சக்தி

வணக்கம்!

          ஒரு ஆண்டு கட்டண சேவை என்ற ஒன்றை பதிவிட்டேன். பல நண்பர்கள் அதற்கு தொடர்புக்கொண்டனர். அவர்களை அனைவரிடத்திலும் வேண்டாம் என்று சொல்லிவிட்டேன. இதற்கு காரணம் அவர்கள் அனைவரும் ஒரளவு நன்றாக இருக்கும் நபர்களாவே இருக்கின்றனர்.

ஒரு ஆண்டு கட்டண சேவையில் இணையவேண்டும் என்றால் அதற்கு அவர்கள் கடுமையாக பாதிக்கப்பட்ட நபர்களாக இருந்தால் அது சரிபட்டு வரும். நன்றாக இருக்கும் நபர்கள் இதில் இணையவேண்டாம் என்று கேட்டுக்கொள்கிறேன்.

ஒரு லெவலில் நீங்கள் இருக்கின்றீர்கள் என்றால் அந்த லெவலில் இருந்து நீங்கள் மாற்றம் அடைய அல்லது மேலே செல்ல ஒரு சக்தி உங்களுக்கு தேவைப்படும். இயற்பியல் படியும் இது உண்மையான ஒன்று. ஒரு மட்டத்தில் இருந்து அடுத்த மட்டத்திற்க்கு செல்வதற்க்கு சக்தி வேண்டும் என்பார்கள்.

நம்மை பொறுத்தவரை ஒருவர் வந்தால் அவரின் வாழ்க்கையை நாம் மேம்படுத்த என்ன செய்யவேண்டும் என்பதை பார்த்து செய்துக்கொடுத்துக்கொண்டு இருக்கிறேன். இவர்கள் கொடுக்கும் கட்டணத்தை வைத்து தான் அதனை நான் செய்கிறேன்.

நீங்கள் என்னிடம் வராமல் நீங்களே இதனை எடுத்து செல்லவேண்டும் என்றால் நிறைய வழிபாடுகள் மற்றும் கோவில்கள் எல்லாம் சுற்றிவரவேண்டும். ஜாதகத்தில் நீங்களே நல்ல வேலை செய்ய கற்று இருக்கவேண்டும். இப்படி செய்யும் பட்சத்தில் நீங்கள் மேலே வந்துவிடலாம்.

உங்களின் ஜாதகம் நன்றாக இருந்தாலும் ஒரு சக்தி படைத்த நபர்களின் தொடர்பு உங்களின் வாழ்க்கையை மேம்படுத்தும் என்பதில் மாற்றுக்கருத்து இல்லை. ஒரே நிலையில் இருப்பவர்கள் இதனை புரிந்துக்கொண்டு செயல்படுங்கள். நன்றாக வாழலாம்.

இன்று அம்மன்பூஜை நடைபெறுகின்றது. அனைவரும் நன்றாக பிராத்தனை செய்துக்கொள்ளுங்கள்.

அன்புடன்

ராஜேஷ்சுப்பு