லாபஸ்தானம்

வணக்கம்!

          லாபஸ்தானம் எனும் பதினோறாம் இடம் நன்றாக இருக்கும்பொழுது தான் ஒருவருக்கு லாபம் அதிகமாக சம்பாதிக்கமுடியும் என்று சொல்லுவார்கள். அனைவருக்கும் லாபஸ்தானம் என்பது நன்றாக அமைந்துவிடாது. ஒரு சிலருக்கு இந்த இடம் அருமையாக வேலை செய்துக்கொண்டு இருக்கும்.

லாபஸ்தானம் எனும் பதினோறாம் இடத்தில் அமைந்த கிரகங்கள் அது கெடுதலாக இருந்தாலும் எந்த கிரகமாக இருந்தாலும் அது நன்மையை செய்யும் என்பது சோதிட விதி. அனைத்து நேரத்திலும் இந்த கிரகங்கள் வேலை செய்வதில்லை என்பது தான் பலருக்கு இது அனுபவ உண்மையாக இருக்கின்றது.

சோதிடத்தில் ஒவ்வொரு காரியமும் வெற்றி பெறுவதற்க்கு பார்க்கும்பொழுது அது லாபஸ்தானத்தோடு சம்பந்தம் பெறும்பொழுது மட்டுமே அந்த கிரகம் வெற்றியை பெறும். அது லாப ஸ்தானத்தோடு சம்பந்தம் பெறவில்லை என்றால் வெற்றியை நோக்கி செல்லாது.

ஒரு மனிதன் எடுக்கும் அனைத்து காரியமும் வெற்றி பெறுவதில்லை. வெற்றி பெறுவதற்க்கு லாபஸ்தானம் வழிவிடுவதில்லை. நாம் பல வீடுகளைப்பற்றி அலசி ஆராய்ந்து பார்த்துக்கொண்டு இருப்போம் ஆனால் இந்த வீட்டை கொஞ்சம் அலட்சியமாகவே விட்டுவிட்டு சென்றுவிடுவோம்.

உங்களின் லாபஸ்தானம் நன்றாக இருந்தால் தான் அனைத்து காரியமும் வெற்றியை நோக்கி செல்லும். லாபஸ்தானம் சரியில்லை என்றால் கண்டிப்பாக அனைத்தும் தோல்வியை நோக்கியே  செல்லும்.

அன்புடன்

ராஜேஷ்சுப்பு