கேள்வி & பதில்

வணக்கம்!

         இரண்டாம் வீட்டில் இருக்கும் மாந்தியை குரு பார்த்தால் நன்மையளிக்குமா என்று நண்பர் ஒரு கேள்வி கேட்டுருந்தார். அதற்கு பொதுவான பதில் நன்மையளிக்கும் என்று சொல்லலாம். 

குரு கிரகம் சுபக்கிரகம் அதன் பார்வை நன்மையுண்டு தான் ஆனால் குரு கிரகம் எந்த வீட்டில் இருக்கின்றது என்பது முக்கியம். குரு இருக்கும் ராசி முக்கியம். இரண்டாவது வீட்டில் இருக்கும் மாந்தியை குரு கிரகம் பகைவீட்டில் இருந்து பார்த்தால் பலன் மோசமாக இருக்கும் என்பதை சொல்லலாம்.

குரு கிரகம் வக்கிரம்பெற்று இருந்தாலும் அவர் செய்யும் வேலை கொஞ்சம் எதிர்மறையாகவே கையாள்வார். குரு கிரகம் தன்னுடைய வேலையை எதிர்மறையாகவே காட்டும். மாந்தியும் பொல்லாதவர் அவரை குரு வக்கிரம் பெற்று பார்த்தால் மோசத்திற்க்கு மோசம் என்று சொல்லிவிடலாம்.

சுக்கிரன் வேலையை குரு கூட செய்ய முடியும். அது எப்பொழுது என்றால் குருகிரகம் பகை அல்லது வக்கிரம் பெற்றால் சுக்கிரன் வேலையை குருவே செய்வது போல் அவர்க்கு இருக்கும்.

மாந்தியின் பொதுவான பலனை சொல்லிக்கொண்டு இருக்கிறேன். அந்த பலன் எல்லாம் பொதுவானவை. உங்களின் ஜாதகத்திற்க்கு ஏற்ப பலன் மாறும். ஜாதகத்தை வைத்து தான் பலனை கணிக்கமுடியும்.

அன்புடன்

ராஜேஷ்சுப்பு