தாயை இழக்கும் ஜாதக அமைப்பு?

வணக்கம்!

        ஒருவருக்கு தாயை இழக்கும் அமைப்பு எப்படி இருக்கும் என்று நண்பர் கேட்டார். தாய் என்றாலே அது சந்திரனை தான் குறிக்கும். நான்காவது வீட்டை தாயை காட்டக்கூடிய ஒரு அமைப்பாக இருந்தாலும் அதன் காரத்துவம் உடைய சந்திரன் எப்படி இருக்கின்றது என்பதை பார்த்து நாம் முடிவு செய்யலாம்.

நான் பார்த்தவரையில் தாயை இழக்கும் அமைப்பு என்பது அவரின் நான்காவது வீடும் கெடவேண்டும் அதோடு சந்திரனும் கெட்டால் கண்டிப்பாக அவர்களுக்கு தாய் இருக்கமாட்டார்கள். இப்படிபட்ட ஜாதகர்களுக்கு அவர்களின் தாய் இளம் வயதில் அல்லது அவர் பிறக்கும்பொழுது இறந்துவிடுவார்கள்.

மாந்தி நான்காவது வீட்டில் இருந்து சந்திரனோடு சனி சேர்ந்து இருந்தால் அவரின் தாய் கண்டிப்பாக நோய்வாய்ப்பட்டு இறந்துவிடுவார். இவர்க்கு சந்திரன் அல்லது சனி தசா இரண்டில் ஏதோ ஒரு தசா வரும்பொழுது கண்டிப்பாக இறந்துவிடுவார்.

சந்திரனோடு செவ்வாய் சேர்ந்தால் அவரின் தாய்க்கு அதிகமாக நோய் வாய்பட நேரிடும். சந்திரன் செவ்வாய் சேரும் நபரின் தாய்க்கு அடிக்கடி தலைவலி வரும். சந்திரன் நன்றாக இருந்தால் தான் தாய் நலமாக இருக்கமுடியும்.

நான்காவது வீட்டில் தீயகிரகங்கள் இருந்தால் தாயின் உடல் நிலையில் பிரச்சினை கொடுத்துக்கொண்டே தான் இருக்கும். நான்காவது வீடு கெட்ட கிரகங்களின் வீடாக இருந்து அந்த கிரகங்கள் பிரச்சினையில் சிக்கினாலும் தாய்க்கு கெடுதல் தான் நடக்கும்.

அன்புடன்

ராஜேஷ்சுப்பு