இராகு தசாவும் சுபநிகழ்வுகளும்

வணக்கம்!

         ஒருவரின் செயல்பாட்டை தீர்மானிப்பது அவர்களுக்கு நடக்கும் தசா தான் மிக முக்கிய காரணியாக இருக்கும். ஒருவருக்கு இராகு தசா நடந்தால் அவர்களின் செயல்பாடு அதிகபட்சம் தேக்கநிலையை சந்திக்கும். ஒரு சிலருக்கு இராகு தசா நன்றாகவே நடக்கும்.

சமீபத்தில் ஒருவரின் வீட்டிற்க்கு சென்று ஜாதகம் பார்த்தேன். அவரின் பையனுக்கு திருமணம் செய்யவேண்டும் என்பதால் ஜாதகத்தை பார்க்க சொல்லிருந்தார்கள். அவரின் பையனின் ஜாதகத்தில் இராகு ஆறாவது வீட்டில் அமர்ந்திருந்தது.

இந்த பையனுக்கு ஆறாவது வீட்டில் இராகு அமர்ந்த காரணத்தால் அவரின் பெற்றோர்க்கு வட்டி தொழில் செய்து நல்ல வருமானத்தை கொடுத்து இருக்கின்றது. மிகப்பெரியளவில் வட்டி தொழில் செய்து வருமானத்தை பார்த்து இருக்கின்றார்.

இந்த பையனுக்கு படிப்பு ஒரளவு மட்டுமே வந்திருக்கின்றது. அவரின் முழுமுயற்சியால் இந்த பையனின் படிப்பை கஷ்டப்பட்டு படித்து வைத்திருக்கின்றார். பையன் பெரிய வேலையில் இல்லை ஆனாலும் பணம் நன்றாக இருப்பதால் திருமணத்தை ஏற்பாடு செய்துவிடலாம் என்று எண்ணி செய்கின்றனர்.

பெரும்பாலும் இராகு தசாவில் திருமணம் செய்வது என்பது ஒரு கடினமான பணியாகவே இருக்கும். ஒரு சிலருக்கு உடனே நடந்துவிடும். பலருக்கு இராகு தசாவில் சுபகாரியங்களை நடத்தி வைக்காது. ஊருபட்ட பரிகாரம் அனைத்து கோவில்களுக்கும் சென்று வந்த பிறகு தான் திருமணம் நடக்கும்.

ஒரளவு சோதிடம் தெரிந்தவர்கள் இராகு தசாவில் திருமணம் செய்வதை தவிர்த்துவிடுவார்கள். திருமண வயதில் இருந்தால் போராடி இதனை செய்வது உண்டு. உங்களுக்கு இராகு தசாவில் பையன் இருந்தால் பாரக்கின்ற வரன் சுக்கிரதசா அல்லது குருதசாவாக இருந்தால் உடனே திருமணம் நடக்கும்.

இராகு தசாவில் ஏழரைசனி மற்றும் அஷ்டமசனி நடந்தால் திருமணத்தை தவிர்த்துவிடுவது நல்லது. ஏழரைச்சனி முடிந்த பிறகு அவர்களின் ஜாதகத்தை கையில் எடுக்கலாம். இராகு தசாவும் சரியில்லாமல் கோச்சாரபலனும் சரியில்லாம் திருமணம் செய்யும்பொழுது அவர்களின் வாழ்க்கை பிரச்சினையை சந்திக்கும்.

அன்புடன்

ராஜேஷ்சுப்பு