இரண்டாவது வீடு

வணக்கம்!

          ஒருவருக்கு இரண்டாவது வீட்டை வைத்து தான் அந்த நபர்க்கு எந்த மாதிரியான குழந்தை பிறக்கும் என்பதை சொல்லலாம். ஐந்தாவது வீட்டை வைத்து குழந்தையை சொல்லுவார்கள் நீங்கள் இரண்டாவது வீட்டை வைத்து சொல்லுகின்றீர்கள் என்று கேட்கலாம்.

பெரும்பாலான ஜாதகர்களுக்கு இரண்டாவது வீட்டில் ஆண் இராசியாக வந்தால் முதல் குழந்தை ஆண் குழந்தையாக இருக்கும். பெண் இராசியாக இருந்தால் பெண் குழந்தையாக இருக்கும். இரண்டாவது வீட்டில் செவ்வாய் சம்பந்தப்பட்டால் அந்த நபர்க்கு பிறக்கும் அனைத்து குழந்தையும் ஆண் குழந்தையாகவே இருக்கின்றது.

ஒரு வீட்டில் அதிகபடியான பெண்கள் இருந்தால் அந்த குடும்ப தலைவரின் ஜாதகத்தில் இரண்டாவது வீட்டில் பெண் இராசியின் தாக்கம் அதிகமாக இருக்கும். இரண்டாவது வீடு என்பது குடும்பத்தை காட்டுவதால் குடும்பத்தில் உள்ள உறுப்பினர்கள் எப்படி என்பதை காட்டக்கூடிய இடமாகவே இருக்கின்றது.

ஒரு சில ஜாதகத்தில் எந்த வீடு பலம் பெறுகின்றது என்பதை பொறுத்தும் இருக்கின்றது. ஒரு சில ஜாதகர்களுக்கு ஐந்தாவது வீடு பலம் பெற்றால் அந்த ஜாதகர்களின் வாரிசுகள் ஐந்தாவது வீட்டை பொறுத்து இருக்கும்.

ஒரு குடும்பத்தில் உள்ள உறுப்பினர்கள் அதிகபட்சம் ஆண்களா அல்லது பெண்களா என்பதை பார்ப்பதற்க்கு இந்த விதியை பயன்படுத்தி பார்த்துக்கொள்ளலாம். ஒரு சிலருக்கு எந்த மாதிரியான வாரிசுகள் பிறக்கும் என்பதை சொல்லுவதற்க்கும் இது பயன்படும்.

அன்புடன்

ராஜேஷ்சுப்பு