கேள்வி & பதில்

வணக்கம்!

          ஒரு இடத்தில் நல்ல வசதியாக வாழுங்கள் என்று சொல்லுகின்றீர்கள் ஒரு இடத்தில் ஆடம்பரம் இல்லாமல் வாழுங்கள் என்று சொல்லுகின்றீர்கள் எந்த வாழ்க்கையை வாழுவது என்று சொல்லுங்கள்.

மேலே நண்பர் ஒருவர் கேட்ட கேள்வி. நான் காலையில் சொன்னது மறைவு ஸ்தானத்தைப்பற்றி சொல்லுகிறேன். மறைவுஸ்தான தசா நடக்கும்பொழுது மட்டுமே ஆடம்பரம் இல்லாமல் வாழுங்கள் என்று சொல்லுகிறேன்.

நல்ல தசா நடக்கும்பொழுது உங்களின் விருப்படி ஆடம்பரமாகவே வாழுங்கள். ஒரு கெடுதல் தசா நடக்கும்பொழுது உங்களுக்கு கண்டம் என்பது வரும் என்பதால் இப்படி சொன்னேன். நல்ல தசா நடந்தால் கண்டிப்பாக நீங்கள் நன்றாகவே வாழலாம்.

பொதுவாக கொஞ்சம் அமைதியாக வாழ்ந்தால் அது எப்படிப்பட்ட தசாவாக இருந்தாலும் நல்லது. உங்களுக்கு எந்த காலத்திலும் அது தோல்வியை கொடுக்காது என்பது தான் உண்மை. ஏன் என்றால் நடுநிலையில் நீங்கள் வாழ்ந்தால் அது கிரகங்களின் பாதிப்பில் இருந்து தப்பித்து வாழுவது. கிரகங்களால் உங்களுக்கு பாதிப்பு இல்லை.

உயர்ந்த நிலையில் வாழ்ந்துவிட்டு ஏதோ ஒரு கிரகத்தின் தாக்குதலால் கீழே வீழ்ந்துவிட்டால் உங்களின் வாழ்க்கை மிக கஷ்டமாக போய்விடும் அப்பொழுது உங்களால் வாழ்வது என்பது ஒரு கொடுமையான வாழ்க்கையாகிவிடும்.

அன்புடன்

ராஜேஷ்சுப்பு