குரு தசா

வணக்கம்!

          ஒருவருக்கு குரு தசா வந்தால் அவர் முழுவதும் ஆன்மீகபணியில் தன்னை இணைத்துக்கொள்ள குரு கிரகமே வழிவைத்துவிடும். குருகிரகம் நன்றாக இருந்தாலும் சரி நன்றாக இல்லாவிட்டாலும் சரி ஆன்மீக பக்கம் கொஞ்சம் இழுத்துவிட்டுவிடும்.

எனக்கு தெரிந்த நண்பர் ஒருவருக்கு குரு கிரகம் சரியில்லாமல் இருந்தது. அவர் ராகு தசா முடிவில் எனக்கு குரு தசா வருகின்றது நல்ல மாற்றம் வரும் என்று சொன்னார். ராகு தசாவில் நல்ல ஆன்மீகவாதியாக இருந்தார். நான் அவரின் ஜாதகத்தை பார்த்துவிட்டு அவருக்கு பலன் சொல்லவில்லை ஆனாலும் பார்த்தேன்.

அவரின் ஜாதகத்தில் குரு கிரகம் சாதாரண பலனை கொடுக்கும் நிலையில் இருந்தது. அவருக்கு தற்பொழுது குரு தசா நடக்கிறது. குரு தசாவில் அவர் தற்பொழுது செய்துக்கொண்டு வரும் வியாபாரம் சாமிக்கு தேவையான சாமான்களை விற்றுக்கொண்டு இருக்கிறார்.

சாம்பிராணி ஊதுவத்தி சந்தனம் திரி போன்ற வியாபாரத்தை செய்துக்கொண்டு இருக்கிறார். குரு தசா அவரை ஆன்மீகத்திற்க்கு தேவையான பொருட்களை விற்க்கும் படி செய்துவிட்டது. ஒவ்வொருக்கும் ஒவ்வொரு விதமான ஆன்மீகத்தை குரு தசா கொடுக்கிறது.

கடவுளுக்கு தேவையான பொருட்களை விற்பது ஒன்றும் குறை இல்லை ஆனால் அவர் எதிர்பார்த்தது பணத்தில் பெரியளவில் வந்துவிடலாம் என்று எதிர்பார்த்தார் ஆனால் அவருக்கு நடந்தது இப்படிப்பட்டது. 

அன்புடன்

ராஜேஷ்சுப்பு