ஆறில் சூரியன்

வணக்கம்!

          சூரியன் ஆறாவது வீட்டில் சம்பந்தப்பட்டு இருக்கின்றது என்று வைத்துக்கொள்வோம். அவர்களுக்கு எதிரிகள் அனைத்தும் அவர்களின் தந்தை வழியில் தான் இருப்பார்கள். அவர்கள் எதனை செய்தாலும் அவர்களின் தந்தையின் வழியில் இருப்பவர்கள் அவர்களுக்கு முட்டுக்கட்டை போட்டுக்கொண்டே இருப்பார்கள்.

தந்தை வழியில் உள்ளவர்கள் எதற்க்கு பிரச்சினை வரப்போகின்றார்கள் எல்லாம் சொத்து பிரச்சினைக்கு தான் வருவார்கள். உங்களின் பூர்வீக சொத்து இருக்கும் இடத்தில் அவர்கள் அவர்களின் வில்லங்க வேலையை காட்டுவார்கள்.

ஒன்று அவர்களும் வாழாமல் உங்களையும் வாழவிடாமல் செய்துவிடுவார்கள். என்ன செய்வது எல்லாம் விதிபயன் என்று கூடுமானாவரை ஒதுங்கி செல்வது உங்களின் வளர்ச்சிக்கு நல்லது. நீங்களும் அவர்கள் போலவே இருக்கவேண்டும் என்றால் பிரச்சினை உங்களுக்கு தான் அதிகமாக வரும்.

சொத்துப்பிரச்சினை இல்லை என்றால் உங்களின் குலதெய்வத்திற்க்கு நீங்கள் ஏதாவது செய்யும்பாெழுது அங்கு வந்து வம்பு இழுப்பார்கள். உங்களை ஒழுங்காக சாமி கும்பிடவிடாமல் செய்வார்கள் கொஞ்சம் அமைதியாக இருந்து செயல்பட்டால் தப்பித்துக்கொள்ளலாம்.மனிதர்கள் எல்லாம் அப்படி தான் இருப்பார்கள்.

விரைவில் சென்னை வருகிறேன். சென்னையில் சந்திக்க நினைக்கும் நண்பர்கள் உடனே சந்திப்பை உறுதிப்படுத்திக்கொள்ளுங்கள்.

அன்புடன்

ராஜேஷ்சுப்பு