம் சொல்லவேண்டுமானால் இவர்களிடம் அடுத்தவர்களைப்பற்றி புறம் பேசாதீர்கள். நட்பாக இருந்தாலும் சரி எந்த விதத்திலும் உங்களோடு தொடர்பில் இருப்பவர்களை பேசாமல் தவிர்த்துவிடாதீர்கள் என்று சொல்லலாம்.

பரிகாரமாக சந்திரனுக்கு செய்வதைவிட இவர்களின் நட்சத்திர அதிபதியான கேதுவிற்க்கு ஒரு பூஜை செய்தால் பெரும்பாலும் இவர்களுக்கு மேலே சொன்ன விசயத்தில் இருந்து காப்பாற்றலாம் என்பதை தெரிந்துக்கொள்ளுங்கள்.

மேலே நான் சொன்னது அஸ்வினி முதல் பாதத்தில் சந்திரன் சென்றால் என்ன பலன் என்பதை சொன்னேன். அஸ்வினி இரண்டாம் பாதம் என்றால் பலன் மாறிவிடும். நாம் பலன் சொல்லும்பொழுது நட்சத்திரத்தையும் கணக்கில் எடுத்துக்கொண்டு பலன் சொல்லவேண்டும். பல விசயங்கள் இதில் இருக்கின்றன கொஞ்சமாக நான் சொல்லியிருக்கிறேன்.

தொடர்புக்கு :  9551155800, 8940773309   What'sApp Number: 9551155800 

அன்புடன்

ராஜேஷ்சுப்பு