வணக்கம்!
மனிதனின் பொதுவான ஒரு இயல்பான விசயம் பணம் நிறைய சம்பாதிக்கவேண்டும் என்று நினைப்பார்கள். கையில் பணப்புழக்கம் நன்றாக இருந்தால் நினைத்ததை செய்துவிடலாம் என்ற ஒரு சிந்தனையால் பணத்தின் மீது அனைவருக்கும் ஈடுபாடு அதிகமாக இருக்கும்.
ஒருவருக்கு லாபம் என்பதை பதினாேராவது வீடு காட்டினாலும் ஒருவரின் ஜாதகத்தில் இரண்டாவது வீடு என்பது மட்டும் நன்றாக இருந்தால் தான் ஒருவருக்கு பணப்புழக்கம் அதிகமாக இருக்கும். இரண்டாவது வீடு கெட்டால் பணத்திற்க்கு திண்டாடத்தை ஏற்படுத்திவிடும்.
பணப்புழக்கத்திற்க்கு இரண்டாவது வீடு நன்றாக இருக்கவேண்டும். இரண்டாவது வீட்டிற்க்கு எந்த வித தீயகிரகங்களின் தொடர்பு மற்றும் பார்வை இருக்ககூடாது. இரண்டாவது வீட்டிற்க்கு இப்படி தீயகிரங்களின் தொடர்பு ஏற்படும்பொழுது அவர்க்கு பணம் என்பது சரியாக வராது.
இரண்டாவது வீட்டிற்க்கு தீயகிரகங்களின் தொடர்பு இருந்தால் அவர் தன்னுடைய பணம் வரும் வழியில் பல தொல்லைகளை அனுபவித்து அதன் வழியாக சம்பாதிக்க நேரிடும் அல்லது இவர்களுக்கு வரும் ஒரு தீய வழியில் இருந்து வரலாம் என்று சொல்லலாம்.
உங்களுக்கு பணம் தட்டுபாடு என்பது வந்தால் உங்களின் ஜாதகத்தில் இரண்டாவது வீட்டை கொஞ்சம் சோதனை செய்து பார்த்தால் பணம் ஏன் தடைகள் ஏற்படுகின்றன என்பதை தெரிந்துக்கொள்ள முடியும். இரண்டாவது வீட்டிற்க்கு தற்பொழுது கோச்சாரபடி ஏதும் தீங்கு வந்திருக்கின்றதா என்பதையும் பார்க்கவேண்டும். இப்படி பார்த்துவிட்டால் கண்டிப்பாக உங்களுக்கு பணப்பிரச்சினை என்பது வராது என்று சொல்லலாம். அதற்குரிய பரிகாரத்தையும் செய்யலாம்.
அன்புடன்
ராஜேஷ்சுப்பு
No comments:
Post a Comment