வணக்கம்!
குரு கிரகப்பெயர்ச்சியை பற்றி பதிவுகளை போடுங்கள் என்று நண்பர் ஒருவர் கேள்வி கேட்டார். நீங்கள் திரும்பிய பக்கம் எல்லாம் குரு பெயர்ச்சி பற்றிய பலன்கள் தான் இருக்கின்றன. இதில் நாம் குரு பெயர்ச்சியை பலனை தனியாக எழுதவேண்டியதில்லை.
குரு கிரகம் உங்களுக்கு தொந்தரவை கொடுத்தால் நாம் சொல்லும் பரிகாரத்தை மட்டும் செய்துவாருங்கள். குரு கிரகம் என்றால் வயது முதிர்ந்த ஒரு அனுபவசாலியை காட்டக்கூடிய ஒரு கிரகம். வயது முதிர்ந்த ஒரு ஞானம் கொடுப்பது போல இருக்கும் நபர்களுக்கு அவர்களுக்கு தேவையான உதவியை செய்யுங்கள்.
ஆன்மீக பணியை மேற்க்கொண்டு செய்யுங்கள். நிறைய கோவில்கள் சென்று வருவது கூட குரு கிரகம் காரத்துவத்தில் வரக்கூடிய ஒன்று தான் அதனால் நிறைய கோவில்கள் சென்று வரலாம். பணம் உங்களுக்கு வந்தாலும் சரி வரவிட்டாலும் சரி உங்களின் பையில் கொஞ்சம் பணம் இருப்பது போலவே வைத்துக்கொள்ளுங்கள்.
சித்தர்களின் ஜீவசமாதியை தரிசனம் செய்துவிட்டு வாருங்கள். சித்தர்களின் ஜீவசமாதியை தரிசனம் செய்து வந்தால் குரு கிரகத்தின் ஆசி கிடைக்கும். தற்பொழுது பலன் இல்லை என்றாலும் எதிர்காலத்தில் நல்ல பலனை உங்களுக்கு கொடுக்கும்.
உங்களால் முடிந்தால் தொடர்ந்து ஒன்பது வாரம் குரு கிரகத்திற்க்கு ஒரு தீபம் ஏற்றி வணங்கி வரலாம். நிறைய தொந்தரவை குருவால் சந்திக்கும் நபர்கள் ஆலங்குடி சென்று தரிசனம் செய்துவிட்டு வாருங்கள். இதனை செய்தால் போதுமானது.
அன்புடன்
ராஜேஷ்சுப்பு
No comments:
Post a Comment