லக்கனத்தில் சனி

வணக்கம்!

          ஒருவருடைய ஜாதகத்தில் லக்கனத்தில் சனி இருக்கும்பொழுது தான் அதன் பாதிப்பு ஒருவருக்கு அதிகமாக இருக்கின்றது. நான் பார்த்த ஜாதக அனுபவத்தின் அடிப்படையில் வைத்து இந்த அனுபவத்தை உங்களிடம் சொல்லுகிறேன்.

சனி லக்கினத்தில் இருந்தால் ஒருவருக்கு திருமணத்தில் அதிக காலதாமதத்தை கொடுத்துவிடும். திருமணம் காலக்காலத்தில் நடந்துவிட்டால் அதன் வலி தெரியாது. திருமண வயதை கடந்து ஒருவர் இருக்கும்பொழுது தான் அதன் வலி என்ன என்பது தெரியும்.

திருமணத்திற்க்கு நாம் ஏழாவது வீட்டையும் மற்றும் குருவின் பார்வையும் பார்த்துக்கொண்டு இருப்போம். லக்கனத்தில் என்ன கிரகம் இருக்கின்றது அது எப்படி பாதிப்பை தரும் என்பதை தெரிந்தால் தான் திருமணம் தடைப்படுவது தெரியவரும்.

திருமணத்தை தள்ளி வைப்பதில் சனியின் பார்வை அதிக முக்கியத்துவம் பெறுகிறது. லக்கனத்தில் இருந்து சனி ஏழாவது வீட்டை பார்ப்பதால் திருமணம தடையை அதிகம் ஏற்படுத்தும். நாம் ஏன் திருமணம் நடக்கவில்லை என்று ஜாதகத்தை நோண்டி பார்த்துக்கொண்டு இருப்போம். சனி தான் காரணம் என்பதை புரிந்தால் தெரியவரும்.

லக்கனத்தில் சனி இருந்து திருமணத்தை தடை ஏற்படும்பொழுது சனிக்குள்ள பரிகாரத்தை செய்து திருமண தடையை விலகி கொண்டு திருமணத்தை செய்துக்கொள்ளுங்கள். 

அன்புடன்

ராஜேஷ்சுப்பு