குரு பெயர்ச்சி:: ரிஷபம்

வணக்கம்!

          நாம் இந்த பதிவில் ரிஷப இராசிக்கு குரு பெயர்ச்சியைப்பற்றி பார்க்கலாம். 

ரிஷப இராசி

             நீங்கள் அனைவரும் ஏற்கனவே குரு பெயர்ச்சியைப்பற்றி சோதிடர்களிடம் மற்றும் செய்திகளும் படித்து இருக்கலாம். உங்கள் இராசியை பயமுறுத்திய மாதிரி வேறு எந்த இராசியையும் பயமுறுத்தி இருக்க மாட்டார்கள். குரு அஷ்டமத்திற்க்கு செல்கின்றது நீங்கள் அவ்வளவு தான் என்று சொல்லிருப்பார்கள். உண்மையில் அப்படி எல்லாம் நடக்காது என்பதை முதலில் புரிந்துக்கொள்ளுங்கள்.

உங்களின் இராசிக்கு எட்டாவது வீட்டில் குரு செல்கின்றது. அஷ்டமகுரு என்று சொல்லுவதால் பயப்பட வேண்டியதில்லை. எனக்கு தெரிந்த பல நகைக்கடைக்காரர்களுக்கு பிறந்த ஜாதகத்தில் எட்டாவது வீட்டில் தான் குரு இருக்கின்றார். பணம் கொட்டும் நபர்களாகவே இருக்கின்றனர்.

நீங்கள் நகைகடை வைக்கவேண்டியதில்லை இந்த காலக்கட்டத்தில் நகைகளை வாங்கி சேமித்துவைக்கலாம். எதிர்காலத்தில் நகைகளை வைத்திருந்தாலும் நல்ல தன்னம்பிக்கையோடு இருக்கலாம். அவசரத்திற்க்கு நம்மை நம்பி எவனும் பணம் தரபோவதில்லை நகைகளை வைத்தாவது சேட்டு பணம் கொடுப்பார். சேமிப்பு என்பதற்க்காக இதனை சொல்லுகிறேன் தவறாக எடுத்துக்கொள்ளவேண்டாம்.

எட்டாவது வீடு மறைவுஸ்தானம் என்பதால் பயமுறுத்தியிருப்பார்கள்  மறைவுஸ்தானம் தான் இதுவரை நமக்காக முன்னோர்கள் அல்லது நீங்கள் சேமித்து வைத்திருக்கும் சொத்து அல்லது பணத்தை காட்டக்கூடிய ஒரு இடமாகவும் இருக்கும். இதனை எல்லாம் இந்த நேரத்தில் நீங்கள் பயன்படுத்திக்கொள்ளமுடியும். உயில் சம்பந்தப்பட்ட விசயங்களை கவனத்தில் கொள்ளும்பொழுது அதனை எல்லாம் நல்லபடியாக உங்களுக்கு கிடைக்கும்.

குரு கிரகம் எட்டாவது வீட்டில் இருந்து உங்களின் விரைய இராசியான மேஷத்தை பார்வையிடுவதால் நீங்கள் நிறைய ஆன்மீக யாத்திரையை செல்ல வைக்கும். குறிப்பாக அக்னி சம்பந்தப்பட்ட யாத்திரையை மேற்கொள்ளலாம். சிவன் மற்றும் முருகன் கோவிலுக்கு நீங்கள் இயல்பாகவே செல்ல ஆரம்பித்துவிடுவீர்கள்.

உங்களின் உடலில் நாள்ப்பட்ட ஒரு நோய் இருந்து வந்தது. இதனை மருத்துவமனையில் காண்பித்துக்கொண்டு இருந்து இருக்கலாம் அது அவ்வளவு எளிதில் உங்களை விட்டு சென்று இருக்காது நீங்கள் இந்த நேரத்தில் மருத்துவரை அணுகினால் அந்த நோய் உங்களை விட்டு செல்லும்.

உங்களின் உறவினர்கள் ஏதாவது மருத்துவமனையில் அனுமதித்து இருந்தாலும் அவர்களை பார்ப்பதற்க்காகவும் நீங்கள் மருத்துவமனைக்கு அடிக்கடி செல்வது போல் இருக்கும். ஏதாவது உங்களின் உறவினர்களுக்கு குழந்தை பிறந்து இருந்தாலும் அதனை பார்ப்பதற்க்காகவும் நீங்கள் மருத்துவமனை செல்லலாம்.

குரு கிரகம் எட்டாவது வீட்டில் இருந்து ஏழாம் பார்வையாக உங்களின் இரண்டாவது வீட்டை பார்க்கின்றது. தனவீடு குடும்பஸ்தானம். பணம் கொட்டவே செய்யும். பணம் வந்தால் போதும் உலகத்தில் உள்ள நூறு சதவீத பிரச்சினையை சரி செய்துவிடலாம் நீங்கள் சமாளிக்க மாட்டீர்களா என்ன? பணவரவு நன்றாக இருக்கும். குடும்பத்தில் சந்தோஷம் நிலவும். உங்களின் வாக்கை பிறர் கேட்பார்கள். குழந்தை இல்லை என்றால் இந்த நேரத்தில் முயற்சி செய்யலாம். நான் இரண்டாவது குழந்தைக்கு முயற்சிக்கலாமா என்று கேட்பர்களும் இருக்கதான் செய்கின்றார்கள். தாராளமாக இதனையும் நீங்கள் முயற்சிக்கலாம்.

குரு கிரகம் ஒன்பதாவது பார்வையாக சிம்மத்தை பார்க்கின்றது. உங்களின் இராசிக்கு நான்காவது வீடாக வருகின்றது. நீங்கள் புது வீடு கட்டி குடியேறலாம். புது வீடு வாங்கலாம். இந்த வருடத்தில் அதிகமாக வீடு புதுமனை புகுவிழா நடத்தப்பாேவது ரிஷப இராசியாக நீங்களே தான் என்பதையும் சொல்லுகிறேன்.

உங்களுக்கு முடிந்தவரை நல்ல விசயங்களை சொல்லிருக்கின்றேன் என்று நினைக்கிறேன். அஷ்டமகுருவில் ஒரு வேலையை தொடங்கும்பொழுது மட்டும் கொஞ்சம் நல்ல ஆலோசனை செய்துவிட்டு தொடங்கவேண்டும் இல்லை என்றால் உங்களுக்கு சின்ன மனக்கஷ்டம் மட்டுமே ஏற்படும் மற்றபடி ஒன்றும் இல்லை.

பரிகாரம்

                  முருகன் கோவில் மற்றும் சிவன் கோவில் செல்லுங்கள் என்று சொல்லிருக்கிறேன். குருவிற்க்கு உங்களால் முடிந்த உதவியை செய்யுங்கள். 

ஜாதககதம்பத்தில் குரு பெயர்ச்சி யாகம் நடைபெற இருக்கின்றது. உங்களின் பெயர் இராசி மற்றும் நட்சத்திரத்தை வாட்ஸ்அப்பில் அனுப்பிவிட்டு உங்களால் முடிந்த தொகையை செலுத்தலாம். 

தொடர்புக்கு :  9551155800, 8940773309   What'sApp Number: 9551155800

அன்புடன்

ராஜேஷ்சுப்பு