உணவும் கிரகங்களும்

வணக்கம்!

          கிரகங்கள் இளமையான வயதில் இருக்கும்பொழுது ஒருவருக்கு பெரிய பாதிப்பை ஏற்படுத்துவதில்லை. ஒரு சில கெட்ட காலக்கட்டங்கள் இருந்தால் தான் இளமையான வயதில் கொஞ்சம் பாதிப்பை கொடுக்கும் மற்றபடி முக்கால்வாசி பேருக்கு நல்லதை தரும்.

இளமை வயதை தாண்டிவிட்டால் அந்த ஜாதகருக்கு பிரச்சினை மேல் பிரச்சினையை கொடுக்க ஆரம்பித்துவிடுகின்றது. இளமை வயதில் தாய் தந்தை அரவணைப்பில் இருந்தாலும் அதனையும் தாண்டி அவர்களின் உடலில் நல்ல சக்தி இருப்பதால் கிரகங்களால் பெரிய பாதிப்பை கொடுக்கமுடிவதில்லை.

உடலில் சக்தி குறைய குறைய கிரகங்களின் தாக்கம் அதிகரிக்க ஆரம்பித்துவிடுகின்றது. மெல்ல மெல்ல உடலில் ஆதிக்கத்தை அதிகரிக்க செய்துவிடுகின்றது. கிரகங்களுக்கு தக்க மாதிரி உங்களின் உடல் வேலை செய்ய ஆரம்பித்துவிடும்.

வாழ்க்கை சூழல் நாம் ஓட தான் வேண்டும் அதே நேரத்தில் உடலுக்கு தேவையான சக்தியை சரியாக பராமரித்து வரவேண்டும். சக்தி வேண்டும் என்றால் ஏதோ சக்தி மாத்திரை போட்டுக்கொண்டு உடலை வளர்க்கவேண்டும் என்பதில்லை நல்ல உணவை எடுத்துக்கொண்டு வந்தாலே போதுமானது.

உணவு விசயத்தில் நானே தவிரவிட்டுவிட்டதால் தான் உங்களிடம் இதனை வலியுறுத்தி வருகிறேன். நல்ல உணவு எது என்று பார்த்து நல்ல ஆலோசனை பேரில் உணவை எடுத்து வந்தால் அது உங்களுக்கு நல்ல சக்தியை கொடுக்கும்.

உணவு விசயத்தில் நல்ல அக்கறை காட்டி உங்களின் உடலுக்கு எடுத்து வந்தால் கண்டிப்பாக உங்களுக்கு கிரகங்களின் தாக்கம் பெரியளவில் இருக்காது. நீங்கள் பிரச்சினையே இல்லாமல் உங்களின் வாழ்க்கையை அமைத்துக்கொள்ளமுடியும்.

அன்புடன்

ராஜேஷ்சுப்பு