தோஷத்திற்க்கு பரிகாரம்

வணக்கம்!

          ஒருவருக்கு மறைவுஸ்தான தசா நடைபெறுகின்றது என்றால் அவர்களுக்கு ஏதாவது ஒரு வகையில் தொந்தரவு கொடுத்துக்கொண்டே இருக்கும். ஆபத்து நிறைந்த வாழ்க்கை வாழவேண்டிய ஒரு சூழ்நிலை உருவாகலாம்.

மறைவுஸ்தான அதிபதி தசாவை நாம் என்ன செய்வது அதற்கு பரிகாரமாக என்ன செய்யலாம் என்று கேட்கலாம். பரிகாரம் செய்வதை விட இதனை வழிபாட்டு வழியில் நீங்களே சரிசெய்துக்கொள்ளலாம். பரிகாரத்திற்க்கு செய்யும் செலவை நீங்களே கோவிலுக்கு சென்று அதனை சரிசெய்துக்கொள்ளுங்கள்.

எப்படிப்பட்ட காேவிலுக்கு செல்லலாம் என்பதைப்பற்றி சொல்லுகிறேன். புகழ்பெற்ற ஸ்தலங்களாக இருக்கவேண்டும். புகழ் என்றால் அதிக வருடம் அந்த கோவில் இருந்திருக்கவேண்டும். மிகவும் பழைமையான சிவன் கோவிலாக இருந்தால் நன்றாக இருக்கும்.

இதனை அடிக்கடி செய்துக்கொண்டே இருக்கவேண்டும். தொடர்ந்து செய்யவேண்டும். அதாவது தொடர்ந்து செய்யும்பொழுது நம்முடைய  தோஷக்கணக்கு குறையும். எப்படிப்பட்ட தோஷமாக இருந்தாலும் அல்லது மறைவுஸ்தான அதிபதி தசாவில் அதன் வேகம் குறைந்துவிடும்.

நிறைய கோவில்கள் தமிழ்நாட்டில் இருக்கின்றது. ஒரு கோவிலை நான் குறிப்பிட்டு சொல்லவில்லை அது உங்களின் ஊரில் இருக்கும் கோவிலாக இருந்தாலும் சரி. செய்வதை தொடர்ந்து செய்துக்கொண்டே வரவேண்டும் இது தான் விதி. 

அன்புடன்

ராஜேஷ்சுப்பு