குரு தசா பலன்கள் பகுதி 90

வணக்கம் நண்பர்களே!

                   பொதுவாக குரு தசா நல்லதை தந்தாலும் கும்ப ராசியினருக்கு மட்டும் குரு எங்கிருந்தாலும் அது பிரச்சினையை தருகிறது என்னுடைய அனுபவத்தில் பல பேர்களுக்கு இப்படி பார்த்திருக்கிறேன். ஏற்கனவே இதனைப்பற்றி எழுதியிருந்தாலும் மீண்டும் எழுதுவதற்க்கு இன்று ஒரு ஜாகதரை அப்படி பார்க்கும்பொழுது தோன்றியது.சரி என்று எழுதிவிட்டேன்.

நான் பார்த்த ஜாதகருக்கு குரு கிரகம் உச்சம் அந்த ஜாதகர் குரு தசாவில் அப்படி ஒரு பாடுபட்டு இருக்கிறார். கும்ப ராசிக்கு குரு தசாவில் பொதுவாக காதல் தோல்வியை ஏற்படுத்திவிடுவார். அந்த காதல்தோல்விலேயே அதிகமான மனகாயங்களை ஏற்படுத்திவிடுவார். வாழ்க்கையில் மிகப்பெரிய மனப்போராட்டம் அவர்களுக்கு இருக்கும்.

கும்பராசியில் உள்ளவர்களுக்கு குரு தசாவில் வேலை கிடைப்பதும் கடினமாக தான் இருக்கும். இன்றைய தேதியில் வேலை கிடைப்பது கடினமாக தானே இருக்கிறது அதனால் கும்பராசியில் குரு தசாவில் இருப்பவர்கள் இருக்கின்ற வேலையை விட்டுவிடாதீர்கள்.

சனிகிரகம் வேலைக்கு காரணமாக இருந்தாலும் நல்ல வேலை கிடைக்கவேண்டும் என்றால் குரு கிரகம் நன்றாக இருக்கவேண்டும். குரு தசா நடைபெறும் கும்பராசியினர் இந்த அனுபவத்தை பெற்று இருப்பார்கள்.

கும்பராசினர் குரு தசா நடைபெறும் காலத்தில் வியாழன் தோறும் 108 எண்ணிக்கை அளவில் கொண்டைகடலை மாலை வியாழன் தோறும் குரு கிரகத்திற்க்கு சென்று போட்டு வணங்கிவிட்டு வாருங்கள். குரு கிரகம் உங்களுக்கு நல்லது செய்யும்.

நன்றி நண்பர்களே !

அன்புடன்
ராஜேஷ்சுப்பு.