காலசுழற்சி

வணக்கம்!

          உங்களை சுற்றி இருக்கும் நபர்கள் ஒரு காலத்திற்க்கு பிறகு அவர்கள் உங்களோடு இருக்கமாட்டார்கள். கிரகங்களின் சுழற்சி உங்களிடம் இருக்கும் அனைத்தையும் மாற்றிக்கொண்டே இருக்கும். இன்று உங்களிடம் இருக்கும் அனைத்தும் கொஞ்சகாலத்தில் மாறிக்கொண்டே இருக்கும். இது மாற்றம் என்று சொன்னாலும் இதனை நடத்தி வைப்பது கிரகங்கள் தானே தவிர வேறு ஒன்றும் கிடையாது.

நாம் வாழும் வாழ்க்கையில் நம்மிடம் அனைத்தையும் தக்க வைத்துக்கொண்டால் தான் அது வாழ்க்கையாகவே இருக்கும். அதாவது நம்மிடம் இருக்கும் அனைத்தையும் நம்மாேடு இருந்தால் போதும். இதனை தக்கவைத்துக்கொள்வதற்க்கு தான் பெரும்பாலான வழிபாடுகள் உங்களுக்கு துணைபுரியும்.

மூன்று வருடங்களுக்கு முன்பு உங்களோடு இருக்கும் நபர்கள் இன்று உங்களோடு இருக்கமாட்டார்கள். இதுவும் கிரகங்களின் சுழற்சியாக தான் இருக்கும். நான் நட்பை மட்டும் வைத்துக்கொண்டு சொல்லுகிறேன்

நீங்கள் மலைபோல நம்பிக்கொண்டு இருக்கும் நபர்கள் உங்களைவிட்டு சென்றுவிடுவார்கள். இதனை எல்லாம் நாம் சரியாக கொண்டு செல்வதற்க்கு வழிபாடு உங்களுக்கு பெரிதும் துணைபுரியும். என்னோடு பயணிக்கும் பெரும்பாலான நபர்கள் இன்றும் என்னோடு இருப்பதற்க்கு காரணமாக இருப்பது நான் செய்யும் வழிபாடு தான் காரணமாக இருக்கின்றது.

உங்களின் குடும்பத்தில் உள்ளவர்களும் உங்களின் நட்பு வட்டமும் உங்களோடு இருக்கும் பொருட்கள் மற்றும் நிலங்கள் எல்லாம் உங்களோடு இருக்க நீங்கள் சரியான திட்டமிடலும் மற்றும் வழிபாடு மட்டுமே உங்களை காப்பாற்றும்.

அன்புடன்

ராஜேஷ்சுப்பு