Followers

Saturday, March 17, 2018

ஜாதக அனுபவம்:: லக்கினாதிபதி


வணக்கம் !
          ஒருவரின் ஜாதகத்தில் லக்கினாதிபதி என்பவர் நன்றாக இருக்கவேண்டும் என்று சொல்லுவார்கள். இது அனுபவத்திலும் உண்மையாகவே இருக்கின்றன. லக்கினாதிபதி மறைவு ஸ்தானத்திற்க்கு சென்றால் அவர்களின் வாழ்க்கை மிகுந்த போராட்டத்திற்க்கு உள்ளாகும்.

லக்கினாதிபதி மறைவு என்பது அவர்களின் உடல்நிலையிலும் கஷ்டத்தை கொடுத்துவிடும். பிறர் வேலை செய்வது போல இவர்களால் வேலையை செய்யமுடியாது. ஒரு அலுவலகத்தில் தொடர்ந்து வேலை செய்யமுடியாத ஒரு நிலையை உருவாக்கிவிடும். ஏதோ ஒரு காரணத்திற்க்கு இவர்கள் பலியாக நேரிடும்.

லக்கினாதிபதி மறைவு என்பது ஏதோ ஒரு வழியில் வாழ்க்கையில் கஷ்டம் இருந்துக்கொண்டே இருப்பது போல செய்துவிடுகிறது. எதுவும் இல்லை என்றாலும் கடன் வந்துக்கொண்டே இருக்கும். கடனை அடைக்கமுடியாத ஒரு நிலையை உருவாக்கிவிடுவார்.

அதிகமான கஷ்டத்தை ஒருவர் அனுபவித்துக்கொண்டு இருக்கின்றார் என்றால் அவர்களுக்கு முதலில் நாம் பார்ப்பது லக்கினாதிபதி எப்படி இருக்கின்றார் என்பதை தான் பார்க்கவேண்டும்.  அவர்களின் லக்கினாதிபதி மறைவுஸ்தானத்தில் இருந்துக்கொண்டு அவர்களை போட்டு தாக்கிக்கொண்டு இருப்பார்.

மறைவுஸ்தானத்தில் இருந்துக்கொண்டு பிரச்சினை கொடுக்கின்றது என்றால் அவர்கள் வேலையை தேர்ந்தெடுப்பது கொஞ்சம் பொதுநலனாக இருக்கும்படி பார்த்து செய்யவேண்டும். பத்து பேருக்கு வேலை செய்துவிட்டு இரண்டு பேரிடம் காசு பார்ப்பது போல செய்துக்கொள்ளலாம்.

வாழ்க்கையில் மிகுந்த கஷ்டமான ஒரு வேலையை தேர்ந்தெடுத்து அதில் சென்று மாட்டிக்கொள்ளகூடாது. அனைத்தும் எளிமையாக இருப்பது போல இருந்தால் தான் உங்களின் உடலுக்கும் நல்லது வருமானத்திற்க்கும் நல்லதாக இருக்கும்.

லக்கினாதிபதி மறைவுஸ்தானத்தில் இருக்கும் நபர்கள் பேச்சையும் கொஞ்சம் குறைவாக பேசுங்கள். உங்களின் பேச்சு பல நேரத்தில் உங்களுக்கு பிரச்சினையை கொடுக்கும். பொறுமையாக அமைதியாக அனைத்தையும் கையாள கற்றுக்கொள்ளுங்கள்.

அன்புடன்
ராஜேஷ்சுப்பு

No comments: