வணக்கம்!
துலா இராசியில் சனிக்கிரகம் அமர்ந்து தன்னுடைய தசாவை நடத்தினால் எப்படி பலன் இருக்கும் என்பதை இப்பதிவில் பார்க்கலாம். உச்ச வீட்டில் சனி இருந்து தசாவை நடத்துவதால் பெரும்பாலும் நற்பலன்களை வழங்குவார்.
பெரும்பாலும் சனி தசா நடக்கும்பொழுது இருந்த இடத்தை விட்டு வெளி இடங்களுக்கு செல்ல வைக்கும். ஒரு ஊரில் இருந்து அடுத்த ஊரில் வாழவைக்கும். ஒரு சிலருக்கு நாடு கடத்த வைக்கும்.
துலா ராசியில் இருந்து சனி தசா நடத்தும்பொழுது நல்ல வருமானம், பிறர்களால் மதிக்கப்படுவது, பெரிய பதவி வாய்ப்பு, நிலங்களை வாங்குவது போன்ற நல்ல விசயங்களை செய்ய வைப்பார்.
வியாபாரத்தில் ஏற்பட்ட இழப்புகளை எல்லாம் இந்த தசாவில் பெறவைப்பார் , நேர்மையான வழியில் சம்பாதிக்க வைப்பார். உச்ச வீட்டில் சனி இருந்து தசாவை நடத்துவதால் தசா முழுமையும் யோகத்தை வாரி வழங்குவார்.
துலாத்தில் சனி இருந்து தசாவை நடத்தும்பொழுது பெரும்பாலும் நல்லதையே தரும். சனியின் பகை கிரகங்களின் சேர்கை அல்லது பார்வை பட்டால் மட்டும் பலன்கள் குறைவதற்க்கு வாய்ப்பு இருக்கும்.
அன்புடன்
ராஜேஷ்சுப்பு
No comments:
Post a Comment