Followers

Thursday, January 7, 2016

ஆலய தரிசனம் :: உச்சிபிள்ளையார்

வணக்கம் !
          நேற்று மாலை திருச்சி மலைக்கோட்டை சென்றேன். மலைக்கோட்டை உச்சிபிள்ளையாரை தரிசனம் செய்த பிறகு தாயுமானவர் மற்றும் மட்டுவார்குழலி அம்மனை தரிசனம் செய்தேன். குழந்தை பேறு இல்லாதவர்கள் தரிசனம் செய்யவேண்டிய கோவில் இது. அடிக்கடி நான் இங்கு சென்று இருந்தாலும் தற்பொழுது கும்பாபிஷேகம் செய்தார்கள். அதன் பிறகு நேற்று தான் சென்றேன். இந்த கோவிலுக்கு சென்றால் நல்ல ஆனந்தம் நமக்கு ஏற்படும்.









பிள்ளையாரை தரிசனம் செய்துவிட்டு அங்கிருந்து பார்த்தால் ஸ்ரீரங்கம் கோபுரம் தெரியும் அவரையும் அப்படியே தரிசனம்செய்துவிடலாம். என்னுடைய மொபைல் கேமராவில் எடுத்தவை தான் அனைத்து படங்களும். மொபைல் குறைந்த தரத்தில் உள்ளவை தான் அதனால் தான் படங்கள் அந்தளவுக்கு தெரியவில்லை. நேரிடையாக நீங்கள் பார்த்தால் கண்குளிர பார்க்கலாம்.




திருச்சி சென்றால் ஒரு முறை சென்று தரிசனம் செய்துவிட்டு வாருங்கள்.

அன்புடன்
ராஜேஷ்சுப்பு

Wednesday, January 6, 2016

பிரேததோஷம்


வணக்கம்!
          ஒன்பதாவது வீட்டில் பாவக்கிரகங்கள் இருந்தால் அது தோஷம் என்று சொல்லிவிடுவார்கள். இதில் பிரேததோஷத்தையும் சேர்த்து சொல்லுவார்கள். அது என்ன பிரேததோஷம் என்றால் இறந்த உடலுக்கு தீங்கு செய்தவர்.

இந்த காலத்தில் இறந்த உடலை தூக்கிக்கொண்டு செல்வதற்க்கே ஆள்கள் கிடையாது. இதில் பிரேதத்திற்க்கு எங்கு சென்று தீங்கு செய்ய போகிறார்கள். இது கிராமபகுதியில் இந்த தோஷம் உண்டு என்று சொல்லலாம்.

கிராமபகுதியில் உள்ளவர்கள் ஒருவர் இறந்துவிட்டால் அவரின் இறுதி சடங்கிற்க்கு பாதையை கொடுக்கமாட்டேன் என்று வம்பு செய்வார்கள்.சுடுகாட்டிற்க்கு பாதை என்பது அடுத்தவன் வயலை தாண்டி தான் போகவேண்டிய நிலை எல்லாம் இன்றும் பல கிராமங்களில் இருக்கின்றது. என் வயலில் நீ எடுத்துச்செல்லகூடாது என்று வம்பு செய்வார்கள். இதனாலும் பிரேததோஷம் ஏற்படலாம். இன்று பல கிராமங்களில் அனைத்து சுடுகாட்டிற்க்கும் சாலை வசதி ஏற்படுத்திக்கொடுத்து இருக்கிறார்கள். ஒரு சில இடத்தில் இல்லாமல் இருக்கலாம்.

நாம் சிறுவர்களாக இருந்த காலத்தில் எல்லாம் சாலை வசதி கிடையாது. அப்பொழுது செய்த இந்த பிரச்சினை தோஷமாக கூட இருக்கலாம்.அதனால் நமக்கு காரியதடை ஏற்படும். இறந்த உடலுக்கு செய்யவேண்டிய காரியத்திற்க்கு தடையாக இருக்ககூடாது. அப்படி தடையை ஏற்படுத்தி இருந்தால் இது தோஷமாக இருக்கும். 

சனிக்கிரகம் அல்லது ராகு கிரகம் ஒன்பதாவது வீட்டில் அமைந்திருந்தால் இந்த மாதிரியான தோஷம் என்று எடுத்துக்கொள்ளுங்கள்.

அன்புடன்
ராஜேஷ்சுப்பு

தர்மகுணம்


வணக்கம்!
          ஒன்பதாவது வீட்டு அதிபதியும் ஐந்தாவது வீட்டு அதிபதியும் இணையும்பொழுது அவர்களுக்கு நல்ல அறிவு இருக்கும் என்று சொல்லிருந்தேன். நல்ல அறிவோடு ஞான அறிவும் இருக்கும். அனைத்தையும் சிந்தித்து பார்த்து ஞான அறிவை மக்களுக்கு கொடுப்பவர்களாக இருப்பார்கள்.

ஒரு சிலருக்கு தான் இப்படிப்பட்ட அமைப்பு இருக்கும். ஞான மார்க்கம் என்பது பரதேசியாக சென்று ஞானத்தை அடைந்தவர் கிடையாது. இது அனைத்து சுகத்தையும் அடைந்து அதன் வழியாக ஞானத்தை அடைபவர்களாக இருப்பார்கள்.

ஒரு சிலரை நான் பார்த்து இருக்கிறேன். அவர்கள் கொடுத்து கொடுத்தே ஞானத்தை அடைபவர்களாக இருப்பார்கள். ஒன்பதாவது வீட்டு அதிபதியும் ஐந்தாவது வீட்டு அதிபதியும் இணையும்பொழுது நல்ல செல்வவளத்தை கொடுத்துவிடும்.

செல்வவளம் அதிகமாகும்பொழுது பிறர்க்கும் கொடுக்கவேண்டும் என்று நினைக்கும் குணத்தால் தர்மனாக இருப்பார்கள். இப்படிப்பட்ட குணத்தால் ஞானத்தை அடைபவர்களாக இருப்பார்கள்.

ஜாதகத்தில் வந்த ஒரு சில நண்பர்களுக்கு இப்படிப்பட்ட அமைப்பு இருக்கின்றது. அவர்கள் வந்து இந்த நோக்கத்தையே சொல்லியுள்ளார்கள். ஜாதகத்தில் அப்படி இருப்பதால் அவர்கள் கேட்கிறார்கள். நானும் உங்களின் எண்ணம் கண்டிப்பாக நிறைவேறும் என்று வாழ்த்தி அனுப்பி வைத்து இருக்கிறேன்.

அன்புடன்
ராஜேஷ்சுப்பு




Tuesday, January 5, 2016

அறிவை கொடுக்கும் தந்தை


வணக்கம்!
         பூர்வபுண்ணியத்தை வைத்து நமது அறிவை சொல்லுவார்கள் ஆனால் நமக்கு கொடுக்கும் அறிவு பாக்கியஸ்தானம். தந்தை அறிவை கற்று தரவேண்டும்.

இன்றைய காலத்தில் பார்த்தால் பல குடும்பங்களில் அதுவும் தந்தையை இறந்த குழந்தையின் வளர்ச்சியை பார்த்தால் அந்தளவுக்கு நன்றாக இருக்காது. தாய் வளர்த்தால் கூட அந்த குழந்தைகள் அந்தளவுக்கு சிறப்பாக செயல்படமாட்டார்கள்.

ஏன் இதனை சொல்லுகிறேன் என்றால் பெண்கள் நடத்தும் குடும்பங்களை பார்த்தால் சிறப்பாக இருப்பது போல் தோன்றும் ஆனால் கடைசியில் ஒன்றும் இல்லாமல் போய்விடும். யாரையும் குறிப்பிட்டு இதனை சொல்லவில்லை. அனுபவத்தில் பார்க்கும்பொழுது இது தெரியவருகிறது.

பாக்கியஸ்தானம் நன்றாக இருந்தால் தந்தை நமக்கு ஒரு அறிவை கொடுத்து நமது வாழ்வு நன்றாக அமைய உதவி புரிவார். பாக்கியஸ்தானம் அடிபடும்பொழுது தந்தை அடிப்பட்டு வீணாக தான் போகவேண்டும்.

பெண்களை பொறுத்தவரை நான் தவறு என்று சொல்லவில்லை. தாய் அன்பை கொடுப்பாள் தந்தை அறிவை கொடுப்பான். தற்பொழுது தந்தையைப்பற்றி பார்ப்பதால் இதனை சொல்லுகிறேன்.

அன்புடன்
ராஜேஷ்சுப்பு

பரிகாரம்


வணக்கம்!
          நம்ம ஆட்கள் ஜாதகத்தை நம்பினாலும் சரி நம்பாவிட்டாலும் சரி உங்களின் வாரிசுகளுக்கு ஜாதகத்தில் உள்ள கிரகங்களுக்கு என்ன பரிகாரம் செய்யவேண்டும் என்பதை சொல்லிவிடுங்கள் அல்லது அதற்கு நீங்களே செய்துவிடுங்கள்.

இளம் தலைமுறையினர் இதில் எல்லாம் நம்பிக்கை இல்லாமல் இருக்கலாம். நீங்கள் செய்யவேண்டியதை செய்துவிடுங்கள். பல பேரை நான் பார்க்கிறேன். அவசரப்பட்டு ஏதாவது ஒன்றை செய்துவிட்டு அதன் பிறகு கஷ்டத்தில் சிக்கிக்கொள்கிறார்கள்.

தற்பொழுது எல்லாம் நிறைய வாடிக்கையாளர்களை நான் பார்க்கும்பொழுது அவர்களின் கஷ்டம் திருமணத்தின் பொழுது ஒழுங்காக ஜாதகத்தை பார்க்காமல் திருமணத்தை நடத்திவிடுகிறார்கள். அதன் பிறகு பிரிவு என்று வரும்பொழுது ஜாதகத்தை பார்க்கிறார்கள்.

பல பெரிய கம்பெனிகளில் உள்ளவர்கள் நிறைய சம்பளம் வாங்கினாலும் நிம்மதி இல்லாமல் இருக்கின்றனர். ஏதாவது ஒரு பிரச்சினை வந்து அவர்களை படுத்தி எடுத்துவிடுகிறது. கிரகங்கள் அடிக்கும்பொழுது ஒன்றும் செய்யமுடியாமல் தவிக்கின்றனர்.

ஒரு சாதாரணமாக சோதிடம் பார்க்கும் நபர்களிடம் சென்றால் கூட ஒவ்வொருவருக்கும் இந்த பிரச்சினை இருக்கின்றது இதற்கு என்ன செய்யவேண்டும் என்று சொல்லிவிடுவார்கள்.

நம்ம காசு இருக்கின்ற நேரத்தில் கண் தெரியாமல் ஆட்டத்தை போட்டுவிட்டு ஒன்றும் செய்யாமல் பிறகு நீங்கள் பிரச்சினையில் மாட்டும்பொழுது அதற்கு தீர்வு காண வருவது கடினமான ஒன்று.

பிரச்சினையில் நீங்கள் இருக்கும்பொழுது நீங்களே பரிகாரம் செய்யலாம் என்று எதிர்பார்க்கமுடியாது அதற்கு என்று உள்ளவர்களிடம் நீங்கள் சென்றால் மட்டுமே உங்களுக்கு தீர்வு ஏற்படும்.

வேதாரண்யம் பகுதியில் உள்ள நண்பர்கள் சந்திப்பதாக இருந்தால் தொடர்புக்கொள்ளவும். விரைவில் உங்களை சந்திக்கிறேன். 

அன்புடன்
ராஜேஷ்சுப்பு

விதியும் மதியும்


வணக்கம்!
                 பாக்கியஸ்தான அதிபதி ஐந்தாவது வீட்டில் அமர்ந்து இருந்தால் புத்திர ஸ்தானம் என்பதால் குழந்தைகள் நன்றாக இருக்கும். ஒரு சிலருக்கு தங்களின் குழந்தைகள் பெயரை எடுத்துக்கொடுப்பார்கள் அல்லவா. அவர்களுக்கு எல்லாம் இந்த மாதிரி பாக்கியம் இருக்கும்.

பாக்கியஸ்தானம் பூர்வபுண்ணியம் இரண்டையும் குறிப்பதால் புதையல் போன்ற சொத்துக்கள் கிடைக்கும். இந்த காலத்தில் புதையல் எல்லாம் கிடைப்பது அரிது. புதையல் போன்ற நிறைய பொருட்கள் இருக்கின்றன அல்லவா அது மாதிரி கிடைக்கலாம்.

நல்ல அறிவு இருக்கும் என்று சொல்லலாம். பொதுவாக இது தான் முக்கால்வாசிபேருக்கு இல்லை என்பதால் வழி தெரியாமல் கஷ்டப்படுகிறார்கள் அல்லவா அதுபோல் இல்லாமல் நல்ல அறிவை பெற்றதால் கூடுதலாக நல்ல பாக்கியமும் இருப்பதால் நினைத்தை நடத்துபவர்களாக இருப்பார்கள்.

இன்றைய காலத்தில் பல பெரும் தலைகளின் வாரிசுகளை பார்த்தால் ஜொலிப்பதில்லை ஏன் என்றால் பெரும் தலைகள் அவ்வளவு புண்ணியம் செய்திருக்கிறார்கள் என்று வைத்துக்கொள்ளலாம். அரசியலாக இருந்தாலும் சரி சினிமாக இருந்தாலும் சரி பல பெரும்புள்ளிகளின் வாரிசுகள் உருப்படுவதில்லை. 

அவர்களுக்கு இருந்த பாக்கியம் அவர்களின் வாரிசுகளுக்கு சேரவேண்டும் என்று எந்த பெரிய ஆளும் நினைக்காமல் ஆட்டம் போட்டதால் வந்த வினை இதுவாக இருக்கலாம். எப்படியோ நல்லது செய்தால் தன் வாரிசு காப்பாற்றப்படுகிறது. நல்லது செய்யவில்லை என்றால் வாரிசு ஏதோ பெயருக்கு இருக்கிறது.

பாக்கியமும் பூர்வபுண்ணியமும் யாருக்காவது ஒருத்தருக்கு அமையும். அப்படி அமையபெற்ற ஜாதகர்கள் தானும் வாழ்ந்து தன் பிள்ளையும் வாழ்ந்து ஒரு நல்ல பரம்பரையை உருவாக்குகிறார்கள்.  இவர்களால் பல பேருக்கு நல்ல வாழ்க்கை கிடைக்கிறது.

பாக்கியஸ்தானமும் பூர்வபுண்ணியமும் சேர்ந்த அமைப்பு பெறுவது என்பது மிகப்பெரிய யோகம். நமக்கு இப்படி அமையவில்லை என்றால் என்ன செய்வது? எப்படிப்பட்ட யோகத்தையும் நாம் பெறமுடியும் அதற்கு பாக்கியஸ்தானம் சொல்லும் காரத்துவத்தையும் பூர்வபுண்ணியம் சொல்லும் காரத்துவத்தையும் செய்துவந்தால் நமக்கு அந்த யோகம் கிடைக்கும். 

ஒன்று விதியால் வருவது அது இயற்கையாக அமையும் யோகம் அடுத்த ஒன்று  உங்களின் புத்தியால் வருவது. விதி கிடைக்கவில்லை என்றாலும் புத்தியை வைத்து பெற விளையுங்கள்.

அன்புடன்
ராஜேஷ்சுப்பு

Monday, January 4, 2016

தர்மசிந்தனை


வணக்கம்!
          பல வருடங்கள் நான் இந்த தொழில் செய்து வருகிறேன். நான் பார்த்து வளர்ந்த குடும்பங்கள் கூட நல்ல நிலைமையில் இருந்த குடும்பங்கள் இன்று வறுமையில் இருக்கின்றன. ஒரு சில குடும்பங்கள் சரிவை நோக்கி சென்றுக்கொண்டிருக்கின்றன. இது எதனால் என்று பல நேரத்தில் நான் சிந்தித்து உண்டு. அப்படி அவர்களை பார்க்கும்பொழுது ஒரு கருத்து பிடிப்பட்டது உண்டு.

பாக்கியஸ்தானத்தில் சொல்லப்பட்ட தர்மம் என்ற ஒன்றை யாரும் செய்யாமல் இருந்து வந்தது தான் அது என்பது எனக்கு பிடிப்பட்டது. அவர்கள் சம்பாதித்த சொத்துகளை கூட அவர்கள் கையைவிட்டு சென்று இருப்பது தெரிய வருகிறது. 

சாமர்த்தியமாக சம்பாதிக்கின்றனர். சம்பாதித்த பொருளை கடைசி வரை வைத்து காப்பாற்ற தெரிந்து வைத்திருக்கவேண்டும். தர்மசிந்தனை இல்லாமல் செய்யும் எந்த ஒரு செயலும் வெற்றி பெற்றது கிடையாது. நீங்கள் சாமர்த்தியமாக சம்பாதித்தாலும் அதில் தர்ம சிந்தனையும் சேர்க்கும்பொழுது உங்களின் பணம் கடைசி வரை உங்களிடம் இருக்கும்.

நம்ம ஆளுங்க எச்சில் கையில் காக்கையை விரட்டமாட்டார்கள். அப்படி இருந்தால் கொஞ்ச நாளில் நம்ம சொத்து அழிவது நம் கண்களை பார்க்கவேண்டிய நிலை ஏற்படும்.

சோதிடத்தை எழுதியவன் சரியாக தான் எழுதியிருப்பான் பாக்கியஸ்தானத்தில் தர்மசிந்தனையை சேர்த்துவிட்டுடான். தர்மம் செய்தால் உனக்கு தடை ஏற்படாது. தர்மம் செய்யாமல் இருந்தால் தடை ஏற்பட்டு உனக்கு காரியம் வெற்றி பெறாது என்று வைத்திருக்கார்கள். 

சாமர்த்தியம் உங்களின் திறமை. தர்மகுணம் என்பது கடவுள் கொடுக்கும் குணம். சாமர்த்தியமும் தர்மகுணமும் சேரும்பொழுது உங்களின் வாழ்க்கையில் என்றும் சந்தோஷமே.

அன்புடன்
ராஜேஷ்சுப்பு