நட்சத்திரம்

வணக்கம்!

          நட்சத்திரத்தைப்பற்றி பார்த்து நீண்ட நாளாகிவிட்டது. இன்று காலை ஒரு பதிவை பார்த்தோம். அதாவது தேர்தலில் எப்படி வெற்றி பெறுவது என்பதற்க்காக ஒரு அறிவிப்பு வெளியிட்டு இருந்தேன். அது கூட நட்சத்திரத்தை வைத்து செய்யும் வேலை தான். 

மக்களை ஈர்க்க வேண்டும் என்றால் அது ராகு கிரகத்தின் வேலையாக தான் செய்ய முடியும். அதே நேரத்தில் இந்த ராகு கிரகம் அரசியல் போன்ற செயல் மற்றும் கொஞ்சம் தவறான வழியில் வரும் பணத்தை காட்டக்கூடிய ஒரு கிரகம் தான். நல்லதும் செய்யக்கூடிய ஒரு கிரகம் ராகு கிரகம். 

ஒரு பிராமணர் வந்து அவர் தேர்தலில் நிற்கிறார் என்று சொன்னால் அவருக்கு ராகு கிரகத்தை வைத்து தான் செய்யவேண்டும் என்பது இல்லை. குரு கிரகத்தை வைத்து கூட நாம் செய்யமுடியும். ஆளுக்கு தகுந்தார் போல் தான் நாமும் செய்யமுடியும்.

ராகு கிரகத்தை வைத்து செய்யும்பொழுது வேலை எளிதாக இருக்கும். குரு கிரகத்தை வைத்து செய்யும்பொழுது கொஞ்சம் அதிகபடியான வேலையாக இருக்கும்.

மக்களிடம் இருக்கும் செல்வாக்கை பொருத்து தான் செய்யக்கூடிய கிரகமும் தேர்ந்தெடுத்து செய்யவேண்டும். செல்வாக்கு நன்றாக இருந்தால் குரு கிரகத்தை கூட நாம் வைத்து செய்யலாம். செல்வாக்கு சரியில்லை என்றால் ராகு கிரகத்தை வைத்து செய்யலாம்.

சோதிடத்தை வைத்து பலன் சொல்லுவதைவிட அதில் உள்ள கிரகத்தை வைத்து நாம் நல்லமுறையில் நமது வாழ்க்கையும் அமைத்துக்கொள்ளமுடியும். நீங்கள் என்ன செய்வீர்கள் கிரகம் பலனுக்கு மட்டும் தான் என்று சோதிடபலனை மட்டும் பார்த்துவிட்டு சென்றுவிடுவீர்கள். 

நான் அப்படி இல்லை சோதிடத்தில் உள்ள கிரகத்தை வைத்து என்ன செய்யலாம். எப்படி செய்தால் வரும் வாடிக்கையாளர்க்கு நல்லது செய்யமுடியும் என்பதில் தான் எனது வேலையே இருக்கின்றது.நட்சத்திரம் வழியாக கிரகங்களை இயக்குவதை தான் நட்சத்திர வேலை என்று சொல்லிருந்தேன்.

அன்புடன்

ராஜேஷ்சுப்பு