சூரியன் சந்திரன்

வணக்கம்!

          சந்திரன் ஒரு ஜாதகத்தில் எந்தளவுக்கு முக்கியமோ அந்தளவுக்கு சூரியனும் முக்கியத்துவம் பெறவேண்டும். தாய் தந்தை நன்றாக இருந்தால் தான் நமது வாழ்க்கை நன்றாக அமையும்.

இன்றைய காலத்தில் ஒருவர் தானாக கஷ்டப்பட்டு முன்னேற்றம் அடையவேண்டும் என்றால் அது அவ்வளவு லேசான காரியம் கிடையாது. சந்திரன் சூரியன் நன்றாக ஜாதகத்தில் அமைந்துவிட்டால் நமது தந்தை தாய் நம்மை நன்றாக பார்த்துக்கொள்வார்கள்.

ஒருவருக்கு இரண்டும் நன்றாக அமைந்துவிட்டால் அது பெரிய யோகம் என்றே சொல்லலாம் அப்படி பெரும்பாலும் அமைவதில்லை என்று சொல்லலாம். ஒரு சிலருக்கு அமைந்து நல்ல வாழ்க்கையை தொடங்கி வைக்கிறது.

ஒரு ஜாதகருக்கு லக்கினத்தில் சூரியன் அமைந்து இருந்தது ஏழில் சந்திரன் அமைந்தது. மாறி மாறி இருவரும் அந்த பையனுக்கு நல்லது செய்தனர். கஷ்டமே இல்லாமல் வளர்த்தனர் என்று சொல்லலாம்.

இதுபோல நல்ல இடத்தில் இரண்டு கிரகங்களும் அமைந்தால் அந்த குழந்தையின் வளர்ச்சி நன்றாக இருக்கும். ஏதாவது ஒன்று பாழ்பட்டாலும் வாழ்க்கை கொஞ்சம் கடினம். ஒரு ஜாதகத்தில் சூரியனும் நன்றாக அமையவேண்டும் சந்திரனும் நன்றாக அமையவேண்டும்.

அன்புடன்

ராஜேஷ்சுப்பு