முன்னோர்களின் வழிபாடு

வணக்கம்!

          ஒவ்வொருவரும் முன்னேற்றம் அடைவதற்க்கு அவர்களின் முன்னோர்களுக்கு செய்யும் வழிபாடு என்பது மிக மிக முக்கிய பங்கு வகிக்கின்றது. இந்த வழிபாட்டை பல வழிகளிலும் செய்துக்கொண்டு இருக்கின்றீர்கள். ஒரு முக்கிய வழிபாடு என்பதை சென்ற வருடம் சொல்லிருந்தேன் அதனை மறுமுறை இந்த நாளில் சொல்லுகிறேன்.

மாட்டுப்பொங்கல் அன்று முன்னோர்களுக்கு என்று விஷேசமான படையல் என்பதை செய்வார்கள். உங்களின் தாத்தா ஒருவர் இறந்திருந்தால் அவருக்கு பிடித்தமான ஒரு பலகாரம் இருக்கின்றது என்று வைத்துக்கொள்வோம் அதனை இந்த நாளில் நீங்கள் செய்து அவர்க்கு என்று வைத்து படையல் செய்து வழிபாடு செய்யவேண்டும்.

உங்களின் முன்னோர்களுக்கு என்று ஒரு வேஷ்டி சட்டை புடவை எடுத்து வைத்து நீங்கள் செய்த பலகாரம் போன்றவற்றை வைத்து சாமி கும்பிடவேண்டும். பெரும்பாலான மக்களை மாட்டுப்பொங்கல் அன்று இதனை செய்வார்கள்.

இந்த வழிபாடு என்பது எங்களின் பகுதியில் மிகவும் முக்கியத்துவம் கொடுத்து செய்வார்கள். அவர்களுக்கு இதனை எங்களின் கடமை போலவே செய்யவேண்டும் இதனை செய்தால் நல்ல வாழ்க்கை அமையும் என்பது நம்பிக்கை. 

ஒவ்வொரு மாட்டுப்பொங்கல் அன்றும் இதனை செய்து வந்தால் கண்டிப்பாக முன்னோர்களின் தோஷம் நீங்கி நல்லவாழ்க்கையை வாழலாம். இதனைப்பற்றி மேலும் தகவல் வேண்டுமானால் என்னை தொடர்புக்கொண்டு கேட்டுக்கொள்ளுங்கள்.

அன்புடன்

ராஜேஷ்சுப்பு 

நல்வாழ்த்துக்கள்

வணக்கம்!         
                         அனைவருக்கும் இனிய பொங்கல் நல்வாழ்த்துக்கள்.
அன்புடன்
ராஜேஷ்சுப்பு

ஆன்மீகம்

வணக்கம்!

          ஒருவருக்கு கெடுதல் காலக்கட்டமாக வரும் காலக்கட்டங்களில் ஒருவர் என்ன செய்யலாம் என்றால் ஆன்மீக பணிகளை அதிகமாக எடுத்துக்கொண்டு செயல்படவேண்டும். ஆன்மீக வழியில் பணிகள் செய்வது எளிதான காரியம் இல்லை சாதாரணமான விசயங்களை விட அதிகமாக இதில் தடைகள் வரும்.

ஆன்மீக பணியை எடுத்து செய்யும்பொழுது உங்களுடைய பல தோஷங்கள் மற்றும் கர்மா முழுமையாக விடுதலை அடைந்துவிடும். இதுவும் கஷ்டக்காலங்களில் நீங்கள் எடுத்து செய்தால் அது பல ஜென்மங்களாக வந்த தோஷம் நிவர்த்தியாகிவிடும்.

ஆன்மீகம் எல்லாம் ஒன்பதாவது வீடாக மட்டுமே வரும் பூர்வஜென்மம் என்பது ஐந்தாவது வீடாக வருகின்றது எப்படி அனைத்தும் போகும் என்று கேட்கலாம். ஆன்மீகம் என்பது நமக்கு கிடைத்த ஒரு பெரிய வழிகாட்டி அது சோதிடத்தில் உள்ள அனைத்து வீடுகளிலும் உள்ள தோஷத்தை போக்கும் தன்மை உடையது.

பல ஜென்மங்களாக தொடரும் பல விசயங்களில் முதன்மையான ஒன்று நீங்கள் செய்யும் ஆன்மீகம். ஆன்மீக வழியில் செய்யும் முயற்சிகள் எல்லாம் உங்களுக்கு பல ஜென்மங்களாக தொடர்ந்துக்கொண்டே இருக்கும்.

அன்புடன்

ராஜேஷ்சுப்பு

பணம் வரும் இராசி

வணக்கம்!

          உங்களின் நண்பரின் இராசியை நீங்கள் தெரிந்து வைத்துக்கொண்டால் அவர்களால் உங்களுக்கு நன்மை கிடைக்கும். உங்களுடைய இராசி மேஷம் என்று வைத்துக்கொள்வோம் உங்களுக்கு ரிஷப இராசியை நண்பர் இருந்தால் அவரை சந்திக்கும் நாளில் உங்களுக்கு பணவரவு இருக்கும்.

அவரை சந்திப்பதால் அவர்க்கு இழப்பு இருக்காது ஆனால் அவரை சந்தித்த காரணத்தால் உங்களுக்கு பணவரவு இருக்கும். உங்களின் இராசிக்கு ஆறாவது இராசியாக ஒரு இராசி இருந்தால் அவரால் சண்டை சச்சரவு வருமா என்று கேட்கலாம். இதனை நீங்கள் கருத்தில் எடுத்துக்கொள்ள தேவையில்லை.

ஒரு சில இராசியினர்க்கும் உங்களுக்கும் ஒத்துவராது என்பது உண்மை. மகர இராசியினர்க்கு சிம்ம இராசியை கண்டால் ஒத்துவராது. இருவரும் சண்டை சச்சரவு எப்படி இருக்கும் என்றால் கருத்து வேறுபாடு ஏற்பட்டுக்கொண்டே இருக்கும்.

நமக்கு முதல் தரமாக மரணத்தை தரும் வீடு ஏழாவது வீடு. நமக்கு திருமணத்தை தரும் வீடும் இதே வீடு. நம்மோடு இந்த இராசி இருந்துக்கொண்டே இருக்கின்றது. இந்த இராசியை நாம் வைத்துக்கொண்டால் உடனே மரணம் வருவதில்லை நமக்கு வரவேண்டிய நேரத்தில் அது நடக்கும்.

நம்முடைய எண்ணத்தை பணம் என்று உருவாக்கிக்கொண்டு நம்முடைய இராசிக்கு இரண்டாவது இராசியை சந்தித்தால் அதனால் பணம் கிடைக்க வாய்ப்பு இருக்கின்றது என்பதை மட்டும் கருத்தில் கொள்ளலாம்.

அன்புடன்

ராஜேஷ்சுப்பு

பழனி பாத யாத்திரை

வணக்கம்!

          இன்று பழனி பாத யாத்திரை பயணத்திற்க்கு செல்கிறேன். பழனி பாத யாத்திரை என்று உங்களிடம் சொன்ன பிறகு கஷ்டம் என்பது குறைவாக வரவில்லை நிறையவே வந்தது என்று சொல்லலாம். எந்த கஷ்டம் வந்தாலும் பரவாயில்லை அதில் இருந்து மீண்டு வருவது தான் ஆன்மீகத்தின் வேலை. கஷ்டத்தில் இருந்து மீண்டு வந்துவிட்டேன்.

அம்மன் பூஜையை முடிந்தளவுக்கு பொங்கலுக்கு முன்பே நடத்த திட்டமிடுகிறேன் முடியவில்லை என்றால் பொங்கலுக்கு பிறகு நடத்தப்படும். பழனி பாத யாத்திரைக்கு என்னோடு ஜாதக கதம்பத்தின் வழியாக நண்பர்கள் வருகின்றார்கள். 

என்னோடு மிகவும் நெருங்கிய நண்பர்கள் மட்டும் அழைத்தேன் வருகின்றார்கள். அனைவரையும் அழைக்கவேண்டும் என்ற எண்ணம் இருந்தது. ஒரு சில காரணங்களுக்காக இந்த முறை வேண்டாம் என்று விட்டுவிட்டேன். 

பலர் வேலையில் இருப்பதால் அவர்களை நான் கூப்பிடவில்லை. என்னை கூப்பிடவில்லை என்று யாரும் கோபம் கொள்ளவேண்டாம் என்று கேட்டுக்கொள்கிறேன். என்னோடு தான் வரவேண்டும் என்பதில்லை நீங்களாவே கூட சென்று வாருங்கள்.

என்னோடு ஜெராக்ஸ் போலவே நீங்கள் செயல்படுவீர்கள். ஒத்த மனம் கொண்டவர்கள் போலவே பலர் இருக்கின்றீர்கள். நான் என்ன செய்துக்கொண்டு இருக்கிறேன் என்பதை காட்டினால் உங்களுக்கு அது பயன்படும் என்பதற்க்காக இதனை பதிவில் சொல்லுகிறேன். 

அன்புடன்

ராஜேஷ்சுப்பு

எத்தனை கைகளை சம்பாதித்தீர்கள்?

வணக்கம்!

          ஒரு மனிதன் தன்னுடைய வாழ்நாளில் சம்பாதிப்பது பணம் என்பதை விட அவனுக்கு என்று பல உதவிகரம் நீட்டும் ஆட்களை சம்பாதித்து வைத்து இருக்கவேண்டும். நமக்கு இரண்டு கைகளை படைத்து இருக்கிறான். நாம் சம்பாதிப்பது நிறைய கைகளை சம்பாதிக்கவேண்டும்.

என்னடா நிறைய கைகளை சம்பாதிக்கவேண்டுமா என்று கேட்கலாம் அல்லவா. நமக்கு ஆபத்து என்று வந்தால் நம்மை தாங்க நிறைய கைகள் ஓடி வரவேண்டும். நிறைய மனிதர்களை நாம் சம்பாதித்து வைத்திருந்தால் இவர்கள் எல்லாம் நம்மை காக்க அவர்கள் வருவார்கள் என்று சொல்லுவதை தான் நிறைய கைகள் தாங்கவேண்டும் என்று சொல்லுகிறேன்.

இதனை சம்பாதிப்பது என்பது அவ்வளவு சுலபம் அல்ல. நாம் நடந்துக்கொள்ளும் முறையில் இது இருக்கின்றது. நாமும் அடுத்தவர்களுக்கு உதவி இருந்தால் தான் ஓடி வருவார்கள். நாம் எதுவும் செய்யாமல் நாம் உண்டு நம் வேலை உண்டு என்று இருந்தால் ஒருத்தர் கூட வரமாட்டார்கள்.

இன்றைக்கு இருக்கும் உலகம் அவர்களின் வேலையை மட்டும் பார்த்துக்கொண்டு இருப்பது போலவே உருவாக்கி வைத்திருக்கிறார்கள். சொந்தகாரர்களையும் கண்டுக்கொள்வது கிடையாது. நட்பு வட்டங்களையும் கண்டுக்கொள்வது கிடையாது என்ற ரீதியாகவே செயல்படுகின்றீர்கள்.

உயிரோடு இருக்கும்பொழுது உங்களின் கைகளை நம்பினாலும் உயிர் போன பிறகு நான்கு பேராவது உங்களின் உடலை சுமக்கவேண்டும் என்று நினைத்துக்கொண்டு செயல்படுங்கள். நிறைய கைகளை சம்பாதியுங்கள் அடுத்த பிறகு பணத்தை சம்பாதிக்கலாம்.

அன்புடன்

ராஜேஷ்சுப்பு

கர்மாவை போக்கும் பாதயாத்திரை

வணக்கம்!

          பழனி யாத்திரை இந்த வாரம் செல்கிறேன். இதனை அறிவித்த நாளில் இருந்து பல பிரச்சினைகள் எனக்கு ஏற்பட்டது இருந்தாலும் உங்களிடம் சொல்லிவிட்டு இதனை செய்யவேண்டும் என்று தான் எழுதினேன். பொருட் செலவில் அதிகளவில் என்னை பாதித்துக்கொண்டு இருக்கின்றது. எவ்வளவு பிரச்சினை வந்தாலும் அதனை சமாளித்துக்கொண்டு செல்லவேண்டும் என்று உறுதியோடு இருக்கிறேன்.

நமது கர்மாவை ஒட்டுமொத்தமாகவே நம்மிடம் இருந்து எடுத்துக்கொள்வதற்க்கு இப்படிப்பட்ட நிகழ்வுகள் எல்லாம் நமக்கு வரும் அதனை தாண்டி இதனை செய்யவேண்டும் என்ற உறுதியோடு செயல்படவேண்டும். உங்களிடம் அனுபவத்தில் எப்படி நடக்கும் என்பதை காட்டுவதற்க்கு இதனை செய்தேன்.

கர்மா என்ற ஒன்று இருக்கின்றதா என்பதை நாமே சோதித்து பார்ப்பதற்க்கு கூட இப்படிப்பட்ட செயலை செய்து பார்த்து நாமே தெரிந்துக்கொள்ளலாம். பாதயாத்திரை ஒரு செயல் என்றாலும் பல ஆன்மீக செயல் எல்லாம் செய்யும்பொழுது தான் நமது கர்மா நம்மிடம் இருந்து விலகும்.

ஜாதகத்தில் நிறைய தோஷங்களை கொண்ட ஜாதகர்கள் எல்லாம் இப்படிப்பட்ட செயல்களை எல்லாம் செய்தால் கண்டிப்பாக உங்களின் தோஷங்கள் எல்லாம் விலகி உங்களின் வாழ்க்கை மட்டும் இல்லை உங்களின் வாரிசுகளின் தோஷங்களும் நீங்கும் என்பதை மட்டும் நீங்கள் புரிந்துக்கொண்டு செயல்படுங்கள்.

ஒருவருக்கு வாழ்க்கை என்பது நல்ல வாழ்க்கை அமைந்தாலும் வீழ்ச்சி இல்லாத வாழ்க்கை அடையவேண்டும் என்பதற்க்காக தான் இப்படிப்பட்ட ஆன்மீக செயல்கள் எல்லாம் செய்யவேண்டும் என்று சொல்லுவது உண்டு. கண்டிப்பாக உங்களின் வாழ்க்கைக்காகவும் உங்களின் வாரிசுகளின் வாழ்க்கைக்காகவும் முயற்சி எடுங்கள்.

உங்களுக்கு வருகின்ற பிரச்சினையே கூட உங்களால் தடுக்கமுடியவில்லை அடுத்தவர் பிரச்சினையை எப்படி தீர்க்க முடியும் என்று உங்களின் மனது கேட்கும். பொதுவாக இப்படிப்பட்ட காரியங்களை செய்யும்பொழுது என்னுடைய ஆன்மீக சக்தியை நான் பயன்படுத்துவது கிடையாது நம்முடைய கர்மாவை மட்டுமே போக்குவதில் மட்டுமே காட்டி அதனை அனுபவமாக உங்களுக்கு கொடுக்கிறேன்.

அன்புடன்

ராஜேஷ்சுப்பு