திருமண வாழ்வு

வணக்கம்!

          நேற்று திருமணம் சம்பந்தப்பட்ட கருத்தை பார்த்தோம். மேலும் இன்று ஒரு சில தகவலை பார்க்கலாம். ஒரு திருமணத்திற்க்கு ஏழாவது வீடு எப்படி முக்கியமோ அதனை போல் நான்காவது வீடும் முக்கியம்.

நான்காவது வீடு சரியில்லை என்றால் வாழ்க்கையே வீண் என்று சொல்லிருக்கிறேன். நான்காவது வீட்டில் செவ்வாய் அல்லது சனி போன்ற கிரகங்கள் நின்றால் அது திருமண பந்தத்தை சரியாக கொண்டு வராது என்பது எனது அனுபவத்தில் நிறைய பார்த்து இருக்கிறேன்.

நான்காவது வீட்டில் தீயகிரகங்கள் இருக்கும்பொழுது திருமண வாழ்வில் கசப்பு ஏற்பட்டுவிடுகிறது. திருமண வாழ்வில் கசப்பு இல்லை என்றாலும் சம்பந்தப்பட்ட ஜாதகரின் துணைக்கு அல்லது அவருக்கு நோய் தாக்கி இறக்கும் சம்பவம் எல்லாம் நடக்கிறது.

நான்காவது வீட்டில் நல்ல கிரகங்கள் இருந்தால் ஏழாவது வீடு சரியில்லை என்றாலும் கூட அவர்களின் திருமண வாழ்வு நன்றாக இருக்கின்றது. நான்காவது வீடு அந்தளவுக்கு நல்லதை கொடுக்கிறது என்று அர்த்தம்.

பழைய பதிவில் கூட ஒரு சோதிட தகவலுக்கு நான்காவது வீடு எந்தளவுக்கு நல்லது செய்யும் என்பதை சொல்லிருக்கிறேன். ஒரு ஜாதகத்தை எடுத்து நான்காவது வீட்டை கவனித்தாலே போதும் அவனின் வாழ்க்கை என்ன என்று தெரிந்துவிடும்.

நான்காவது வீட்டில் உங்களுக்கு அல்லது உங்களின் வாரிசுக்கு தீயகிரகங்கள் இருந்தால் ஆன்மீகவாதியோடு நிறைய கோவிலுக்கு செல்லுங்கள் இது தான் பரிகாரம்.

அன்புடன்

ராஜேஷ்சுப்பு