வணக்கம்!
சுக்கிரன் முதல் வீட்டில் அமர்ந்திருந்தால் அவர்களுக்கு உடல்வாகு நன்றாக அமையும். உடலில் ஒரு வித கவர்ச்சி இருக்கும். காம கவர்ச்சி இருக்கிறது என்று சொல்லுவார்கள் அல்லவா அந்த கவர்ச்சியை கொண்டவர்களாக இருப்பார்கள்.
ஒரு சிலருக்கு ஜாதகத்தில் முதல் வீட்டில் அமர்ந்திருந்து அந்த சுக்கிரன் கெடுதல் பெற்று இருந்தால் காம எண்ணத்தால் அவர்களின் உடல் சக்தி வெளியேறி அவர்களுக்கு உடல்நிலையில் பாதிப்பு ஏற்பட்டுவிடும்.
முதல் வீட்டில் நல்ல நிலையில் இருக்கும்பொழுது அவர்களின் துணை வழியாக நல்ல முன்னேற்றத்தை அடையமுடியும். ஒருவருக்கு திருமணம் முடிந்து அவர்கள் வாழ்வில் வெற்றி பெற்றவர்களாக மாறினார்கள் என்றால் அவர்களுக்கு முதல் வீட்டில் சுக்கிரன் இருக்கும்.
சுக்கிரன் முதல் வீட்டில் இருந்தால் அவர்கள் திருமணத்திற்க்கு முன்பு ஒன்றும் இல்லாதவர்களாக இருந்து திருமணம் நடைபெற்றால் அவர்களுக்கு வீடு வாகனம் எல்லாம் அமைந்து நல்ல வாழ்க்கை அமைந்துவிடும்.
சுக்கிரன் முதல் வீட்டில் இருந்தால் அவர்கள் செய்யும் காரியம் அனைத்தும் பெண்களை வைத்து துவங்கினால் அவர்களுக்கு அது நல்லது நடக்கும். பாதிப்படைந்த சுக்கிரனாக இருந்தால் பெண்களை வைத்து காரியத்தை தொடங்ககூடாது.
சுக்கிரன் முதல் வீட்டில் இருப்பது நல்லது தான். இவர்கள் செய்யும் வேலைகள் அனைத்தும் பெரும்பாலும் வெற்றியை கொடுத்துவிடும். இவர்களோடு தொடர்பில் இருப்பவர்கள் அதிகமாக இருப்பார்கள்.
அன்புடன்
ராஜேஷ்சுப்பு
No comments:
Post a Comment