சுக்கிர தசா மற்றும் சூரிய தசா

வணக்கம்!

         ஒருவருக்கு சுக்கிரன் மற்றும் சூரியன் நான்காவது வீட்டில் இருக்கின்றது என்று வைத்துக்கொள்வோம். அவருக்கு சுக்கிர தசா நடக்கின்றது என்றால் அவர்க்கு நிறைய யோகம் வரும். சுக்கிர தசா அவர்க்க நல்ல வாழ்க்கையை ஏற்படுத்திக்கொடுப்பார்.

சுக்கிரதசாவில் சுகமான வாழ்க்கை அனுபவித்துக்கொண்டு இருப்பார்கள். அவரை தேடி அனைத்து செல்வங்களும் வந்துக்கொண்டே இருக்கும். ஒரு இராஜ வாழ்க்கையை வாழ்ந்துக்கொண்டு இருப்பார்.

சுக்கிரன் மீனத்தில் இருந்தால் நல்ல யோகம் அவர்க்கு இருக்கும். மற்றைய இராசியில் இருந்தாலும் நல்ல யோகம் வரும் கொஞ்சம் பிரச்சினையும் கொடுக்கும். அதாவது நோய்களும் வந்துக்கொண்டு இருக்கும்.

இந்த ஜாதகருக்கு சுக்கிர தசா முடிந்து சூரிய தசா ஆரம்பித்தால் பெரும்பாலும் அவர்க்கு நல்லது நடக்காது. நிறைய நண்பர்களுக்கு நான் கவனித்து பார்த்து இருக்கிறேன். சுக்கிர தசாவில் நன்றாக இருந்தவர்கள் சூரிய தசாவில் நிறைய கஷ்டங்களை அனுபவித்துக்கொண்டு இருக்கின்றனர்.

ஒரு தசா முடிந்து அடுத்த தசா ஆரம்பித்தால் பிரச்சினை வரும் என்று சொல்லிவிடமுடியாது. ஏன் என்றால் பலர் மூன்று தசா கடந்தாலும் நன்றாக இருப்பார்கள். குறிப்பாக சூரியன் சுக்கிரன் சேர்ந்து இருக்கும் நபர்களுக்கு சுக்கிர தசா நன்றாக இருந்தால் சூரிய தசா நன்றாக இருக்காது.

உங்களுக்கு இது போல அமைந்து சூரிய தசா நடந்தால் கொஞ்சம் எச்சரிக்கையோடு செயல்படவேண்டும். சூரியனுக்குரிய பரிகாரத்தை செய்யுங்கள். ஞாயிற்றுகிழமை தோறும் நவகிரகத்தில் இருக்கும் சூரியனை சென்று வணங்கிவிட்டு வருவது நல்லது.

நாளை சென்னையில் என்னை சந்திக்கலாம். சந்திக்க விரும்புபவர்கள் என்னை தொடர்புக்கொள்ளுங்கள்.

அன்புடன்

ராஜேஷ்சுப்பு