குரு பெயர்ச்சி :: கடகம்

வணக்கம்!

          இந்த பதிவில் கடக இராசிக்கு குருப்பெயர்ச்சி எப்படி இருக்கும் என்பதைப்பற்றி பார்க்கலாம்.

கடக இராசி

            இதுவரை தங்களின் இராசியை பார்த்துக்கொண்டு உங்களுக்கு நல்லதை செய்துக்கொண்டு இருந்த குரு தற்பொழுது ஆறாவது வீட்டிற்க்கு செல்கின்றார். ஆறாவது வீட்டிற்க்கு செல்வது என்பது கொஞ்சம் கஷ்டம் என்றாலும் பெரியளவில் பாதிப்பை கொடுக்க போவதில்லை.

ஆறாவது வீட்டிற்க்கு செல்லும் குரு அவ்வப்பொழுது கடனை வாங்க வைப்பார் அந்த கடனை நீங்கள் சம்பாதித்து அடைத்துவிடுவீர்கள். வாங்கும் சம்பளம் கடனுக்கு செல்ல வைக்கும் அது உங்களுக்கு பிரச்சினையை தருமா என்றால் பெரியதாக பிரச்சினையை தராது என்று சொல்லலாம்.

ஆறாவது இராசியில் இருந்து குரு தன்னுடைய ஐந்தாவது பார்வையாக மேஷத்தை பார்க்கின்றார். ஐந்தாவது பார்வை நல்ல விஷேசமான பார்வை என்பதால் உங்களின் தொழில் நன்றாக இருக்கும். உங்களின் தொழிலுக்கு வேண்டிய கடனை நீங்கள் பெற்று தொழிலை நடத்தமுடியும்.

ஆறாவது வீட்டில் இருந்து குரு கிரகம் தன்னுடைய ஏழாவது பார்வையாக உங்களின் இராசிக்கு பனிரெண்டாவது இராசியான மிதுனத்தை பார்ப்பதால் நீங்கள் ஆன்மீக பயணத்தை மேற்க்கொள்ளும் ஒரு காலமாகவே இது இருக்கும். புகழ்பெற்ற பெருமாள் கோவில் மற்றும் சாஸ்தா வழிபாட்டை செய்யலாம். சபரிமலை யாத்திரை கூட உங்களுக்கு நடக்கும்.

ஆறாவது வீட்டில் இருந்து குரு கிரகம் தன்னுடைய ஒன்பதாவது பார்வையாக உங்களின் இரண்டாவது இராசியான சிம்மத்தை பார்ப்பார். உங்களின் குடும்பத்தில் சந்தோஷமான நிகழ்வு நடைபெறும். உங்களுக்கு தேவையான பணப்புழக்கம் வந்துக்கொண்டே இருக்கும்.

குரு கிரகம் ஆறாவது வீட்டில் இருப்பது மட்டுமே கொஞ்சம் கடினமே தவிர மற்றபடி அனைத்தும் நன்றாகவே இருக்கின்றது. பெரியதாக கவலைப்பட்டுக்கொண்டு இருக்க வேண்டியதில்லை.

பரிகாரம்

          வியாழக்கிழமை தோறும் கொண்டைகடலை மாலையை குரு கிரகத்திற்க்கு அணிவித்து வணங்கி வாருங்கள்.

ஜாதககதம்பத்தில் குரு பெயர்ச்சி யாகம் நடைபெற இருக்கின்றது. உங்களின் பெயர் இராசி மற்றும் நட்சத்திரத்தை வாட்ஸ்அப்பில் அனுப்பிவிட்டு உங்களால் முடிந்த தொகையை செலுத்தலாம்.   

தொடர்புக்கு :  9551155800, 8940773309   What'sApp Number: 9551155800  

அன்புடன்

ராஜேஷ்சுப்பு