மறைவுஸ்தான பலன்

வணக்கம்!

          மறைவுஸ்தானமான எட்டில் லக்கினாதிபதியே நின்றால் அவர்களின் வாழ்க்கை இளம் வயதில் அதிக பிரச்சினைக்குள் சிக்கும். ஒரு குறிப்பிட்ட காலத்திற்க்கு பிறகு அவர்களுக்கு மிகப்பெரிய வாய்ப்பை எட்டில் நிற்க்கும் லக்கினாதிபதியே வழங்கும்.

மறைவுஸ்தானமான எட்டில் லக்கினாதிபதி நிற்கிறது அதனால் அவர்களுக்கு வாழ்க்கை முழுவதும் நன்றாக இருக்காது என்று சொல்லிவிடமுடியாது அவர்களுக்கும் வாழ்க்கை நன்றாக இருக்கும் முன்பகுதியில் பிரச்சினையை கொடுத்துவிட்டு அதன் பிறகு நன்றாக வாழ்வார்கள்.

மறைவுஸ்தானமான இடத்தில் நிற்க்கும்பொழுது அவர்களுக்கு எதிர்பாராதவிதமாக ஒரு சில திடீர் அதிர்ஷ்டம் அடிப்பதற்க்கு வாய்ப்பு உண்டு. லாட்டரி இல்லை என்றாலும் பிறர் ஏதோ ஒரு வகையில் கொண்டு வந்து கொடுப்பார்கள்.

லக்கினாதிபதி எட்டில் இருக்கும்பொழுது அவர்களுக்கு தொடர்ச்சியாக உடலுக்கு ஏதாவது ஒரு நோய் தாக்கினாலும் அவர்கள் அனைத்து துறையில் இருந்தும் பொன் பொருள் சேர்க்கும் வாய்ப்பு உருவாகும்.

ஒருவர் ஒரு துறையில் இருந்து தான் சம்பாதிக்கமுடியும் ஆனால் லக்கினாதிபதி எட்டில் இருப்பவர்கள் அனைத்து துறையில் இருந்தும் வருமானத்தை பெற்றுக்கொண்டு இருப்பார்கள். இது இவர்களுக்கு உள்ள ஒரு வரப்பிரசாதம் என்று சொல்லலாம்.

அன்புடன்

ராஜேஷ்சுப்பு