சனி தசா பலன்கள்

வணக்கம்!

          சனி தசாவைப்பற்றி பார்த்து நீண்ட நாட்களாவிட்டது. இன்று அதனைப்பற்றி கொஞ்சம் பார்க்கலாம். மிதுனத்தில் ஒருவருக்கு சனி இருந்து தசாவை நடத்தினால் எப்படிப்பட்ட பலனை தரும் என்பதை பார்க்கலாம். 

என்னுடைய வாடிக்கையாளர் ஒருவருக்கு மேஷ லக்கினம் அவருக்கு மிதுனத்தில் சனி இருந்து தசா நடத்தும்பொழுது வாழ்வு மிகச்சிறப்பாக அமைந்த காலகட்டமாக அது அமைந்திருந்து. அவர் பெயிண்ட் அடிக்கும் வேலையை செய்து வந்தார். 

தற்பொழுது அவருக்கு சனி தசா நடந்து வருகிறது. நிறைய ஆர்டர்களை அவர் பெற்று செய்து தொழில் செய்து வருகிறார். நல்ல வாழ்க்கை அவருக்கு மிதுனத்தில் இருந்த சனி செய்துக்கொடுத்து வருகிறது.

கடக லக்கனத்தை கொண்ட நண்பர் ஒருவருக்கு சனி தசா நடந்து வருகிறது. அவர் தொழில் செய்து வருகிறார். பொதுவாக எனக்கு தொழில் செய்பவர்கள் வாடிக்கையாளர் அதிகமாக இருப்பதால் அவர்களின் ஜாதகத்தை வைத்து பலனை சொல்லுகிறேன். 

கடக லக்கினத்தை உடையவர்க்கு பனிரெண்டாம் வீடாக மிதுனத்தில் சனி இருந்து தசாவை நடத்தி வருகிறது. இவர் காப்பீடு தொழிலில் உள்ளார். இவர்க்கு பனிரெண்டில் உள்ள சனி நிறைய காப்பீடுகளை பெற்று தந்து தொழில் நன்றாக உள்ளது.

மிதுனத்தில் இருந்து சனிதசாவை நடத்தினால் ஒரு சில லக்கினத்தை பொறுத்து பலனை தருகிறது. அதே நேரத்தில் பொதுவான பலன் என்றால் ஒருவருக்கு நல்ல செல்வ செழிப்பை வியாபாரம் செய்வதால் வருகிறது. குடும்பத்தில் இருப்பவர்களுக்கு கணவன் மனைவியிடம் சண்டை சச்சரவுகளை உருவாக்கி வருகிறது.

அன்புடன்

ராஜேஷ்சுப்பு