இராகு சூரியன் சேர்க்கை

வணக்கம்!

          ராகு சூரியனோடு சேர்ந்து இருந்தால் எப்படிப்பட்ட பலன் கிடைக்கும் என்று நண்பர் ஒருவர் கேள்வி கேட்டு அனுப்பியிருந்தால்.ராகு சூரியனோடு சேரக்கூடாது என்பது தான் பொதுவான கருத்தாக இருக்கும்.

சூரியன் ஆத்மாக்காரகன் மற்றும் தந்தைக்குரிய ஸ்தானத்திற்க்கும் அதிபதி. சூரியனோடு ராகு சேரும்பொழுது அவர்களின் ஆத்மா தூய்மைற்ற நிலையில் இருந்து செயல்படும். இவரின் செயல்பாடு அனைத்தும் நல்லதாக இருக்காது.

சூரியனோடு இராகு சேரும் நபர்களுக்கு நடக்கும் அனைத்தும் எதிர்மறையாகவே இருக்கும். தந்தை வழியில் உள்ளவர்கள் அல்லது தந்தை எதிராக இருப்பார். ஒரு சிலருக்கு தந்தையை பிரித்து வைத்து பார்க்கும்.

சூரியனோடு இராகு சேர்க்கை பிதர்தோஷத்தை உருவாக்கும். பெரும்பாலும் இந்த சேர்க்கை பிதர்தோஷத்தை உருவாக்கிவிடுகின்றது. இதனால் என்ன மாதிரியான பாதிப்பு ஏற்படும் என்றால் திருமணம் நடைபெறுவது கடினமாக இருக்கும். 

மனநிலை பாதிப்பு என்பது சந்திரனோடு இராகு சேர்ந்தால் நடக்ககூடியது என்பார்கள். சூரியனோடு இராகு சேரும்பொழுது அடுத்தவர்களால் பிரச்சினை ஏற்பட்டு அது மனநிலை பாதிப்பாக வருகின்றது. சூரியன் இராகு சேர்க்கை இருந்தால் கண்டிப்பாக பரிகாரத்தை செய்துக்கொள்வது வாழ்வதற்க்கு வழி செய்துக்கொள்ளலாம்.

அன்புடன்

ராஜேஷ்சுப்பு

மாமியார் வீட்டில் மரியாதை கிடைக்குமா?

வணக்கம்!

          மாமியார் வீட்டில் மரியாதை கிடைக்குமா என்று எதனை வைத்து பார்ப்பது என்ற சந்தேகம் இருக்கும். இன்றைய காலத்தில் மாமியார் வீட்டில் தங்கும் மாப்பிள்ளைகள் அதிகமாக இருக்கின்றனர். மாமியார் வீட்டிற்க்கு இழுத்துக்கொண்டு செல்லும் பெண்களின் எண்ணிக்கை அதிகம்.

ஒரு பையனை பெற்றுவிட்டால் அவனுக்கு திருமணம் செய்துவிட்டால் அதன் பிறகு அவன் பெற்றோர்களோடு இருக்ககூடாது. மாமியார் வீட்டில் தான் வளரவேண்டும் என்பது போல இன்றைய காலத்தில் பலர் செயல்பட்டுக்கொண்டு இருக்கின்றனர்.

முக்கால்வாசி பேர் மாமியார் வீட்டிற்க்கு சென்றுவிடுகின்றனர் என்கிறது நமது கணிப்பு. மாமியார் வீட்டிற்க்கு சென்று அங்கு மரியாதையோடு நடத்தப்படுவது மிக மிக கடினம். மாமியார் வீட்டிற்க்கு சென்றாலே அங்கு அவர் வேலைக்காரன் போல தான் இருப்பார்கள். இதனை விட்டுவிட்டு நாம் சொல்ல வரும் கருத்துக்கு வருவோம்.

உங்களின் சுகஸ்தான அதிபதி அதாவது நான்காவது வீட்டு அதிபதி மறைவுஸ்தான அதிபதியோடு இணைந்துவிட்டால் உங்களின் மாமியார் வீட்டில் நீங்கள் அடிமை என்று அர்த்தம். சுகஸ்தான அதிபதி ஆறாவது வீட்டு அதிபதியோடு இணைந்துவிட்டால் மாமியார் வீட்டில் நீங்கள் அடிமை அதோடு அவர்களிடம் இருந்து அடியும் வாங்கவேண்டும்.

நான்காவது வீட்டு அதிபதி நன்றாக இருந்தால் நீங்கள் மரியாதையாக நடத்தப்படுவீர்கள். நான்காவது வீட்டு அதிபதி சரியில்லை என்றால் மாமியார் வீட்டில் இருந்து கொஞ்சம் விலகி இருங்கள்.

அன்புடன்

ராஜேஷ்சுப்பு

உங்களின் உறவு எப்படி இருக்கும்?

வணக்கம்!

          இன்றைய காலத்தில் உறவுகள் என்பது ஏதோ ஒரு நோக்கத்திற்க்காகவே இருக்கின்றது. அடுத்தவர்களிடம் இருந்து என்ன கிடைக்கும் என்பதையே நோக்கமாகவே இருக்கின்றது. உறவுகளாக இருந்தாலும் சரி நட்பு வட்டங்களாகவும் இருந்தாலும் இப்படி தான் இருக்கின்றது. 

நாகரீகம் என்ற பெயரில் வளர்ந்து வந்தாலும் உறவு விசயத்தில் படு பாதளத்திற்க்கு போய்விட்டது. படிப்பு என்று வந்தால் அது மனித உறவில் அதிகமாக உறவை ஏற்படுத்துவதற்க்கு பதிலாக அது மனித உறவில் நோக்கத்திற்க்காகவே மனிதனை வளர்க்கின்றது என்ற அடிப்படையில் கல்வியும் இருக்கின்றது.

கூட்டுகுடும்பத்தில் இருந்த உறவு இன்று தொலைந்து அனைத்தும் தனிகுடும்பமாகவே சென்று விட்டது. ஒரு தனிக்குடும்பத்தில் வசித்து வந்தாலும் அதில் இருக்கும் இருவருக்கும் தற்பொழுது காலத்தில் உறவிலும் நன்றாக இல்லை என்று சொல்லலாம்.

உறவுகள் எல்லாம் வீணாக சென்றதற்க்கு சமூகம் அப்படி இருக்கின்றது என்று வைத்துக்கொண்டாலும் ஒரு சில குடும்பத்தில் இன்றைக்கும் நல்ல உறவு இருக்கின்றது. இவர்களுக்கு எல்லாம் எப்படி இந்த உறவு நிலைத்து இருக்கின்றது என்று பார்த்தால் அவர்களின் ஜாதகத்தில் அப்படிப்பட்ட நிலை இருக்கின்றது.

உறவு என்று வந்தாலே அது சுகஸ்தானம் என்ற நான்காவது வீட்டை வைத்து தான் ஆராய்ந்து சொல்லவேண்டும். ஒருவரின் ஜாதகத்தில் நான்காவது வீடு நன்றாக இருந்தால் அவர்க்கு அமையும் உறவு நல்ல உறவாக அமைந்துவிடும். சுகஸ்தானம் கெட்டால் அவர்களின் உறவு நன்றாக இருக்காது. உங்களின் ஜாதகத்தை எடுத்து நான்காவது எப்படி இருக்கின்றது பாருங்கள். அதிலேயே தெரிந்துவிடும் உறவு நன்றாக இருக்குமா அல்லது கசக்குமா என்பது புரியும்.

அன்புடன்

ராஜேஷ்சுப்பு

சோதிடத்தில் மறைவு வீட்டால் லாபம்

வணக்கம்!

          விரைய வீடான பனிரெண்டாவது வீடு தான் நாம் செய்யும் யாத்திரைகளை காட்டக்கூடிய ஒரு இடமும். நாம் யாத்திரை சென்றால் நமக்கு நல்லது நடக்கும். இன்றைக்கு நாம் செல்லும் யாத்திரை என்பது ஒரு வகையான செலவாக இருந்தாலும் அது பிற்காலத்தில் நமக்கு நன்மையை செய்யும் என்பதற்க்காக தான் யாத்திரையை விரைய வீட்டில் வைத்திருக்கின்றார்கள்.

நான் உங்களுக்கு போதித்தது அனைத்தும் நானே பெரும்பாலும் செய்து அதனை உங்களிடம் பகிர்ந்துக்கொள்வது உண்டு. யாத்திரையும் நீங்கள் செய்யவேண்டும் என்பதற்க்காக தான் இதனை சொல்லுகிறேன். யாத்திரை என்ற செலவை செய்தால் கண்டிப்பாக எதிர்காலத்தில் உங்களுக்கு நல்லது நடக்கும்.

எங்களுடைய பெரும்பாலான பரிகாரத்திற்க்கு நீங்கள் முதலில் செலவு செய்வது போல தான் வைத்திருக்கின்றோம். என்னுடைய குருவே என்னிடம் சொல்லிருக்கின்றார். முதலில் வருபவர்களிடம் பணத்தை வாங்கு அதன் பிறகு பரிகாரத்தை செய் என்பார். எல்லாம் இப்படிப்பட்ட நோக்கத்திற்க்காக மட்டுமே அதனை செய்ய சொல்லிருக்கிறார்.

முதலில் நீங்கள் செலவு என்பது ஆன்மீக வழியாக யாத்திரை செய்வதை செய்வதை கூட செய்துவிட்டு அதன்பிறகு ஒரு நல்லதை ஆரம்பிக்கலாம். மறைவு ஸ்தானம் உங்களை கைவிடாது என்பதற்க்காக இதனை சொல்லுகிறேன்.

நாம் எந்தவிதத்தில் செலவு செய்யலாம் என்பதை முடிவு எடுத்துவிட்டு அதன்பிறகு சம்பாதிக்க திட்டமிட்டால் கண்டிப்பாக உங்களுக்கு ஏதோ ஒரு வகையில் நல்லது நடக்க ஆரம்பித்துவிடும்.

அன்புடன்

ராஜேஷ்சுப்பு

நஷ்டத்தால் லாபம்

வணக்கம்!

          நம்முடைய எந்த வேலையாக இருந்தாலும் அதனை மிக வேகமாக செய்யவேண்டும் என்ற முனைப்போடு செயல்படுவேன். நவ அம்மன் யாகம் செய்வதற்க்கு அறிவிப்பு விட்டு பிறகு நிறைய ஜாதகங்கள் மற்றும் கட்டணம் வந்திருக்கின்றன. இதனை இதுவரை செய்யாமல் இருக்கிறேன். 

ஒரு சில காரணங்களுக்காக இதனை செய்யாமல் இருக்கிறேன். மிக மிக முக்கிய வேலை நடந்துக்கொண்டு இருக்கின்றது அந்த காரணத்தால் நவ அம்மன் யாகம் தள்ளிச்சென்றுக்கொண்டு இருக்கின்றது என்பதை தெரிவித்துக்கொள்கிறேன். கண்டிப்பாக நவஅம்மன் யாகம் நடைபெறும்.

நாம் ஒரு எதார்த்தை புரிந்துக்கொள்ளவேண்டும். நம்மிடம் உள்ள அறிவை முதலீடாக போட்டு ஒரு வேலையை நீங்கள் பார்க்கவேண்டும். உங்களிடம் உள்ள பணத்தை முதலீடாக போட்டு ஒரு தொழிலை ஆரம்பிக்கவேண்டும். முதலில் நீங்கள் ஏதோ ஒரு வகையில் செலவு செய்து அதன் பிறகு லாபத்தை பார்க்கவேண்டும்.

சோதிடத்தில் உங்களின் செலவை காட்டும் இடம் விரைய வீடான பனிரெண்டாவது இடம். இது ஒரு மறைவுஸ்தானம் என்று சொல்லுவார்கள். மறைவு ஸ்தானங்கள் சரியாக இயங்கினால் தான் உங்களின் நல்லதற்க்கே வழி நடத்தமுடியும். மறைவுஸ்தானங்கள் செலவு வைக்கவில்லை என்றால் உங்களின் முதலீட்டிற்க்கு வழி இல்லாமல் சென்றுவிடும்.

இன்றைய காலத்தில் செலவு செய்யாமல் எதனையும் சாதிக்கமுடியும் என்றால் கண்டிப்பாக உங்களால் அது முடியாது என்று தான் சொல்லுவேன். உங்களின் மறைவுஸ்தானம் ஏதோ ஒரு வகையில் உங்களை தூண்டி அதனை செய்யவைக்கும். இந்த முதலீடு சரியாக போகவேண்டும் என்பதை உங்களின் லாபஸ்தானம் முடிவு செய்யவேண்டும்.

விரைய வீடான பனிரெண்டாவது வீடும் நன்றாக வேலை செய்து லாபஸ்தானமான பதினோன்றாம் வீடும் நன்றாக வேலை செய்தால் உங்களால் எளிதாக முன்னேற்ற பாதையில் செல்லமுடியும். இதில் ஏதோ ஒன்று சொதப்பினாலும் வீணாக சென்றுவிடும்.

அன்புடன்

ராஜேஷ்சுப்பு

தீயகிரகங்கள் பரிகாரம்

வணக்கம்!

          கிரகபலன்கள் தீயவை அதிகமாக செயல்படும்பொழுது நாம் அதிகமாக கோவில் குளங்களை நாடிச்செல்லவேண்டும் அந்த காலக்கட்டத்தில் நல்ல விசயங்களை அதிகமாக எடுத்துக்கொண்டு செய்யகூடாது.

தீயகிரகங்களின் காலக்கட்டத்தில் நல்ல விசயங்கள் என்று பார்த்தால் ஏதாவது சுபநிகழ்வுகள் நடைபெறுவது போல உங்களின் வீட்டில் செய்துவிடவேண்டும். இதனை நீங்கள் செய்தால் தீயநிகழ்வுகள் நடக்காமல் செய்யலாம்.

நம்முடைய திட்டம் நன்றாக சிந்தித்து செயல்பட்டால் உங்களுக்கு நடக்கும் தீயவைகளை கொஞ்சம் கட்டுக்குள் வைத்துக்கொள்ளலாம். பெரும்பாலும் நீங்கள் குலதெய்வ வழிபாடு அல்லது இஷ்டதெய்வ வழிபாடு செய்து வந்தால் கண்டிப்பாக உங்களுக்கு இந்த அறிவு கிடைக்கும்.

ஏதாே ஒரு தெய்வத்தை விடாமல் வழிபட்டு வரும்பொழுது மட்டுமே இப்படிப்பட்ட சிந்தனை உங்களுக்கு அந்த தெய்வம் கொடுக்கும். தீயகிரகங்கள் முதலில் சிதைப்பது உங்களின் சிந்தனையை தான் சிதைக்கும்.சிந்தனையை கெடுத்தால் உங்களால் நன்றாக செயல்படமுடியாது.

நல்ல சிந்தனையை உருவாக்குவதில் உங்களின் தெய்வம் உங்களுக்கு நல்ல சிந்தனையை கொடுக்கும். இதனை வைத்து நீங்கள் தீயகிரகங்களின் காலக்கட்டத்தில் நன்றாக செயல்படமுடியும். புத்தி உள்ள பிள்ளை பிழைத்துக்கொள்ளும் என்று சொல்லுவார்கள் அல்லவா. நல்ல புத்தியை தீயகிரகங்களின் காலக்கட்டத்தில் உங்களின் தெய்வம் கொடுத்தால் கண்டிப்பாக நீங்கள் பிழைத்துக்கொள்வீர்கள்.

அன்புடன்

ராஜேஷ்சுப்பு

அண்ணன் தம்பி சொத்து அனுபவம்

வணக்கம்!

          ஒரு குடும்பத்தில் உள்ளவர்களில் மூத்தவர் நன்றாக இல்லை என்றால் அந்த குடும்பத்தில் உள்ள இளையர் என்ன தான் முன்னேற்ற பாதையில் சென்றாலும் அவரால் தன்னுடைய முழுமையான முன்னேற்றத்தை அடையமுடியாது.

ஜாதகத்தை தாண்டியும் பல விசயங்கள் இருக்கின்றன அதில் ஒன்று தான் இந்த விளக்கமும். ஒரு பெற்றோர்க்க்கு இரண்டு பிள்ளைகள் இருந்தால் அதில் மூத்தவர் நன்றாக வாழவேண்டும். மூத்தவர் தன்னுடைய குடும்பத்தை அனுசரனையாக நடத்தி இளையவரையும் தூக்கிவிடவேண்டும்.

இன்றைய காலத்தில் அண்ணன் தம்பியோடு சொத்தை எப்படி ஆட்டைய போடலாம் என்று தான் திட்டம் தீட்டிக்கொண்டு செயல்படுகின்றார்கள். அண்ணனின் மனைவியும் இதற்க்கு உடந்தையாக செயல்பட்டுக்கொண்டு இருக்கின்றனர்.

பெரும்பாலும் அண்ணன் தம்பி சொத்தை பங்கு பிரிப்பதில் மிகுந்த கவனத்தோடு செயல்படவேண்டும். யாருடைய சொத்தும் அதிகமாக அல்லது குறைவாக சென்றுவிடகூடாது. சமமாக சொத்தை பிரித்துக்கொடுக்கவேண்டும்.

உங்களின் தம்பி அல்லது அண்ணனின் சொத்தை நீங்கள் அதிகமாக எடுத்துக்கொண்டால் அதனால் சொத்து கிடைக்காதவர் மனம் வருந்தினால் கண்டிப்பாக உங்களின் வாரிசு பாதிக்கப்படும். இது ஜாதகத்தையும் மீறி செயல்படும் என்பதை மறவாதீர்கள்.

இன்று வெளியூர் பயணம் செல்கிறேன். நாளை தொடர்புக்கொள்ளுங்கள்.

அன்புடன்

ராஜேஷ்சுப்பு