Followers

Friday, July 8, 2016

குரு பெயர்ச்சி பரிகாரம்


ணக்கம்!
          குரு கிரகத்தைப்பற்றி நேற்று எழுதவேண்டும் என்று நினைத்திருந்தேன் கொஞ்சம் வெளியில் சென்ற காரணத்தால் அதனை தரமுடியவில்லை. குரு என்றவுடன் நமக்கு குரு கிரகத்தைப்பற்றி தான் ஞாபகம் வரும். குரு காரத்துவம் உடைய நமது குருவையும் குறிக்கின்ற கிரகம் தான் குரு கிரகம்.

ஒரு ஜாதகத்தில் குரு கிரகம் நன்றாக இருந்தால் அவர்க்கு எப்படிப்பட்ட சூழ்நிலையிலும் சமாளிக்கும் அறிவு இருக்கும். அதிகம் பிரச்சினை கூட இவர்களுக்கு வருவதில்லை. பணம் மற்றும் சுகப்போகவாழ்விற்க்கு எல்லாம் குறைவு இல்லாத ஒரு வாழ்க்கையை ஜாதகருக்கு குரு கிரகம் கொடுத்துவிடும்.

உங்களுக்கு நல்வழி காட்டும் குருவை எந்த காலத்திலும் மறக்ககூடாது. இன்றைய காலத்தில் ஒரு குரு நல்வழி காட்டிகிறார் என்றால் முதலில் அவரை தான் நாம் கொல்லுவோம். காலமும் அப்படி இருக்கின்றது மனிதர்களும் அப்படி இருக்கின்றார்கள்.

உலகத்தில் உள்ள அனைத்து குருவையும் கொன்றது அவரின் சீடர்கள் தான் என்பது வரலாற்றை புரட்டி பார்த்தால் உங்களுக்கு தெரியும். என்ன இது என்றால் துரோகம் செய்வதற்க்கு தயங்காமல் மனம் இருக்கின்றது என்பதே காட்டுகிறது.

குரு கிரகம் நன்றாக இருக்கவேண்டும் என்றால் அதாவது உங்களுக்கு நல்ல வாழ்க்கை கிடைக்கவேண்டும் என்றால் உங்களின் குருவை நன்றாக வைத்துக்கொள்ளுங்கள். குரு பெயர்ச்சிக்கு என்று இந்த பதிவை தருவதின் நோக்கமே உங்களின் குரு தான் உங்களை வழிநடத்தும் ஆற்றல் பெற்றவர். குரு கிரகம் எப்படி இருந்தாலும் சரி குருவை மறக்காமல் இருந்தால் போதும். உங்களுக்கு நல்லது எந்த நாளும் நடைபெறும்.

அன்புடன்
ராஜேஷ்சுப்பு

1 comment:

Bsiva Raju said...

உண்மை தான் ஐயா சுப்பர்