தோஷங்களை போக்கும் வழி

வணக்கம்!

          ஒருவர் கஷ்டப்படுவதற்க்கும் நன்றாக வாழ்வதற்க்கும் அவர்களின் ஜாதகத்தில் உள்ள கிரக நிலைகள் தீர்மானிக்கின்றது. ஜாதகத்தில் உள்ள கிரகம் நல்ல நிலையில் அமர்ந்தால் அவர்களுக்கு அனைத்தும் நன்றாகவே நடக்கும்.

ஜாதகத்தில் உள்ள கிரக நிலைகள் சரியில்லை என்றால் அவர்களுக்கு பிரச்சினை மேல் பிரச்சினை வந்துக்கொண்டே இருக்கும். இதனை தவிர்ப்பதற்க்கு அவர்கள் ஆன்மீக வழியில் நிறைய முயற்சிகளை மேற்க்கொள்ளவேண்டும்.

ஜாதகத்தில் நிறைய தோஷங்களை கொண்ட ஜாதகமாக அமைந்துவிடகூடாது. நிறைய தோஷங்களை தாங்கிக்கொண்டு இருந்தால் அவர்களின் வாழ்க்கை வீணாக தான் சென்றுக்கொண்டு இருக்கும். தோஷம் அனைவருக்கும் இருக்கும் அதிகமாக தோஷங்களை கொண்டதாக இருக்ககூடாது.

எதுவுமே நடக்கமாட்டேன்கிறது என்று அலைந்துக்கொண்டு இருக்கும் நபர்களுக்கு எல்லாம் ஜாதகத்தில் நிறைய தோஷங்கள் இருக்கின்றன என்று அர்த்தம் கொள்ளவேண்டும். ஒரு சிலருக்கு பைத்தியம் போல்  அலைந்து திரிந்துக்கொண்டு இருப்பார்கள் இவர்களுக்கும் தோஷங்கள் இருக்கின்றன என்று அர்த்தம்.

தோஷங்களில் இருந்து விடுதலை அடையவேண்டும் என்றால் நிறைய புண்ணிய நதிகளில் நீராடுவது நிறைய கோவிலுக்களுக்கு சென்று வழிபடுவது எல்லாம் செய்தால் இதில் இருந்துவிடுபடலாம். ஒரு ஆன்மீக குருவை நாடி அவர்களின் வழியில் சென்றால் கண்டிப்பாக இதில் இருந்து மீண்டுவிடலாம்.

அன்புடன்

ராஜேஷ்சுப்பு