தாய்மாமன் உறவு எப்படி?

வணக்கம்!

               தாய் மாமன் உறவு நன்றாக இருக்குமா என்று எதனை வைத்து நாம் தெரிந்துக்கொள்வது. தாய்மாமன் உறவைப்பற்றி நாம் ஆராய்ந்து பார்க்க சோதிடத்தில் புதன் கிரகத்தைப்பற்றி நாம் தெரிந்துக்கொள்ளவேண்டும்.

மாமனை காட்டும் கிரகம் புதன். புதன் கிரகம் நல்ல வீட்டில் அமர்ந்திருந்தால் அந்த ஜாதகருக்கு மாமன் துணை கிடைக்கும். தன் பிள்ளை வளர்ப்பது போல உங்களை வளர்த்துவிடுவார்கள். புதன்கிரகம் உங்களை வாழ்நாள் முழுவதும் நன்றாக உதவும். மாமன் துணை கடைசி வரை இருக்கும்.

புதன்கிரகம் நல்ல வீட்டில் அமர்ந்திருந்தால் மாமன் சொத்தை கொடுத்து உங்களை வாழவைப்பார். உங்களிடம் எதுவும் இல்லை என்றாலும் மாமன் வழியில் மிகப்பெரிய உதவி கிடைக்கும் என்று நம்பலாம்.

புதன்கிரகம் மறைவுஸ்தானத்திற்க்கு சென்றால் மாமன் உதவி உங்களுக்கு கிடைக்காது. உங்களால் உங்களின் மாமனுக்கு கெடுதல் தான் நடக்கும் என்று சொல்லலாம். ஒரு சில குழந்தைகள் பிறந்தவுடன் புதன் கெட்டு இருந்தால் அந்த குழந்தை பிறந்ததில் இருந்து மாமனுக்கு கெட்டகாலம் என்று சொல்லலாம்.

புதன்கிரகத்தோடு தீயகிரகங்கள் சேர்ந்தால் உங்களின் மாமன் உங்களுக்கு எதிரியாக சென்றுவிடுவார். மாமன் வழியில் உங்களுக்கு கெடுதல் மட்டுமே நடக்கும். மாமனை விட்டு விலகி இருப்பது நல்லது.

அன்புடன்

ராஜேஷ்சுப்பு