சோதிட அனுபவம்

வணக்கம் நண்பர்களே!

                      அம்மன் பூஜை மற்றும் சொந்த வேலை காரணமாக ஊருக்கு சென்றுக்கொண்டிருக்கிறேன். அம்மன் பூஜை அறிவிப்பு இன்று அல்லது நாளை வெளியிடுகிறேன்.

ஒரு பெண்ணிற்க்கு ஆறாவது வீட்டில் கேது அமர்ந்து அந்த பெண்ணிற்க்கு ஏழாவது வீடும் பாதிக்கப்பட்டால் அந்த பெண்ணை திருமணம் செய்பவர்கள் பெரும்பாடு படவேண்டும். பல ஜாதகங்களை நான் பார்த்து இருக்கிறேன்.

இப்படிப்பட்ட ஜாதக அமைப்புடைய பெண்களை திருத்துவதும் கடினம். இந்த மாதிரி ஜாதகஅமைப்புடைய பெண்களை திருமணம் செய்த ஆண்கள் அவர்கள் கையால் அடிவாங்குவார்கள். இந்த காலத்தில் பெண்கள் ஆண்களை அடிக்க ஆரம்பித்துவிட்டார்கள் என்பதை இந்த மாதிரி அமைப்பை வைத்து தான் நான் தெரிந்துக்கொண்டேன்.

ஒரு சில ஆண்கள் என்னிடம் வந்து இதில் இருந்து என்னை காப்பாற்றுங்கள் என்று கேட்பார்கள். அவர்களிடம் நான் அமைதியாக ஒதுங்கிவிடுங்கள் என்று சொல்லுவேன். அவர்களை எதிர்த்து ஒன்றும் செய்யமுடியாது. எதிர்த்து ஜெயிக்கமுடியாது. முடிந்தளவு அமைதியாக வெளியில் வந்து விடுங்கள் என்று சொல்லுவேன்.

இப்படிப்பட்ட ஜாதக அமைப்பில் பெண் இருந்தால் அவர்களை திருமணம் செய்யும்பொழுது மிகுந்த எச்சரிக்கையோடு இருங்கள். ஏழாவது வீட்டு அதிபதி யாரோடு சேர்ந்து இருக்கிறாரோ அவரை துணைக்கு வைத்துக்கொண்டு உங்களிடம் சண்டை போடுவார்கள்.

நன்றி நண்பர்களே

அன்புடன் 

ராஜேஷ்சுப்பு.