அறிவுரை சொல்லும் ஆள்

வணக்கம்!

          ஒருவர் ஆன்மீகத்தில் சிறந்து விளங்குவதற்க்கு அவரின் குரு மிக மிக முக்கியமானவராக இருப்பார். குருவின் ஆசி நன்றாக இருக்கும்பொழுது மட்டுமே அவரால் அனைத்திலும் நின்று வெல்லமுடியும். குரு சரியில்லை என்றால் அவரால் வெற்றி பெறுவது கடினமாக இருக்கும். நமது சோதிடத்தில் பாக்கியஸ்தானம் மிக முக்கியம் கொடுத்து இருப்பார்கள். குருவை காட்டக்கூடிய இடமும் இந்த வீடு.

உங்களுக்கு பாக்கியஸ்தானம் கெட்டால் உங்களுக்கு வரக்கூடிய குருவும் கெட்டவராகவே தான் அமைவார். குரு என்றால் ஆன்மீகத்திற்க்கு மட்டும் இல்லை உங்களுக்கு வழக்ககூடிய எந்த அறிவுரையும் குருவாகவே அமைவார். நீங்கள் நன்றாக இருங்கள் என்று வாழ்த்தும் ஒவ்வொரு நெஞ்சமும் நல்ல குருவாகவே நீங்கள் எடுத்துக்கொள்ளவேண்டும்.

இன்றைய காலத்தில் அனைவரும் அறிவுரையை சொல்லுவார் ஆனால் யார் சொல்லுவதை கேட்பது என்பதில் நீங்கள் அதிக கவனம் எடுத்துக்கொண்டு செயல்படவேண்டும். அனைவர் சொல்லும் அறிவுரையும் உங்களுக்கு ஏற்றதாக இருக்காது. அப்படி என்றால் இதில் சோதிடத்தில் எப்படி தெரிந்துக்கொள்வது என்ற சந்தேகம் வரும் அதற்கும் சோதிடத்தில் வழி இருக்கின்றது.

ஒருவருக்கு ஒன்பதில் இராகு இருக்கின்றார் என்றால் பிற தேசத்தில் இருந்து வந்து உங்களுக்கு உபதேசம் செய்பவர்கள் இருப்பார்கள். நீங்கள் இந்த மாதிரியான ஆட்களை தேர்ந்தெடுத்து அவர்கள் வழங்குகூடிய அறிவுரை ஏற்றுக்கொள்ளலாம். இப்படிப்பட்டவர்கள் இல்லாமல் பிறர் சொல்லும் எந்த ஒரு அறிவுரையும் உங்களுக்கு நல்லதாக இருக்காது.

ஒருவருக்கு ஒன்பதில் சனி இருக்கின்றது என்று வைத்துக்கொள்வோம். உங்களை விட வசதி குறைவாக உள்ளவர்கள் உங்களுக்கு அறிவுரை வழங்கினால் நல்லது. உங்களை விட தாழ்த்தப்பட்டவர்களாக அவர்கள் இருந்து அறிவுரை சொல்லுவதை கேட்டுக்கொள்ளுங்கள். பிற கிரகங்களைப்பற்றி அவ்வப்பொழுது பார்த்து தெரிந்துக்கொள்ளலாம்.

அன்புடன்

ராஜேஷ்சுப்பு