லட்சுமி கடாட்சம் மனிதனுக்கு தேவை

வணக்கம்!

          வேசி தொழில் செய்தால் கூட அதற்கு முகராசி வேணும் என்று ஒரு பழமொழி சொல்வார்கள். இது தான் உண்மை. நீங்கள் எந்த தொழில் செய்தாலும் உனக்கு என்று ஒரு முகராசி அதாவது லட்சுமி கடாட்சம் என்று சொல்லுவார்கள் அல்லவா அது இருக்கவேண்டும் இல்லை என்றால் நீங்கள் என்ன தான் செய்தாலும் முன்னேற்றம் காணமுடியாது.

பல பேர்கள் பீடை பிடித்தது போல தான் இருக்கின்றார்கள். கஷ்டகாலம் வரும் போகும் ஆனால் நம்மிடம் கஷ்டம் இருக்கின்றது என்பதை மட்டும் காட்டிக்கொள்ளாதீர்கள். கஷ்டம் இருப்பதை வெளிக்காட்டிக்கொண்டு இருந்தால் இருக்கின்ற கஷ்டம் கூட தான் செய்யும்.

கோவிலுக்கு செல்லும்பொழுது நம்ம ஆட்கள் நிறைய நகைகளை போட்டுக்கொண்டு செல்லுவது எல்லாம் இது போல் எனக்கு நிறைய கொடுக்கும் என்ற நம்பிக்கையில் தான் அப்படி சென்றார்கள். உங்களிடம் என்ன இருக்கின்றதோ அதனை தான் திரும்ப திரும்ப கொடுக்கும் தன்மையில் தான் கோவில்கள் கட்டப்பட்டு இருக்கின்றன.

சோகமாக இருப்பது போல் வாழ்க்கின்ற காலகட்டம் எல்லாம் இருக்கின்றது. தீயகிரகங்கள் கடுமையாக தாக்கும் காலத்தில் ஒரு நாளில் ஒரு அரைமணிநேரம் அப்படி இருக்கலாம் ஆனால் நாள் முழுவதும் அப்படி கிடையாது. அரைமணி நேரம் அப்படி இருக்கலாம். எந்த ஒரு காரணம் கொண்டும் பீடையோடு இருக்ககூடாது.

உங்களிடம் இன்று இல்லை என்றாலும் பரவாயில்லை. நிறைய கோவில்களுக்கு சென்று அங்குள்ள புனித தீர்த்தத்தில் நீராடிவிட்டு இறைவனை தரிசனம் செய்துவிட்டு வாருங்கள். கண்டிப்பாக உங்களுக்கு நல்லது நடக்கும்.

அன்புடன்

ராஜேஷ்சுப்பு

ராகு & கேது

வணக்கம்!

          ராகு கேதுவையைப்பற்றி கொஞ்சம் பார்க்கலாம். ஒருவருக்கு ராகு தசா நடைபெற்றால் அது கேதுவின் பலனையும் சேர்த்து தான் கொடுக்கும். ராகுக்கு எதிராக இருக்கும் கேது கிரகம் தன்னுடைய பலனையும் கொடுக்கும். அதேப்போல் கேது தசா நடக்கும்பொழுது ராகுவும் தன்னுடைய பலனை கொடுக்கும்.

ஒரு கிரகம் நல்லதை செய்வதாக அமைந்தால் ஒரு கிரகம் தீமையை கொடுப்பதாக இருக்கும். உதாரணத்திற்க்கு ஒருவருக்கு ராகு தசா நடக்கிறது என்று வைத்துக்கொள்வோம் அவருக்கு மது அருந்த வேண்டும் என்ற நினைப்பு வந்து மது அருந்தினால் மறுநாளில் அந்த நாளுக்கு தலைவலியை கொடுக்கும் அது மது அருந்தவேண்டும் என்ற நினைப்பு ராகுவின் அம்சம். கேதுவின் அம்சம் என்பது தலைவலியை கொடுப்பது. இது எளிய உதாரணத்திற்க்கு சொன்னேன்.

பெரும்பாலும் நம் சோதிடர்கள் அனைவரும் ஒரே மாதிரியான பலனை சொல்லுவார்கள். அதாவது ராகு தசா நடந்தால் உங்களுக்கு பெரிய யோகத்தை கொடுக்கும் என்பார்கள். அதேப்போல் கேது தசா நடந்தால் கஷ்டத்தை கொடுக்கும் என்பார்கள்.

இரண்டு தசாவும் நல்லதையும் செய்யும் தீமையையும் செய்யும் என்பது தான் உண்மை. வாழ்க்கையில் ராகு கேதுவை பார்த்து வாழவேண்டும் என்பார்கள். ராகு கேது எப்படி நகர்கின்றதோ அதனை வைத்து நாம் வாழவேண்டும் என்பார்கள்.

நல்ல பலனை கொடுக்கும் காலத்தில் நாம் செய்யும் வேலையை அதிகப்படுத்தவேண்டும். தீமை பலனை கொடுக்கும் காலத்தில் நாம் ஆன்மீக பக்கம் திரும்பிக்கொண்டு இருக்கவேண்டும். ராகு கேதுவைபோல் ஆன்மீகஈடுபாடு வேறு எந்த கிரகமும் கொடுப்பதில்லை என்பது தான் உண்மை. நல்ல பலனை கொடுக்கும் நேரத்தில் அடித்து சம்பாதிக்க என்ன செய்யலாம் என்று பார்த்து அதற்கு தகுந்தவாறு  செய்தால் நல்ல சம்பாதித்துவிடலாம்.

அன்புடன்

ராஜேஷ்சுப்பு

கேள்வி & பதில்

வணக்கம்!

          நண்பர் ஒருவர் கேள்வி கேட்ருந்தார். லாபஸ்தானஅதிபதி வேலை செய்வதற்க்கே பூர்வபுண்ணியாதிபதியும் பாக்கியஸ்தான அதிபதியும் இணைந்து பலனை கொடுத்தால் தான் வேலை செய்யும் என்று சொல்லியுள்ளீர்களே எப்படி என்று புரியவில்லை என்றார்.

நான் பதிவில் சொல்லுவது எளிதாக நீங்களே செய்துக்கொள்ளகூடிய ஒரு எளிமையான வழியை சொல்லுவோம். இதனை எல்லாம் நீங்கள் செய்துக்கொண்டு முன்னேற்றம் அடைந்தால் உண்டு அப்படி இல்லை என்றால் நீங்கள் ஒரு சோதிடரை அணுகி தான் இதனை செய்யமுடியும்.

குலதெய்வம் தெரிந்தால் உங்களின் பூர்வபுண்ணியத்தை பலப்படுத்தமுடியும். உங்களுக்கு குலதெய்வம் தெரியவில்லை என்றால் வேறு வழியை கையாளவேண்டும். 

பாக்கியஸ்தான அதிபதி வேலை செய்யவேண்டும் என்றால் ஆன்மீக வழியில் உள்ள விசயத்தை நீங்கள் எடுத்து செய்யும்பொழுது உங்களுக்கு இது வேலை செய்யும்.

சோதிடம் படித்த அனைவருக்கும் தெரிந்த ஒன்று பூர்வபுண்ணியாதிபதியும் பாக்கியஸ்தானஅதிபதியும் வேலை செய்தால் தான் சோதிடத்தில் பலன் கிடைக்கும் என்று தெரியும்.

என்னிடம் ஒருவர் சோதிடம் பார்க்க வந்தால் பெரும்பாலும் நான் பலனை சொல்லி எளிமையான ஒரு பரிகாரத்தை செய்துக்கொள்ளுங்கள் என்று சொல்லிவிடுவேன். ஒரு சாதாரண நபருக்கு இது பொருந்தும்.

இன்றைய தேதியில் நான் வெளியில் சுற்றிக்கொண்டு தான் இருக்கிறேன். அதிகபயணம் செய்து பல ஊர்களுக்கு சென்றுக்கொண்டு இருக்கிறேன். சோதிடம் பார்க்க நான் வாங்கும் பணம் 250 ரூபாய். இன்றைய விலைவாசியில் இது எனக்கு கட்டுபடியாகாத ஒரு பணம். 

பெரும்பாலும் நான் சம்பாதிப்பது பணக்காரர்களை வைத்து தான் சம்பாதிக்கிறேன். ஒரு தொழில் செய்பவர் அல்லது பணக்காரர்கள் வரும்பொழுது பலனை எல்லாம் கேட்பதில்லை வந்தவுடன் இது என்னுடைய தேவை எனக்கு என்ன செய்தால் நடக்கும் என்று கேட்பார்கள்.

தற்பொழுது வரும் நபர்கள் இது என்னுடைய குடும்ப ஜாதகம் இந்த வருடத்திற்க்கு இவ்வளவு பணம் தருகிறேன் என்று கொடுத்துவிட்டு நீங்கள் பார்த்துக்கொள்ளுங்கள் என்று சென்றுவிடுகிறார்கள். அவர்களுக்கு தேவையானதை நான் செய்துக்கொடுத்துக்கொண்டு இருக்கிறேன்.

இன்றைக்கு இருக்கும் தொழிலும் சரி பணக்காரர்களும் சரி ஆன்மீகவாதிகள் இல்லாமல் இல்லை என்பது தான் உண்மையான ஒரு விசயம். புரிந்துக்கொண்டவர்கள் பிழைத்துக்கொள்கிறார்கள்.

நீங்கள் எல்லாம் இதனை தான் செய்யவேண்டும் என்பதில்லை உங்களுக்கு முடிந்த எளிதான பரிகாரத்தை செய்யுங்கள். அதில் வெற்றி கிடைத்தாலும் சரி அடுத்த லெவல் செல்லவேண்டும் என்ற நிலை வரும்பொழுது என்னை தொடர்புக்கொள்ளலாம். 

என்னை தான் நீங்கள் தொடர்புக்கொள்ளவேண்டும் என்பதில்லை உங்களின் அருகில் இருக்கும் சோதிடர்கள் அல்லது ஆன்மீகசம்பந்தப்பட்ட வேலையில் இருக்கும் நபர்களை தொடர்புக்கொண்டு கேட்டால் அவர்கள் செய்துக்கொடுப்பார்கள்.

ஒரு ஜாதகத்தில் பூர்வபுண்ணியமும் பாக்கியஸ்தானஅதிபதியும் அதாவது அந்த இடங்கள் மிக மிக முக்கியமான ஒன்று. இது இரண்டும் சரியில்லை என்றால் ஒருவரால் நல்ல வாழ்க்கை வாழவே முடியாது.

அன்புடன்

ராஜேஷ்சுப்பு

சனி

வணக்கம்!

          சனிக்கிரகம் ஒரு தீயகிரகம் என்று சோதிடம் தெரியாதவர்களுக்கு கூட தெரியும். சனிக்கிரகம் மோசமான ஒரு நிலையில் அமரும் ஜாதகர்களுக்கு கூட ஒரு சில நல்ல காலத்தில் அவர்களுக்கு சனிக்கிரகம் அள்ளி அள்ளி கொடுக்கிறது.

மறைவு ஸ்தானத்தில் அமர்ந்தால் அது இன்னமும் அதிகமாக கொடுக்கிறது என்பதை நான் பார்த்த பல அனுபவத்தில் பார்த்து இருக்கிறேன். 

சனிக்கிரகம் மறைவு ஸ்தானத்தில் அல்லது கெடுதல் தரும் நிலையில் இருக்கும் ஜாதகர்களுக்கு இளமையில் கடுமையான வறுமையில் மாட்ட வேண்டும். அப்படி வறுமையில் மாட்டி வந்துவிட்டால் அதன் பிறகு அவர்களுக்கு நல்ல வாழ்க்கை அமைந்துவிடும்.

கடுமையான வறுமையை கொடுக்கும்பொழுது அவர்களுக்கு நல்ல அனுபவத்தை கொடுக்கும். அந்த அனுபவம் அவர்களுக்கு பல நல்ல படிப்பினையும் கொடுக்கும். 

சனிக்கிரகம் தன்னுடைய தசாவில் தான் கொடுக்கும் என்று கிடையாது. பல பேர்களின் ஜாதகத்தில் நான் பார்த்தவரை சனிக்கிரகம் எந்த தசாவிலும் நல்லதை கொடுக்கிறது. சனிதசா நடக்கவேண்டும் என்பதில்லை எப்படியாவது திடிர் யோகத்தை கொடுத்து தூக்கிவிடுகிறது.

சனிக்கிரகம் உங்களின் ஜாதகத்தில் எப்படி இருக்கின்றது என்பதை பாருங்கள். சனிக்கிரகம் மறைவுஸ்தானத்தில் இருந்து உங்களுக்கு யோகத்தை கொடுத்ததா என்பதை கவனியுங்கள். யோகத்தை கொடுக்கவில்லை என்றால் ஏன் கொடுக்கவில்லை என்று பாருங்கள். ஏதோ ஒரு சிறு தடங்கல் இருக்கும் அதனை சரிசெய்துக்கொள்ளமுடியும்.

அன்புடன்

ராஜேஷ்சுப்பு

வெள்ளிக்கிழமை வழிபடும் கோவில்

வணக்கம்!

          வெள்ளிக்கிழமை என்றாலே மிகவும் புனிதமான ஒரு நாளாகவே மக்கள் கருதுவார்கள். பெரும்பாலும் நம்ம ஆட்கள் வெள்ளிக்கிழமை அன்று அப்படியே ஆன்மீகவாதியாகவே மாறிவிடுவார்கள்.

வெள்ளிக்கிழமை ஆன்மீகவாதியாக மாறுங்கள். வீட்டை சுத்தமாக வையுங்கள். வெள்ளிக்கிழமை அன்று ஒரு பூசாரி பூஜை செய்யும் கோவிலாக பார்த்து அந்த கோவிலுக்கு சென்று வழிபட்டு வாருங்கள்.

எனக்கு தெரிந்த ஒரு நண்பர் வெள்ளிக்கிழமை அன்று ஒரு பிரபல கோவிலுக்கு சென்று வருவார். அந்த கோவிலில் என்ன நடக்கும் என்றால் வெள்ளிக்கிழமை அன்று கிடா வெட்டி அந்த கோவிலில் வழிபாடு செய்வார்கள். அதாவது மிகவும் பிரசித்துபெற்ற கோவிலில் அந்த கோவிலில் சிறப்பு கிடா வெட்டுவது தான்.

நண்பர் அந்த கோவிலுக்கு சென்று வழிபாடு மட்டும் செய்துவிட்டு வந்துவிடுவார். அவர் இன்று பெரிய அளவில் இருக்கிறார். நம்ம ஆட்கள் வெள்ளிக்கிழமை செல்லும் கோவில் எல்லாம் குரு சம்பந்தப்பட்ட கோவிலாக இருக்கும்.

நாம் செல்லும் கோவில் கூட நமக்கு ஏற்றவாறு உள்ள கோவிலாக பார்த்து செல்லும்பொழுது நல்ல பலனை கொடுக்கும். சுக்கிரனின் காரத்துவத்தை நாம் பெறவேண்டும் என்றால் பூசாரி பூஜை செய்யும் கோவிலாக பார்த்து செல்லவேண்டும்.

அன்புடன்
ராஜேஷ்சுப்பு

உங்களின் படைப்பு

வணக்கம்!

          இன்றைய காலத்தில் நன்றாக படித்து நல்ல வேலைக்கு செல்லவேண்டும் என்று நினைப்பவர்கள் அதிகம். நல்ல வேலைக்கு சென்று வங்கி நிறைய பணம் சேர்க்கவேண்டும் என்று நினைத்து அதனையும் சாதிக்கின்றார்கள். இதற்கு அதிகம் பேர் விரும்புகின்றனர்.

இப்படி நினைத்து செய்வது ஒன்றும் தவறு இல்லை ஆனால் வாழ்வில் கடைசியில் நீங்கள் செய்தது என்ன என்று பார்த்தால் உங்களுக்கே உங்களை பிடிக்காமல் சென்றுவிடும். நீங்கள் உருவாக்கியது என்று எதுவும் இல்லாமல் போய்விடும். நீங்கள் படைத்தது என்ற ஒன்று இருக்காது.

இன்றைக்கு நான் பெரிய கம்பெனியில் வேலை செய்கிறேன் என்று சொல்லலாம் ஆனால் அந்த கம்பெனி உங்களுடையது அல்ல. உங்களின் படைப்பும் அல்ல. யார் ஒருவருக்காக உழைக்கிறீர்கள் என்று அர்த்தம் தான்.

ஒவ்வொருவரும் தொழில் செய்யவேண்டும் அதற்கு நான் ஆன்மீகசேவை செய்யவேண்டும் என்பது இல்லை. கொஞ்ச காலம் ஒரு கம்பெனியில் வேலை பாருங்கள். தொழிலை நன்றாக கற்றுக்கொண்டு பணத்தையும் சேர்த்துக்கொண்டு உங்களுக்கு என்று ஒரு தொழிலை ஆரம்பியுங்கள். நீங்கள் ஒருவர் மட்டும் அங்கு வேலையாள் என்றாலும் கூட பரவாயில்லை கடைசியில் திருப்தியான ஒரு வாழ்க்கையை வாழ்ந்திருக்கிறேன் என்று நீங்கள் இந்த பூமியை விட்டு செல்லலாம்.

ஒரு தொழில் செய்வது என்பது அந்தளவுக்கு எளிதான காரியம் இல்லை என்றாலும் கடைசியில் ஒரு திருப்தி உங்களுக்கு கிடைக்கும் என்பதால் நான் சந்திக்கும் அனைவரிடமும் இதனை சொல்லுவது உண்டு.

ஒரு தெருவில் தள்ளுவண்டியில் ஏதோ ஒரு பொருட்களை விற்றுக்கொண்டு இருப்பவர்களுக்கு உள்ள ஒரு பெருமை பெரிய கம்பெனியில் மாதம் பத்துலட்சம் வாங்கும் நபர்களுக்கு இருக்காது என்பது தான் உண்மை.

உலகம் முழுவதும் சென்று வேலை பாருங்கள் கொஞ்சநாளில் நீங்கள் ஒன்றை உங்களுக்கு என்று தனியாக படைக்க பாருங்கள். நீங்கள் இந்த பூமியில் பிறந்ததின் அர்த்தம் தெரியும்.

அன்புடன்

ராஜேஷ்சுப்பு

குரு பரிகாரம்

வணக்கம்!

          ஒவ்வொருவருக்கும் தசா நடக்கும் காலத்திற்க்கு தகுந்தவாறு அவர்களின் உணவு முறை வித்தியாசப்படும். அந்த தசாவிற்க்கு தகுந்தவாறு உணவை விரும்பி உண்ணுவார்கள். குரு தசா நடக்கும் ஜாதகர்கள் பெரும்பாலும் பிராமணர்கள் உண்ணும் உணவை விரும்பி உண்ணுவார்கள்.

வியாழக்கிழமை தோறும் ஒரு நேரத்திற்க்கு மட்டும் நீங்கள் புளியோதரை செய்து சாப்பிடுங்கள். புளியோதரை செய்து சாப்பிட்டால் உங்களுக்கு குரு கிரகத்தின் அருள் கிடைக்கும். அதாவது புளியோதரை சாப்பிடும்பொழுது நீங்களும் ஒரு பிராமணர் போல் கருதப்படுவதால் குருவின் அருள் கிடைக்கும்.  

வியாழக்கிழமை அன்று நன்றாக புளியோதரை செய்யுங்கள். புளியோதரை பிராமணர்களின் வீடுகளில் செய்வது போல் செய்யவேண்டும். புளியோதரைக்கு பெரும்பாலும் பழைய புளியை உபயோகித்து செய்வார்கள். புதிய புளியில் அதிக வீரியம் இருக்கும் அதனால் பழைய புளியை பயன்படுத்துலாம்.

புளி சீரகம் பெருங்காயம் இது அடிப்படை உங்களுக்கு தேவையான பிற பொருட்களையும் கொண்டு நன்றாக செய்து சாப்பிடலாம். குருவின் காரத்துவதற்க்கு உள்ள பொருட்கள் என்று வரும்பொழுது இது அடிப்படை என்பதால் சொல்லுகிறேன்.

தயிர் சாதம் புளிசாதம் இரண்டையும் நன்றாக செய்து சாப்பிட்டால் அது குருவின் காரத்துவத்தோடு உங்களுக்கு நல்ல பலனை கொடுக்கும். இதனை எல்லாம் யார் செய்வார்கள் என்று விட்டுவிடாமல் ஒவ்வொன்றாக செய்து வந்தால் தான் கொஞ்ச நாளில் நல்ல முன்னேற்றம் காணலாம். 

அன்புடன்

ராஜேஷ்சுப்பு