வணக்கம்!
ஒவ்வொருவருக்கும் கடவுள் கொடுக்கிறாரோ இல்லையோ அவர்களின் இராசி அதிபதி அவர்களுக்கு முடிந்தளவு நன்மையை செய்துவிடுவார். அவரால் முடிந்தளவுக்கு அந்த இராசிக்காரர்களை காப்பாற்றுவார்.
இராசிக்காரர்களுக்கு கொடுக்கவேண்டும் என்ற நியதி இயற்கை என்று சொன்னாலும் பல ஜாதகர்களை காப்பாற்றி அவர்களை இழுத்துக்கொண்டு செல்வது அந்த இராசி அதிபதி. இராசி அதிபதி நன்றாக ஜாதகத்தில் அமையவில்லை என்றாலும் அந்த இராசி அதிபதி அவரால் ஒரு பெரிய நன்மையை செய்யாமல் விடுவதில்லை.
நம்முடைய ஜாதகத்தில் பிற கிரகங்களை வலுப்படுத்துவதை விட நம்முடைய இராசி அதிபதியை நன்றாக வலுப்படுத்தினால் அதனால் நமக்கு நிறைய நன்மை கிடைப்பதற்க்கு வழி செய்யும். இராசி அதிபதியின் பொதுவாக எடுத்துக்கொண்டு அதற்குள்ள தொழிலை செய்தால் கூட அந்த தொழிலில் வெற்றி பெறலாம்.
ஒரு தொழில் வெற்றி பெறுவதற்க்கு அவர்களின் பத்தாவது வீடு வழி செய்வதை விட இராசி அதிபதி நல்ல வழி செய்துக்கொடுக்கின்றது. ஒரு சிலருக்கு பத்தாவது அதிபதி ஒழுங்காக வேலை செய்யாமல் இருந்தாலும் கூட இராசி அதிபதி நன்றாக வேலை செய்து அவர்களை காப்பாற்றுகின்றது.
இராசி அதிபதியை வலுப்படுத்த நாம் பெரியதாக ஒன்றும் செய்யவேண்டியதில்லை. இராசி அதிபதிக்கு ஒரு அர்ச்சனை மட்டும் செய்தால் போதுமானது. எப்பொழுது உங்களுக்கு நேரம் கிடைக்கின்றதோ அந்த நாளில் சென்றுகூட இந்த அர்ச்சனை செய்துவிட்டு வரலாம். நல்ல பலனை நீங்கள் அனுபவிக்கமுடியும்.
அன்புடன்
ராஜேஷ்சுப்பு
No comments:
Post a Comment