முடிவுகளை எடுக்கும் கிரக அமைப்பு?

வணக்கம்!

          ஒரு சில நேரங்களில் முடிவுகள் உடனே எடுத்துவிடவேண்டும். பொறுமையாக அனைத்து முடிவுகளையும் எடுத்துக்கொள்ளலாம் என்று இருந்தால் அது சிக்கலை தான் கொடுக்குமே தவிர வாழ்வில் முன்னேற்றத்தை அதிகமாக கொடுத்துவிடாது.

பல இடங்களில் பல பேரை நான் பார்த்து இருக்கிறேன். ஒரு அவசர முடிவுகள் எடுக்கவேண்டிய நேரத்தில் மிக காலதாமதமாக முடிவு எடுத்துவிடுவார்கள். அந்த முடிவால் அவர்களின் குடும்பத்தில் உள்ளவர்களும் சிக்கல்களை சந்திக்கவேண்டியிருக்கும்.

இதனை ஏன் சொல்லுகிறேன் என்றால் முடிவுகள் எடுக்கவேண்டும் என்றாலும் அதற்கு ஜாதகத்தில் உள்ள கிரகங்கள் சரியாக வேலை செய்ய வேண்டும். ஜாதகத்தில் உள்ள கிரகங்கள் சரியாக இல்லை என்றால் முடிவுகள் அனைத்தும் குளறுபடிகளை தந்துவிடும்.

ஒரு முடிவு எடுப்பதற்க்கு மனதும் சரியாக இருக்கவேண்டும். மனதிற்க்கு எதிராக கிரகங்கள் இருந்தால் மனதை போட்டு குழப்பிவிடும் என்பதால் ஜாதகத்தில் உள்ள கிரகங்கள் முடிவு எடுப்பதற்க்கு ஒத்துழைக்கவேண்டும்.

ஒருவருக்கு இராகு தசா நடக்கின்றது என்று வைத்துக்கொள்வோம். அவரின் முடிவுகள் எந்த காலத்திலும் சரியாக இருக்கவே இருக்காது. அடுத்தவர்கள் அவர்களின் மேல் ஆதிக்கம் செலுத்தும் விதமாகவே முடிவுகள் இருக்கும்.

ஒருவருக்கு நல்ல முடிவுகள் எடுக்க என்னை பொறுத்தவரை மற்றும் நான் ஜாதகத்தை பார்த்தவரை குருதசா ஒருவருக்கு நடந்தால் அவர் சிறந்த முடிவுகளை எடுப்பார் மற்றும் எடுப்பார்கள்.

அன்புடன்

ராஜேஷ்சுப்பு