Followers

Saturday, December 12, 2015

அனுபவம்


வணக்கம்!
          நமது ஜாதககதம்பத்தில் தொடர்ந்து படித்து வரும் நண்பர்களை அந்தந்த ஊர்களுக்கு நான் செல்லும்பொழுது சந்தித்து பேசி அவர்களின் குறைகளை அம்மனை வைத்து நிவர்த்தி செய்வது உண்டு.

என்னால் முடிந்தளவுக்கு பயணம் மேற்க்கொண்டு சென்று சந்தித்து வருகிறேன். வெளிநாடுகளில் உள்ள நண்பர்களுக்கு பரிகாரமும் செய்துக்கொடுப்பது உண்டு. ஒவ்வொருவரின் பிரச்சினைக்கும் அவர்களின் வாழ்வில் சார்ந்து பரிகாரமாக அமைத்துக்கொடுப்பது உண்டு.

ஒரு மனிதனுக்கு மிக சரியான வழிகாட்டியாக ஜாதக கதம்பம் இருக்கும். அதே நேரத்தில் நிறைய நண்பர்கள் இன்னுமும் என்னை சந்திக்காமல் இருப்பதும் தெரியவருகிறது. நான்கு வருடங்களுக்கு மேல் படிப்பவர்கள் கூட சந்திக்காமல் இருந்து வருகின்றனர். அவர்களின் கர்மா அப்படி இருக்கலாம். 

ஏன் என்னை சந்திக்கவேண்டும்?

இத்தனை நாள் இதனை படித்து வருகின்றீர்கள். உங்களின் எண்ணமும் எனது எண்ணமும் ஒரே கோட்டில் இருப்பதால் இதனை படிக்கமுடியும். சந்திக்கும்பொழுது நிறைய புரிதல் ஏற்படும் அல்லவா அதனால் சொன்னேன்.

உங்களுக்கு நிறைய பிரச்சினை இருக்கும்பொழுது என்னை சந்தித்தால் அதற்கு தீர்வு இயற்கையாகவே கிடைக்கலாம் அந்த காரணத்தாலும் சொல்லுவது உண்டு.

அன்புடன்
ராஜேஷ்சுப்பு

Friday, December 11, 2015

அம்மன் பூஜை


வணக்கம்!
          இன்றைய மாதம் அம்மன் பூஜை வரும் செவ்வாய்கிழமை 15/12/2015 அன்று நடைபெறும். இந்த மாதம் அம்மன் பூஜைக்கு பங்களிப்பு அளித்தவர்கள்

சென்னையை சேர்ந்த திரு இராஜ்கண்ணன் அவர்கள்.
கோயம்புத்தூரை சேர்ந்த திரு இராஜசுந்தரேஷன் அவர்கள்.
நெதர்லாண்டை சேர்ந்த முருகானந்தம் அவர்கள்.
துறையூரை சேர்ந்த திரு முத்துக்கிருஷ்ணன் அவர்கள்.
திரு சத்தியசீத்தாராமன் அவர்கள்.
திரு வீரேஷ் சந்தானம் அவர்கள்.

வழக்கம் போல் திரு கிருஷ்ணப்பசரவணன் அவர்கள்
அம்மன் பூஜையில் பங்குபெறும் கண்டியூரை சேர்ந்த திரு இராமபாலசுப்பிரமணியன் அவர்கள்.

அம்மன் பூஜை அன்று புதிய வேண்டுதலை அம்மனிடம் வையுங்கள்.

அன்புடன்
ராஜேஷ்சுப்பு

பாக்கியஸ்தானத்தில் சுக்கிரன்


வணக்கம்!
          ஒன்பதாவது வீட்டில் சுக்கிரன் அமைந்திருக்கும் ஜாதகர்களுக்கு அடிக்கடி தடங்கல் ஏற்படும். ஏன் என்றால் அவ்வளவு எளிதில் உங்களுக்கு காரியம் வெற்றி அடைந்துவிடாது அதற்கு நீங்கள் பெண் தெய்வத்தை உடையவர்களை குருவாக அமைத்துக்கொள்வது நல்லது.

குரு அப்படி அமையவில்லை என்றாலும் பெண் தெய்வத்தை வழிப்பட்டு வரவேண்டும். பிராமணர் பூஜை செய்யாத அம்மனை வணங்கினால் உங்களுக்கு காரியம் வெற்றி அடைந்துவிடும்.

சுக்கிரன் ஒன்பதாவது வீட்டில் அமைந்த ஜாதகர்களை நான் நிறைய பேரை சந்தித்து இருக்கிறேன். அடிக்கடி சொகுசு பயணத்தை மேற்கொள்பவர்களாக இருப்பார்கள். சின்ன சின்ன பயணமாக கூட அமையும். பயணத்தாலும் லாபம் உண்டு.

நீங்கள் செய்யகூடாத ஒரு செயல் உங்களுக்கு நிறைய பெண் தொடர்பு இருக்கும். இதனை தவிர்த்தால் உங்களின் வாழ்வில் வெற்றி எளிதில் கிடைக்கும். பெண் நண்பர்கள் நண்பர்களாக வைத்துக்கொண்டால் நல்லது. தீய தொடர்பு ஏற்பட்டால் பிரச்சினை தான் மிஞ்சும். கையில் வைத்திருக்கின்ற பணம் எல்லாம் இவர்கள் பிடிங்கிவிடுவார்கள். 

அன்புடன்
ராஜேஷ்சுப்பு

Thursday, December 10, 2015

புதையலை கொடுக்கும் சுக்கிரன்


வணக்கம்!
          ஒன்பதாவது வீட்டிற்க்கு குரு காரணம் வகிப்பவர் என்றாலும் அதில் அமரும் ஒரு சில தீமை கிரகங்கள் கூட ஜாதகருக்கு நல்லதை செய்துவிட்டு செல்லும். இது படைத்தவனின் கையில் இருக்கும் ஒரு வித்தை என்று கூட சொல்லலாம்.

ஒன்பதாவது வீட்டில் சுக்கிரன் அமையபெற்ற ஜாதகர்கள் பல பேரை நான் பார்த்திருக்கிறேன். மிகப்பெரிய அதிர்ஷ்டசாலியாக இருக்கின்றார்கள். யாருக்கே கிடைக்காத பொக்கிஷங்கள் எல்லாம் இவர்களுக்கு கிடைக்கிறது.

புதையல் போன்று ஒரு பொருள் இவர்களுக்கு கிடைக்கும் அதனை வைத்தே பல மடங்கு செல்வந்தராக மாறிவிடுவார்கள். இன்றைய காலத்தில் புதையல் போல் பல மடங்கு உள்ள பொருட்கள் எல்லாம் இருக்கின்றது புதையல் இல்லாவிட்டாலும் அது போன்ற ஒரு பொருள் இவர்களுக்கு கிடைக்கும்.

ஐந்தாவது வீடு தானே புதையல் லாட்டரி சீட்டு போன்றவைக்கு காரணம் நீங்கள் என்ன டா என்றால் ஒன்பதாவது வீட்டை சொல்லுகின்றிர்களே என்று கேட்கதோன்றும். ஒன்பதாவது வீட்டில் சுக்கிரன் அமைந்த ஜாதகர்களின் வாழ்வை உற்று நோக்கினால் அவர்களின் வாழ்வில் இப்படி நடப்பதை நீங்களே அறிந்துக்கொள்ளலாம்.

ஒன்பதாவது வீட்டில் சுக்கிரன் அமைந்திருப்பவர்கள் பிராமணர்களைவிட வேறு ஜாதியில் இருப்பவர்களை தங்களின் குருவாக வைத்திருந்தால் அவர்களுக்கு வெற்றி உறுதி என்று சொல்லலாம்.

அன்புடன்
ராஜேஷ்சுப்பு

Wednesday, December 9, 2015

பாக்கியஸ்தானத்தில் இராகு


வணக்கம்!
          ராகு ஒன்பதாவது வீட்டில் அமர்ந்தவுடன் நாம் கண்ணை மூடிக்கொண்டு பாக்கியஸ்தானம் கெட்டுவிட்டது. உங்களுக்கு பித்ருதோஷம் இருக்கின்றது உங்களுக்கு கஷ்டமான காலம் தான் என்று சொல்லிவிடுவோம். உண்மையில் நடப்பது அப்படியல்ல.

நான் பார்த்த ஏகாப்பட்ட ஜாதகத்தில் ஒன்பதாவது வீட்டில் ராகு அமைந்தவர்கள் அனைவரும் மிகப்பெரிய வாழ்வை வாழ்ந்திருக்கிறார்கள். வாழ்ந்துக்கொண்டு இருக்கின்றார்கள்.

ஒரு சிலருக்கு ராகு ஒன்பதாவது வீட்டில் அமையும்பொழுது இளம்வயதில் அதிககஷ்டப்பட்டு இருக்கின்றார்கள். முப்பது வயதை கடந்தவுடன் நல்லவாழ்க்கை அவர்களுக்கு அமைந்திருக்கிறது.

ஒரு சிலர் அயல்நாடுகளில் அடிக்கடி பயணம் ஏற்கொண்டு மிகப்பெரிய அளவில் சம்பாதிப்பவர்களாகவும் இருக்கின்றார்கள். அயல்நாடுகளில் நிரந்தரமாக தங்குபவர்களாகவும் இருக்கின்றார்கள்.

பொதுவாக பார்க்கும்பொழுது ராகு ஒன்பதாவது வீட்டில் அமரும்பொழுது அதிகமாக ஆன்மீகத்தில் ஈடுபடுபவர்களாக இருக்கின்றார்கள். ஆன்மீகத்தைப்பற்றி ஆன்மீககூட்டங்களில் பேசுபவர்களும் இவர்களாக தான் இருக்கின்றார்கள். 

நான் ஒரு சில அயல்நாட்டில் வசிப்பர்களின் ஜாதகர்களை பார்த்திருக்கிறேன். ஒன்பதாவது வீட்டில் ராகு அமைந்தவர்கள் இந்தியாவிற்க்கு அடிக்கடி வந்து இமயமலை போன்ற இடங்களில் தங்கி ஆன்மீகப்பயிற்சியை மேற்க்கொள்பவர்களாக இருக்கின்றார்கள்.

இராகு ஒன்பதில் அமைந்தால் கெடுதல் மட்டும் தான் நடக்கும் என்று சொல்லுபவதை விட நல்லதும் நடக்கும் என்றும் சொல்லவேண்டும். ஒரு சிலருக்கு கஷ்டம் ஏற்படலாம். இப்படிப்பட்டவர்கள் ஆன்மீகத்தில் ஈடுபடும்பொழுது இந்த நிலை மாறிவிடும்.

இன்று மதியம் திருப்பூர் பயணம்.  நாளை திருப்பூர் மற்றும் கோயம்புத்தூர் பகுதியில் உள்ளவர்கள் என்னை சந்திக்கலாம். 

அன்புடன்
ராஜேஷ்சுப்பு

Monday, December 7, 2015

அம்மன் பூஜை


வணக்கம்!
          மழைக்காரணமாக தொடர்ந்து பதிவை தரமுடியவில்லை. மழை காரணத்தால் அம்மன் பூஜை அறிவிப்பையும் அறிவிக்கமுடியாத நிலை இருந்தது. அம்மன் பூஜை கார்த்திகை முடிவதற்க்குள் நடத்ததிட்டமிட்டுள்ளேன். அம்மன் பூஜைக்கு காணிக்கை செலுத்துபவர்கள் செலுத்தலாம்.

அம்மனுக்கு என்று தினமும் நடைபெறும் பூஜை கூட செய்யாத நிலை ஏற்பட்ட இருந்தது. மழையால் அம்மன் பூஜை தடை ஏற்பட்டு இருந்தாலும் சொந்த விசயமாக ஒரு காரியம் நடைபெற்றது அந்த காரணத்தாலும் பூஜை செய்யமுடியாத நிலை இருந்தது. இன்று இருந்து தொடர்ந்து அம்மன் பூஜை நடைபெறும்.

பரிகாரத்திற்க்காக பணம் செலுத்தியவர்களுக்கும் தொடர்ந்து பூஜை செய்யப்படும். அனைவருக்கும் அம்மன் அருள் கிடைக்கும். அம்மன் பூஜையில் பங்களிப்பை அளிப்பவர்கள் அளிக்கலாம்.

கோயம்புத்தூர் மற்றும் திருப்பூர் பகுதியில் உள்ள நண்பர்கள் சந்திப்பதாக இருந்தால் தொடர்புக்கொள்ளுங்கள். ஒரு சில நாட்களில் உங்களை சந்திக்கிறேன்.

அன்புடன்
ராஜேஷ்சுப்பு

Saturday, December 5, 2015

பாக்கியஸ்தானம் போல் செயல்படும் குரு தசா


வணக்கம்!
          மழை காரணமாக உங்களுக்கு பதிவை தரமுடியவில்லை. கூடிய விரைவில் அனைத்து சரியாகவிடும் என்று நினைக்கிறேன். சரியான உடன் அதிக பதிவுகளை தந்துவிடுகிறேன். 

பாக்கியஸ்தானத்தை பார்த்து வந்தோம். பொதுவாக பாக்கியஸ்தானம் நன்றாக இல்லை என்று நினைப்பவர்களுக்கு கூட குரு தசா நடந்தால் அவர்களுக்கு பாக்கியஸ்தானம் நன்றாக வேலை செய்யும். ஒரு சில ஜாதகங்களில் நான் பார்த்து இருக்கிறேன் குரு தசா வந்தவுடன் நல்ல பாக்கியம் பெற்றவர்கள் போல் அவர்களுக்கு நடக்கும்.

குரு ஐந்தாவது மற்றும் ஒன்பதாவது வீட்டில் உள்ள காரத்துவத்தை அதிகம் கொடுப்பதால் அப்படி இருக்கலாம். குருதசாவில் உள்ளவர்கள் தான் அதிகம் பேர் கோவில் கட்டுவார்கள். அதிகமாக தான தர்ம காரியங்களில் ஈடுபடுவார்கள். பாக்கியஸ்தானத்தின் காரத்துவத்தை இவர்கள் செய்யும்பொழுது பாக்கியஸ்தானம் நன்றாக இருக்கின்றது தானே அர்த்தம் கொள்ளவேண்டும்.

ஒரு நண்பருக்கு கடுமையான பித்ருதோஷம் இருந்தது இளைமையில் கஷ்டப்பட்டார். குரு தசா வந்தவுடன் நல்ல நிலைக்கு வந்துவிட்டார். ஒரு கோவிலை கட்டி நிர்வகித்து வருகிறார். நிறைய ஆன்மீக பணிகளை செய்து வருகிறார். 

இதுவும் அவரின் பாக்கியம் தான் என்று சொல்லவேண்டும். குரு எந்த வீட்டில் இருந்து தசாவை நடத்தினாலும் பாக்கியஸ்தானத்தை பாேல் தான் செயல்படுகிறது. ஒரு சிலருக்கு வித்தியாசமாக நடைபெறலாம்.

அன்புடன்
ராஜேஷ்சுப்பு