வணக்கம்!
எப்படி ஒருவர் தனக்கு திருமண யோகமே இல்லை என்றாலும் பல முயற்சி செய்து திருமணம் செய்துக்கொள்கிறாரோ அதுபோல ஒரு கிரகத்தின் பலன் இல்லை என்றால் அந்த கிரகத்தின் பலனை நாம் முயற்சி செய்து எடுத்துக்கொள்ள முடியும்.
ஒருவர் ஒரு கிரகத்தின் பலன் இல்லை என்றால் அந்த கிரகத்தின் வழியாக நடப்பது அனைத்தும் எதிர்மறையாகவே நடக்க ஆரம்பிக்கும். அந்த கிரகத்திற்க்கு உண்டான சாந்தப்படுத்தும் வேலை என்ன என்று பார்த்து அதன் பலனை பெற்றுவிடலாம். கொஞ்ச காலதாமதம் ஆனாலும் அதனை பெற்றுவிடலாம்.
ஒரு கிரகம் ஒரு பலனை கொடுத்துக்கொண்டு இருக்கின்றது என்றால் அதுவும் ஒரு காலத்திற்க்கு பிறகு அந்த பலனை கொடுக்காது. வேலை மாற்றம் தொழில் மாற்றம் எல்லாம் இப்படி தான் நடக்கிறது.
உங்களுக்கு சுக்கிரன் கிரகத்தின் வழியாக ஒரு வேலை செய்துக்கொண்டு இருந்தால் ஒரு காலத்திற்க்கு பிறகு சுக்கிரன் கிரகத்தின் பலன் கிடைக்காமல் வறண்டு போய்விடும். அந்த காலத்தில் நீங்கள் தோல்வியை நோக்கி செல்லவேண்டியிருக்கும்.
மாடு கறக்கிறது என்று கறந்துக்கொண்டே இருக்கமுடியாது. ஒரு காலத்தில் அது நிற்க்கும் அதுபோல தான் கிரகங்களும். வாழ்நாள் முழுவதும் பலனை எதிர் பார்க்கமுடியாது. ஒரே தொழிலை வாழ்நாள் முழுவதும் செய்பவர்கள் அதற்கு என்று பல விசயங்களை கையாளுகின்றனர். அப்பொழுது அது வாழ்நாள் முழுவதும் கிடைக்கிறது.
அன்புடன்
ராஜேஷ்சுப்பு
No comments:
Post a Comment