ஜாதக பலன் கணிப்பு

வணக்கம்!

          பொதுவாகவே நாம் ஜாதகம் பார்க்கும்பொழுது இராசி கட்டம் மற்றும் நவாம்சம் மட்டும் பார்த்து ஜாதகப்பலனை சொல்லிவிடுவது உண்டு. முக்கால்வாசி சாேதிடர்கள் ஜாதகபலனை சொல்லும்பொழுது இதனை வைத்து ஜாதகபலனை சொல்லிவிடுகின்றனர்.

ஒரு ஜாதகத்தை எழுத சொல்லி அந்த புத்தகத்தை அல்லது நாம் கணிக்கும் சாப்ட்வேர் தரும் விபரத்தை முழுவதும் படித்துவிட்டு பலனை சொன்னால் நன்றாக பலனை கொடுக்கலாம். அனைத்தையும் படித்துவிட்டு சொல்லுகிறேன் என்று சொன்னால் வரும் வாடிக்கையாளர் அதனை ஏற்றுக்கொள்ளவேண்டும்.

ஜாதகத்தை முழுமையாக படிப்பதால் என்ன கிடைக்கும் என்று கேட்கலாம். ஜாதகத்தை படித்தால் அவர் பிறந்த நாள் எப்படிப்பட்டது பிறந்த தேதி மற்றும் பிறந்த திதி இதனைப்பற்றி எல்லாம் நாம் பார்த்து அதற்கு தகுந்தார் போல் பலனை நாம் சொல்லலாம்.

அமாவாசை திதி அன்று பிறந்தால் பெரும்பாலும் கிரகங்களுக்கு பலன் இருக்காது. நாம் இராசிக்கட்டத்தை பார்த்து சொல்லும்பொழுது கிரகத்தை பார்த்து சொல்லிக்கொண்டு இருப்போம். அமாவாசை திதியை ஜாதக விபரத்தில் தான் தெரிந்துக்கொள்ளமுடியும்.

உங்களுக்கு ஒரு உதாரணத்தை சொல்லுவதற்க்கு இந்த திதியை எடுத்துக்கொண்டு சொன்னேன். இதைப்போல் பல விசயங்கள் விபரத்தில் இருக்கும். இதனை எல்லாம் நாம் பார்த்து வரும் ஜாதகருக்கு பலனை சொன்னால் சரியான ஒரு பலனையும் அதற்கு தகுந்த மாதிரியான பரிகாரத்தையும் சொல்லலாம்.

ஒவ்வொருவரும் ஜாதகத்தை கணிக்கும்பொழுது அத்தனை விபரத்தையும் படித்துவிட்டு அதன்பிறகு பலனை நாம் பார்த்தால் நன்றாக இருக்கும். பல விபரங்கள் முழுமையான தகவல்களில் இருக்கின்றன அதனையும் பாருங்கள்.

அன்புடன்

ராஜேஷ்சுப்பு